Spreek je dialect

[GerritHondelink]

Zo bie’j gezond en zo moi’j pissen.
Ironische spreuk die zegt dat er binnen korte tijd veel kan veranderen.




OUWERLEG'NT, EAR AJ WAT ZEG’NT.
Wat kan toch smangs een eankel woord
Nen heeln hoop drokte maakng.
Wat kuej toch met een eankel woord
Een meanske deepe raakng.
Wat zeent dr duur een eankel woord
Gin beane al vebrukn,
Hef 'n eankel woord al mennegmoal
Gezinn' oet een etrukn.
Duur 'n eankel woord sprekt heel wat leu
Mekoar al joarn neet too,
En kuemp ne dochter al gin wekn
Mear biej eur vaa en moo.
Wat vaake hef een eankel woord
Nen hoop vedreet ebrag.
Te vaake wordt er ees eproat
En dan pas noa edach.
Ees kuiern en dan prakkezeern,
Meestieds is det neet good.
't Is vulle better toch wonear
Aww"t umgekeerde doot.
Jan Rozendom.

[GerritHondelink]

Nen deef nemt wat, nen braand nemt allns.
Kerm niet om iets kleins, er kan nog iets ergers gebeuren.




IS 'T NEET ZOO?
Ik streejn wat vuegelvoor in 'n hof;
De vuelkes kum dr rap op of.
Ze leutn dee kaans zik neet ontgoan.
Mees musken, mear ook veenkn en sproan.
'k Weet neet woer vulle of dr warn,
Mear 'k zorgen det ze volop harn.
Toch was 't, zoo 't leek, nog neet genog;
't Gebiet det was neet van de loch.
Al harn z'allmoa eawn vulle rech,
Het wur gewoonweg een gevech.
'n Kabaal det al dee vuelkes maakng,
Ze beetn woer ze mekoar konn raakng.
De musken warn het meeste maans;
Ze leutn de veenkn en sproan gin kaans.
De musken dee deern krek as of
Ze zeg'n woln: wiej zeent baas in 'n hof,
Toen 'k doar zoo stun, toen dach ik kiek,
't Is biej de leu toch net geliek,
Want ook de leu dee gunt mekoar
Gin lech in 't ooge, is neet woar?
En ik heb ook nog mear edach,
Toen ik doar al dee vuelkes zag.
Doar zeent, het mag dan heel gek kleenkng,
Toch aajt mear musken nog as veenkn.

Jan Rozendom.

[GerritHondelink]

Minne patrieze = een onbetrouwbaar persoon, minne hond.




Nieuw Enschede
De vroegere bewoners aten aardappels met sju.
Ze kenden geen shoarma, geen pizza, geen fondu.
Tegenwoordig zijn er paprika's, groen en in het rood,
avocado's in plaats van buulkesbrood.
En vroeger was de stad nog niet zo lumineus,
geen De Kater, geen Bolwerk, geen Pumpke, geen De Geus.
Je waant je tegenwoordig op Saint-Germain-des-Pres
als je Grolsch drinkt op de Oude Markt in Enschede.
Alle pijpen zijn verdwenen, in fabrieken wordt gewoond.
En het Pathmos heeft nu douches, waar eenieder zich verschoont.
Stroinkslanden, Helmerhoek: de tekens van de groei.
En Vrouw Rillman staat waarachtig weer in bloei.
Rotterdam bezit een Lijnbaan, Hamburg heeft een Reeper-bahn
en Den Haag heeft Lange Poten en Groot-Mokum eenJordaan.
Laat ze 't allemaal maar houden en laat Apeldoorn Het Loo,
zolang wij maar ijsjes kunnen likken bij het Ei van Ko.
De stad was ooit in de ban van de textiel
en toen die dan kapot ging, toen verloor de stad zijn ziel.
Maar wat eerst een droevig schouwspel was,
is als een Phoenix herrezen uit de as.
Enschede! Enschede! Enschede!

Willem Wilmink

[GerritHondelink]

Wie’j zitt beidn wal op eene hös.
Wij zijn het beide wel eens.




