Spreek je dialect

[GerritHondelink]

‘k zeg oe nen döl kuiert meespats te völ.


’n Drietheukse
Meer is ‘t joa nich, a’j vanoet de ruumte der noa kiekt: oonze gloepens mooie weerld.
Alman kent woar-eargens wa 'n plekske woar as geneen weet, wee of 't heurt of wat den der met wil of dut.
En a'j neudig pissen mut, of oet de bokse, dan zeuk iej oe drok noar 'n heukske oet 't zicht.
En a'j op 't leste nich noar de 'warme bakker' bint brach, dan könt de leu oe joa doar bezeuken woar a ‘j bint hen elegd.
Mangs is 't good da’j van et grote noar et kleane kiekt.
Dan wee'j wier da'j zeunig mut wean op dat blauwe drietkleutke !
Dick Schlüter,


Gèèld is t eenugste wat n vrouw veur zich kan hòòl-n.


12 jan Bernardus van Corleone.
Het blijft vandaag bewolkt maar zo goed als droog in Enschede.
Vanmiddag stijgt de temperatuur tot 2 °C en is de wind zwak, windkracht 2. Vannacht is het bewolkt en koelt het af tot ongeveer 1 °C.

Als de dagen lengen, begint de winter te strengen.

Heeft januari koude en droge dagen,
dan zal in februari de sneeuw u plagen.

[GerritHondelink]

STRAAMPN
Betekenis 1 gaffel; vertakking, mik (vorkstok);); splitsing (weg) boom/struik
Nen straampn veur nen kattepul. een vorkstok voor een katapult.


Persoonlijkheid
Woar is de tied van gesprekken an de kôkkentoafel
Met ne komme koffie met 'n frou-frou of ieswoafe[,
Allerdaagse gebüurtenissen worden oonder 'n loep enommen
Zeg heb iej 't al heurd, op ‘n hook van de weg zal lech kommen
Et niejs gung as 'n lopend vuurtje van moond tut moond
Postbodes hadden et drok ze brachen breve en kaarten roond
Rechtervoort krieg iej weinig breve en kaarten meer
Nee wiej hebt hoaste âlleen nog elektronisch verkeer
Zulms bèlastinganslagen krie’j neet meer too-estuurd
lej kriegt ze nog wal, ma neet met de pos, dat is gebuurd
Per e-mail wordt 't oe met-edeeld wa'j mot betalen
Biej et der neet met eans, mo’j via 'n computer verhaal halen
Et antwoord der op doert dree korten en dree langen
Kiek en dan kan ik zo noar dat oale verlangen
Nen onverwochtse kaart of breef van kennis of familielid
Wiej dan op oew gemak goat leazen a’j an de kôkkentoafel zit
Niks gin e-mail, whatsapp en getwitter of wat dan ok
'n Breef op oew gemak leazen met op de achtergroond getik van de klok.

Anna Geerdink


Verstandug is op tied te komm-n, nog varstandugge is ‘t op tied te gaon.



13 jan Hilarius van Poitiers.

Het blijft vandaag bewolkt maar zo goed als droog in Enschede,
met vanmiddag en vanavond kans op motregen.
De temperatuur stijgt tot 4 °C en de wind is matig, windkracht 3.
Vannacht is het bewolkt met kans op natte sneeuw en koelt het af tot ongeveer 3 °C.

Gef Sint Hilarius zunneschien rap zal ’t dan koalder wean.

Als het op St. Hilarius (13 januari) vriest,
de boer zes weken niest.

[GerritHondelink]

STRAAMP.
Betekenis 2 kruis (lichaamsdeel, in een broek); ruimte (tussen de benen)
Woar de bene in n boek loopt is t nen straampn. Kruis staat hier voor de plaats waar het geslachtorgaan zit het is een plek die je normaal gesproken niet ongevraagd aanraakt bij een ander.


De Meuie in 't zwart
't Boemeltje van Zwolle noar Twente steet nog gedeuldig te wochen op de leste late reazigers van den dag. In de ofdeling 'Niet Roken' is 't drok. 't Is der waarm en de loch is der dreuge. Zo te zeen is alman an rôste too, now 'n dag der noagenog op zit. Hoast elke stea is bezat. Nôagst ne ranke jonge deerne dee 'achteroet' ridt, hef zich nen keerl zat den, zo te zeen, nen drokken dag achter de rugge hef en ne hoolding annemt van: 'Loat miej met rôste, 'k wil de ogen toodoon'. Eur teagenoawer hef nen heer van meer dan normalen umvaank ziene stea innômmen. Nôags em is nog mer vuur 'n deel ruumte. Eawen vuurdat 'n chef 'n trein lôt votrieden, takelt zich ne zwoarlievige oale meuie noar binnen. 't Umvangrieke meanske, in doonkerzwarte boerenkleare geet op zeuk noar de eerste de beste vrieje stea. De ruumte nôags den gezatten heer liekt eur nich genog. Mer de jonge deerne duurzôt 't hete hangiezer en wil de meuie eure stea anbeen. De meuie, dudelijk nich weand zich in 't Hollaands oet te drukken, gif as bescheed: "Nee, dank u wel, ik kan niet goed 'achtereers'rijden." Noa ennige verschoevingen zit dan alman en 'n trein hef zich in gange zat. Der wôrdt noagenog nich sprôkken, de loch is der noch noa. In Wierden lôt de meuie zich met vôlle gestôn oet 'n trein zakken. Alman haalt es depe oadem.
Oet de Bodbreef hearfst 2018 schriever: Johan Kwast, Boorn
Opmerking: Meuije Werd door kinderen gezegd tegen alle oudere vrouwen.
Het meuije staat steeds achter de naam dus de eigen naam gaat vooraf bijvoorbeeld: Diene meuije = tante Dien.
Meuije = tante (oude vrouw die geen familie was) maar soms ook oude vrouw / vrijster


Dee nog nooit hef wèèrkt weet ook nig wat vermeujdheid is.


14 jan Engelmar van Passau.
Het blijft vandaag bewolkt en de neerslagkans blijft hoog in Enschede.
Vanmiddag stijgt de temperatuur tot 4 °C en is de wind matig, windkracht 3.
Vannacht is het helder en koelt het af tot ongeveer 0 °C.

Regen in januari is voor de mensen ongezond, maar goed voor de doodgravers

Als de rook uit de schoorsteen naar beneden slaat,
zeker dat het nog meer regenen gaat.

[enschedeinansichten]

Ik had vroeger ook een aantal meuie'n. Waren wel uit Drenthe afkomstig. Femmechiemeuie en Roeffiemeuie.

[GerritHondelink]

Lig daor nich zo te straampn, ie zöln oe wat an doon. Lig daar niet zo open en bloot, trek wat meer aan.


Raodsel
Ik jage diej, doew jegs miej;
ik kriege diej neet, doew krigs miej neet;
Het is de greutste onmeugelikheed,
dat wiej as zuster en breur oons zeet.


Ai’j ‘n moes miauw-n wilt leer-n, mo-j hem bie de kat in de leere doon.


15 jan Paulus van Thebe ook wel Paulus de Heremiet.

Het wordt bewolkt en de kans op neerslag neemt toe in Enschede, met vanmorgen en vanmiddag natte sneeuw.
De temperatuur stijgt tot 2 °C en de wind is matig, windkracht 4.
Vanavond is het helder en koelt het af tot ongeveer 0 °C.

St. Paulus, en lo`w dat hoppen, is de eerste van de drie harde koppen!

De betekenis van St. Paulus is die van een leider in het vroege christendom en speelde een centrale rol in de vroege ontwikkeling en verspreiding van het christendom in de gebieden rondom de Middellandse Zee, in het bijzonder in Klein-Azië en Griekenland.
Met harde koppen, de harde vorst die omstreeks deze tijd kan voorkomen, worden Paulus van Thebe (15-01), Antonius Abt (17-01) en Sebastiaan (20-01) bedoeld.

[Veteraan]

Raodsel
Ik jage diej, doew jegs miej;
ik kriege diej neet, doew krigs miej neet;
Het is de greutste onmeugelikheed,
dat wiej as zuster en breur oons zeet.

De wiezers van 'n klok?

[enschedeinansichten]

Hond en Kat ?

[GerritHondelink]

Beide helaas niet goed.

[enschedeinansichten]

Dag en nacht.

[GerritHondelink]

Ik heb ’t naar in n straamp. Ik heb erg last van mijn onderrug.


As t ies te dun is mo-J nig gaon skaatsen.



Et oog
Ik dörf nich in de put te kiekn
n oog dat kik mie an
ik wil mie nich spegeln an dat oog
al is et water nog zo glad
der is ne deepte dee ik nich kan peiln
peiln.