Gister of moarn
'n Oolden Rikjaan wordt hellig op de blagen dee na an het rameanten bint.
Hee houwt der een an de oren. Röp de jong: "Ik heb het nich doan, va!"
Zeg Jaan: "Heendert nich, dan doo-j het moam wal"

[GerritHondelink]

As'n Achterhoeker gin 'nee' wil zeggen, wil e 't eerst met de vrouw aoverleggen.
Wanneer een Achterhoeker geen nee wil zeggen, wil hij het eerst met zijn vrouw overleggen.
Dit gezegde duidt op de eigenschap, dat een Achterhoeker niet graag rechtstreeks 'nee' zegt.





Trui en Dientje trofn meka op 't maark en noa luk hen en wier gekuier zeg Trui;
"En Dientje, wearkt Herman nog allied biej de P.T.T.?
"0 joawa Trui, al hoast twintig joar en hee wil doar ok gils nich vot.
Dow zegs wearkn? Now ja dat doot ze ok wa mangs,
mar meestntieds is 't meer Proatn, Töötn en Teumig goan."

[GerritHondelink]

Ie’j wordt er niet arm van en ik nich riek.
Jij wordt er niet arm van en ik niet rijk. Door elkaar te helpen zijn wij beiden uit de brand.




'n Pa boern tröffn zik in Tubbege op 't biggen maark.
Zeg 'n een'n: "Woo hes't d'r biej liggn Jans, vaalt 't nog luk met van 't joar?"
"k Mag nich klaagn Hennik, 'k har hoast zeg heel good.
De beeste gieuwt nen sloomp melk, leefebriej.
Met 't peerd hew buut't en wi'j hebt nen hééln bestn wier.
Met de vearkn he'w ok geluk had, dree köppelkes héél beste biggn.
"Zo...zo Jans, dan hes dow de weend wa in de ruw had.
Hes better boerket as ik." "0 joa Hennik, 'k zol 't hoast vergettn...
'k Heb ok nog de vrouw in 't ber had.
En wat dacht iej, nen heeln bestn stamrekkel."

[GerritHondelink]

Ai’j an ’t bouwn bint mo’j nich achterum kiekn.
Gedane zaken nemen geen keer en als je teveel naar het verleden kijkt maak je fouten.



Straampn Mans was de vrouw ofstaarvn en veertndage later gung hem ne koo dood. Mans har meer verdreet van de koo as um ziene vrouw.
Dat bleef nich onner en ok de Pestoor kwam doar achter.
En doar wol 't Heer toch wal ees met Mans oawer an de proat. Hee vreug dan ok an Mans woo of dat toch kon. Hee har ja nooit mearkt dat 't huwelik met Siena nich good har wes. "Mien God nog 'n moal heer Pestoor,
Woo kom iej d'r biej. Ik en Siena kon 'n ja altlied wa good tehoop.
Mar ja vuur Siena in stië hebt zik a wier dree vrouwleu anboddn wel as wa wier met mi'j vedan wilt, mar d'r hef nog genééne koo wes.

[GerritHondelink]

Den was ok nich al te duudeluk in d'n oorlog. Nee, a'j 't mie vraogt, wasse bie ut vekeerde muziekkorps.




Laanks Twentekanaal
Twente deurkruust met waterweagen
Trekt zien spoor deur’t ieverige laand
Industrie ligt laanks zien oevers
Wark veur burgers en de middenstaand
Twentekanaal wödden eens egraven
Völle haanden hebt det gerealiseerd
Zwoare arbeid is doar bedreven
Was het det oalmemoal wea weerd?
Of en too ziej noe ne vrachtschip
Ok al is doar völle wark veur verzet
Kanaal mossen ziej noe toch benuttn
Veural noe met al diej drökte op’t weagennet
Kanaal deur meansenhaand egraven
Noeste arbeid in weer en wind
Breed en deepe klieft zien water
Woar ne schipper zeen koers doar vindt
In de varte vaart allenig ne vrachtschip
Laanks ne dikke krage van reet
Golfslag zetn het reet in beweaging
As het schip veurbiej miej geet.
Ne brug oaverspant met heuge bogen
Het water det zo oonder heur git
Kabbelend water laanks de reetkaag
Woar in’t reet ne visser zit.
Twentekanaal strak in het laandschap
Water breed met raanden reet
Monument van noeste arbeid
Kanaal det stromend laanks miej geet.

Oet Over de Iessel: Fenny Martens -Hellendoorn-

[GerritHondelink]

Een vrouw met verstand is meer weerd as ’t beste stuk laand.
Een goede vrouw is goud waard.