Et duustere geheim van ne familie
ooit zo vrearig op n vertrouwd earf
n echo van ne lestn roop
op ne witn Dreekönningn
of de nog aait verdreaide zeel
van ne knech den is verdreunkn
dreunkn.

Een ding kö'j doonder op sprekn
et oog zal ok mie ouverleavn
leavn.
Bennie Sieverink In de sproak van Hassel/Hengel.


16 jan Tillo van Solignac (ook van Westfalen) Tillo betekent ‘ man van het volk.

Het wordt vandaag geleidelijk minder bewolkt maar het blijft zo goed als droog in Enschede, met vanochtend nog wel kans op sneeuw.
Vanmiddag stijgt de temperatuur tot 1 °C en is de wind matig, windkracht 3.
Vannacht is het bewolkt en koelt het af tot ongeveer -3 °C.

Leg jannewari een sneetapijt,dan bin wie’j de winter gauw weer kwiet,
mar hef januari koale en dreuge dagen, dan zal in februari de snee oe lilluk plagen.

Gin nood, al sni’jt ’t in ’t groot, volle snee, volle brood.

[Arie]

Leg jannewari een sneetapijt,dan bin wie’j de winter gauw weer kwiet,
mar hef januari koale en dreuge dagen, dan zal in februari de snee oe lilluk plagen.

Gin nood, al sni’jt ’t in ’t groot, volle snee, volle brood.

Het was vanmorgen wit en koud tijdens de wandeling met mijn hondje.

[GerritHondelink]

Zitn te straampn. Wijdbeens zitten (met inkijk).

BRRRR
Br….de temperatuur schôt oonder nul
veur koaldfiesters nen slechten tied
ingepakt kloesteren roond um 'n kachel
boeten... nee daor zeej ze ok niet.
Sneebuien teuvert 't hele laand wit
de mutse op, de haansken an
wandelaars en sleetjes oaveral
gezoond genietend, zolang 't kan.
Leefhebbers met kraanten achter't buis
ski's en schaatsen rap oet 't vet
met gesleppen iezers op naor ’t ies
baantjes, lange tochten, weenterpret.
Disse oer-Hollandse tafereeltjes
inzeepen, sneeballen gooien, glissen
nen sneeuwpop met nen wortelnôs
jong en oald wil dit nich missen
Anny Lesscher-Schasfoort.

Dee aandren nig verget wod zôlf ook nig vergetten.


17 jan Antonius de Grote of Antonius van Egypte.
Het wordt vandaag geleidelijk bewolkter maar het blijft zo goed als droog in Enschede.
Vanmiddag stijgt de temperatuur tot 0 °C en is de wind zwak, windkracht 2. Vannacht is het helder en koelt het af tot ongeveer -4 °C.

Van Sint Antoon tot Sint Amand (6.2) doet de winter al wat hij kan.

Sint Anton voorbij met een watertje hoog,
volgt een voorjaartje vroeg en droog.

St. Antoon (17 januari) is een ijsmaker of een ijsbreker Als het vriest op Sint Antonius, dan dooit het op Sint Sabastiaan. Sint-Sebastiaan is op 20 januari.

[GerritHondelink]

Dan knap ik oet n straampn. Dan scheur ik uit het kruis. (van een broek).


Wat de natuur kan (1)
Eargens in het Arboretum Poort-Bulten in De Lutt steet nen biezunderen boam. Het is nen acacia en an 'n voot van den acacia steet tusken ziene wortels nen liesterbesstruuk ( nen flôatpiepenboam ) dee langs de vôl grôttere en dikkere wortels van den acacia ruumte hef vunden en kreggen um wieder in de groond toch voer en water te veenden! Broederlijk nôast mekaar stoat zee, mekaar behalve water en voer ok licht gunnend asof het de gewoonste zaak van de weareld is. Natuurlijk had dat zôadke van den flôatpiepenboam ok wal 'n paar meter wieder daal kunnen vallen, mer och .. het vaalt zoa as het vaalt. Op earve Hengelman in oonzen bos — den is trouwens nooit oons eagendom west — steet ok zoa iets. Nen knots van nen ekenboam met nen umvang van meer dan nen meter — ik schat hem op meer dan honderd joar — en den gef ok wier tusken ziene onwieze wortels ruumte an nen beukenboam, dee minder in umvang en zeker ok in joaren, ruumte um deep in de groond water en voer te veenden. Steal opgoand van onder noar boaven goat de bear stammen tehoap op zeuk noar het licht. De zwoare ekentâk en de vôl dunnere en soepeler beukentâk deelt alles wat der te delen vaalt. leder joar allebear vol in het blad — de beuk eerder van de inlaandse eek, dat heurt zoa — komt zee goad an de kost. Joa, den beuk had ok wal woar anders kunnen goan stoan mer — neum het mer zien noadlot — hef hem doar loaten landen, tusken dee wortels van den eek.
Jan Swennenhuis. (Oet ’n Hoesbreef de Dree Marken).


Waor ’t weè’ j-t zal ‘t stoem’n.


18 jan. Petrus werd de eerste bisschop van Rome en de eerste paus. (Hij was de eerste die dit ambt - of deze 'stoel' – bekleedde).
Het wordt vandaag geleidelijk zonniger en het blijft zo goed als droog in Enschede.
Vanmiddag stijgt de temperatuur tot 2 °C en is de wind zwak, windkracht 2.
Vannacht is het helder en koelt het af tot ongeveer -4 °C.

Sint-Petrus stoeltje koud,
wordt veertien dagen oud.

Sint Petrus stoel bevroren,
een droog jaar geboren.

[GerritHondelink]

Nen roewn straampn = zadelpijn roewn straampn = blikaars; blikgat; ontveld kruis (door paardrijden of fietsen); pijnlijk zitvlak.


Wat de natuur kan (2)
As ik later oet de tied kom en cremeerd ben, dan wil ik gearn dat miene keender ok luk aske bie dizzen boam goat strôaien. lk vind het namelijk — net as den flôatpiepenboam bie den acacia — 'n onwies mooi beeld van hoo dee machtige bôam an het vôl meendere kleane bôamke leavensruumte en leavenskaansen gewt. Zol dat ok bie oons leu zoa kunnen wean? lk bedoel dat leu dee wat hebt ok wat leavensruumte en leavenskaansen gevvt an wel nich wat hef?. Heurt dat nich bie oons gewone natuurlijke leaven? En dat op 'n ogenblik dat oaweral in oonze weareld leu op zeuk bent noar 'n sterreke, woar zee ruumte en kaansen kriegt? Umdat ik deur lichamelijke klachten vôl binnen zit, leas ik nogal wat beuk, noadat ik de kraant van a tôt z heb deurpluusd. In het dikke book woar ik noe nog met gangs ben, schrif nen biologischen antropoloog (joa, nen fleenken moond vol) dat der vroger, dow de weareld nog bevolkt wôr deur jagers/ verzamelaars hillemoal gen gedoonder was um 'n stukske groond, want zee trôkken doar hen woar zee as jagers/verzamelaars wat te etten konden veenden. Roem tiendoezend joar ledden — zoa schrif den geleerden kearl — bent wat leu op het idee kômmen um zich eargens te goan vestigen, zeg mer boer worden. Hee neumt dat "de grôtste fout van de menshead" want hee begun ok met 'n stuk groond veur zichzôlf of te gleenten: dit is van mie en doar blief ie of! En doar he'w noe nog aait last van. Joa, ..joa, ik heur oe al schreeuwen! Nee, natuurlijk ku'w dat nich meer teruwdreaien, dat snap ik ok wal. Mer misschien da'w nog wal es goad noar den acacia en den eek goat kieken - dat is puur natuur, hé — en doar 'n heel klean betke van in de praktiek brengen al was het mer as 'n soort oefening ne collecte veur vluchtelingen good te gedeanken. Veur leu, dee het misschien nich weet: van ne jonge twieg van nen flôatpiepenboam konden wie heel kôanstig ne flôat maken: sape, sape, siepe, wanneer bis doe riepe en van het hoalt van nen beuk ne blokflôat. Van nen acacia noch van nen eek lukt dat.
Jan Swennenhuis. (Oet ’n Hoesbreef de Dree Marken).


Ie verleest völ tied a’j tied wilt winn’n.


19 jan Henry van Uppsala.
Het wordt vandaag geleidelijk zonniger en het blijft zo goed als droog in Enschede.
Vanmiddag stijgt de temperatuur tot 3 °C en is de wind matig, windkracht 3.
Vannacht is het helder en koelt het af tot ongeveer -2 °C.

Geeft Sint Sulpitus schoon ijs
dan is de lente goed en wijs.

[GerritHondelink]

Zik nen roewn straampn loopn = zich kapot lopen.


LUCTOR ET EMERGO (ik wossel en kom boaven)
Dizzen eewn-aolde Zeeuwse sprôkke kuw règtervoort heel good vestaon
oorlog, hongersnood en tèggenslag wosseln, mood hoaln, wiedergaon.
Nao Corona dachen wie, wie hebt e had héél iets aanders kwam oet de mouw
weark-onrôst, umvallende bedrieven zôlfs spoor- en vleegverkeer in 't nauw.
Bosschoppn, benziene, lecht en gas iedere wek ne aandere pries
sociale deensten draeien oaveruren en voedselbaanken raakt van de wies.
Stuurloze, ontheemde muw plek gewwen, mar hoe en waor
oons eagen volk hef nog zovôl vraogen en oonze regering krig dit ok nich klaor.
Met zien allen hew 't nich gemakluk völ volk zit of koomp in de put
"de tering naor de nering" zetten wosseln jao 't kan, nee……. 't mut.
Anny Lesscher-Schasfoort.


Aj roe-jt met de ree-m-n dee-j hebt kom ie ook veuroet.



20 jan Sebastianus van Rome.

Het wordt vandaag geleidelijk bewolkter maar het blijft zo goed als droog in Enschede.
Vanmiddag stijgt de temperatuur tot 2 °C en is de wind matig, windkracht 3.
Vannacht is het bewolkt en koelt het af tot ongeveer -2 °C.

Met Sebastiaan komt de winter aan, of hij is gedaan.

St. Fabian en St. Sebastian zet ’t sap in de beume an.

Als het vriest op Sint Sebastiaan dan is het op Lichtmis (2 febr.) met de vorst gedaan.

[GerritHondelink]

Oonder n straampn hen = tussen beide benen door


Met zien kistke trôk hee langs de huuz;
Fietsn-ôllie, motnbaln, spul teegn luuz,
Scheermeskes, zeep, veter in de schoon:
Veanters langs de duur, vrogger gewoon.
Met zienn agoosie* trôk hee deur 't laand;
Neai-goarn, veiligheedspealdn, ofzetbaand,
In snee en reagn of braande zun in de weer:
Disse kleane zôlfstaandign gef 't nich meer.
*agoosie; handel
Luk van Geen

Dee zich zôlf nig vertrouwt hooft nerngs an te beginn-n.


21 jan Agnes van Rome
Het blijft vandaag bewolkt maar zo goed als droog in Enschede.
Vanmiddag stijgt de temperatuur tot 5 °C en is de wind matig, windkracht 4.
Vannacht is het regenachtig en koelt het af tot ongeveer 7 °C.

Als Agnes en Vincentius (22 jan.) komen,
begint de winter te schromen
Dan is er nieuw sap in de bomen

As Sunt Agnes is in ’t laand, dan koomp ter sap in de plaant

[GerritHondelink]

Wat leu wilt wieder striedn dan eer ’n straampn too löt. Sommige mensen willen verder lopen dan hun benen toelaten. Boven je stand leven. Groter voordoen dan je eigenlijk bent


MAOTMAN
in de aole straote
vuur de VVV
zoog ik
oen wagen
staon
Maotman Eibangen
stun der op
en achterop
Giddy up go
‘k mos duur trâône hen kieken
doo ‘k dat zoog:
kom ik dan nooit van oe of?
T. Kolkman.


Better dee nig wil as dee nig mag.


22 jan Vincentius van Zaragoza.

Het wordt vandaag geleidelijk minder bewolkt en de neerslagkans blijft hoog in Enschede.
Vanmiddag stijgt de temperatuur tot 10 °C en is de wind matig, windkracht 4.
Vannacht is het bewolkt met kans op een regenbui en koelt het af tot ongeveer 5 °C.

Wil er wijn zijn straks in kruiken dan moet het met Vincent druipen op de struiken.
komt Vincentius dagen houdt regen op, maar komen windvlagen.

Vincentius met zunneschien gef völ koren en ok völ wien.

[GerritHondelink]

Oawer ‘t strämpken trekn = een klap voor de broek geven.

’n Eerstn.
Op 'n Burgelijkn Staand kom 'n joonk stel um zik te loatn trouwn.
Toen 'n ambtenaar ok an de broed de gebroekeljke vroag dear of ze 't eens was met de trouweriej , zear ze met vaste stem: 'Nee!'
'Woarum he-j dan zoa laank wocht met te zegn da-j nich met disn heer trouwn wilt?' , vrôag 'n ambtenaar luk van de wiez.
'Umdat iej 'n eerstn bint dee miej doar noar vrôg', was 't dudelijke bescheed.


Dee aander’n zwat maakt is zôlf ook nig schoon.


23 jan Henricus Seuse.
Het wordt vandaag geleidelijk bewolkter en de kans op neerslag neemt toe in Enschede, met vanavond regen.
Vanmiddag stijgt de temperatuur tot 8 °C en is de wind matig, windkracht 4. Vannacht is het regenachtig en koelt het af tot ongeveer 10 °C.

Steet 't peerd tot an 'n boek in 'n drek,
dan geet 't met den reagn toch net iets te gek.

[GerritHondelink]

Eén liek vuur ‘n straampn kiekn = Iemand in het kruis kijken. In ‘t gestrit


Weenter 2023
breef van moö an eren zön
Ne moö oet Almeloo skrif 'n breef an eren zön, den zölfstaandig noar nen grooten stad is hen e trökken
Hallo mien leawen zön,
Hierbiej wat skriefreegeln, um oe te loaten wetten, da'k ok nog aajt bestoa. Ik skriew oe dissen breef 'n betken troage, umdar ik van oene kammeröa heb e-heurd, da'j nit zo rap least. Wat oew va angeet, hee is gin meelkboer meer. Hee hef noe völ better wark. Hee hefwal meer as viefhoonderd leu oonder zik. Hee mäejt t grös en verzorgt alle grafsteene op 't karkhof an de Wierdensestroat.
Iej zölt oons hoes nit wierkennen, aj nog es 'n moal weer in de buurte bint; iej mut wetten, wiej bint verhuusd.
In oons nieje hoes stoat almoal niejmoodse apperaten. Toen a'w d'r veur 't eerste moal intrök'en, stön d'r in 'n apat keamerke nen merakels meuien kleanen wasmesien. Jammer genog warken-e nit zoo bes. Vörige wekke nog he'k d'r vief boezeroens van oew va in-e-doan. Nodar ik 'n heandel heb oawerhaald, he'k ze nit weer e-zeen.
Oew zuster Marie hef in 'n langen lesten 'n kleanen e-kregen. Ik wet nog alverdan nit of et meaken of 'n jeungsken is: et hef aajt nen luier um. 't Is ok seund en jammer tegeliek da'w ‘t wich later nooit zölt können verstoan, umdar et 'n Engelsman is, van oawer 'n groten plas.
Oen oom Derk is vörige wekke jammer genog in 'n groot biervat jn de Grolsch-brouweriej in Grolle verzöppen. 'n Paar van ziene kollega's bint 'm noch achternoa dökken, mer hee vöchen fleenk terugge.
Gistern mos ik met oew va noar 'n dokter hen. Den stoppen miej 'n klean glazen piepke in 'n moond en toen vertellen e miej, da'k et d'r tien menuten in mos hoalen. Oew va wol 't piepke dreks van 'm oawernemmen.
Vörige wekke hef et hier mer tweemoal e-reengt. Eers nen buuj van dree daage en doarnoa nog es een van veer daage.
Noew, goodgoan en doot gin domme dinge.
lOew leefhebbende moöder.P.S. Ik har miej veur e-nömmen um oe nog wat geeld met te sturen mer ik har in de rappigheajd 'n kovak a dich e-plakt....
Erik Hütte oet Almelo Oet ’n Bodbreef weenter 2023.


0e èèng’n pien veul ie t slimste.


24 jan Franciscus van Sales

Het wordt geleidelijk minder bewolkt en de kans op neerslag neemt af in Enschede
Vanmiddag stijgt de temperatuur tot 11 °C en is de wind vrij krachtig, windkracht 5.
Vanavond is het bewolkt en koelt het af tot ongeveer 7 °C.

Is er veel regen en wind in januari,
dan volgt er een koude februari.

Is het in januari zacht, dan krijgen lente en zomer veel groeiende kracht.

[enschedeinansichten]

0e èèng’n pien veul ie t slimste. is wel logisch maar die van je kinderen is het ergst.