DE DORPSPOMP(1)
In een dörpie argens in Oaveriessel hadden ze twee verenigingen. En zoas dat altied geet, hadden ze allebeide het beste veur met de meansen in dat dörp.
Der wödden van alles organiseerd, ok veur de toerristen die der ’s zommers in grote getale anwezig waren.
Op een oamd kwamen ze biej ien van die verenigingen biej mekaar um te proaten oaver wat ze een “waanzinnig good” idee vunn’n. Ziej hadden namelijk e-heurd oaver een organsatie den “Join the Pipe”heten. In good Nederlaands e-zeg: “Sluut oe an biej de piepe.” “Wat is dan die piepe woar wiej oons biej an kunt sluuten?”
wödden der e-vroagd. “Die piepe is”, zo zea de veurzitter, “een soart pompe, mar die pompe besteet alleen mar uut een gladden buis, een iezeren piepe,
doar ku-j water uut tappen: da-s heel makkelijk veur meansen die onderweg bint, die dös hebt, en die wat lekker fris water wilt drinken.”
“En”, zo zea-re: “Iederiene löp tegenswoardig met zo’n waterflessie in de haande, zo-n flessie ku-j dan ok heel makkelijk wear met fris water vullen.”
Mar wat der nog biej kump, en dat is ok een veurnaam ding, wiej doot der ok nog iets goods met: veur iedere piepe den hier an-eleg wödt,
wödt der ok in Afrika een waterpompe eslaagn; zo helpe wiej die aarme luu doar ok an schoon drinkwater.” Nou dat was een waanzinnig mooi idee,
doar was iederiene ’t wel met eens, mar hoe mos dat noe uut e-voerd wödden ? Woar zol die pompe dan mutt’n komm’n, en wie zol dat allemoal betalen?
Doar was al oaver noa e-dach: De pompe mos komm’n op de plekke van de oale dorpspompe op ’t oale brinkie. Die oale pompe gaf toch gien good drinkwater
en had eigenlijk weinig nut mear. En de kosten ? Nou der waren vaste wel sponsoren te vinn’n, en een paar van de anwezige zakenluu wollen der ok wel wat biej doon. Der mos der nog wel iene met de gemeente goan proaten want die oale pompe ko-j zomar niet wegslopen ! Noa wat hen en wear geproat en noa de neudige hobbels oaverwunn’n te hebben kon eindelijk de schuppe de grond in. Een koppeltie vriejwillegers gung met goeie mood an de slag um het waanzinnig goeie plan
tot uutvoer te brengen.

[GerritHondelink]

Doar mö'j wa mennig moal van an n bos goan stoan.
Daar moet je vaak van plassen (man)



DE DORPSPOMP(2)
Mar dan: De vriejwilligersbrigade is nog mar nauwelijks an ’t wark of een veurbiejgoande fietser remt of en blif stoan. Hij kik toe en zeg:
” Wat bint iejluu doar in vredesnaam an ’t doon ?” “Iej wilt miej toch niet vertell’n da-j die pompe doar uut de grond an t slopen bint?” “Joa, dat is wel de bedoeling !”
“Dat mean iej niet !” “Joa, toch wel, mar wiej zet der wel een niejen wear near heur.” “Hoezo een niejen, doar heurt helemoal gin niejen te stoan man,
doar heurt die oale pompe te stoan; die pompe hef doar al mear dan honderd joar e-stoan en noe zol den doar iniens vot mutten, wie is der op dat onzalige idee e-kumm’n ? “Helemoal niet onzalig, juust een hartstikke good idee, disse pompe gif gin good drink water en wat wiej der near goat zetten gif good fris drinkwater en, ok niet onbelangriek, wiej helpt ok de meansen in Afrika an schoon drinkwater, want veur elke pompe hier wödt doar ok een pompe eslaagn.” “Zo heel fijn, mar wie gif oeluu ’t rech um doarveur disse pompe te slopen ?” “De gemeente.” “Wel hier en gunter!” De fietser ontploft bienoa van helligheid. “Hoe is ’t meugelijk, de stiekummers, ik heb der nargens iets oaver e-leazen of e-heurd; uut welken kokker kump disse ongein, de dorpsvereniging soms ?” “En hoe geet oons nieje pumpie der dan wel uut zien, wat krie-w der noe veur wear ?” De ieverige vriejwillegers wiest noar het bescheiden gladiezeren piepie acher ear rugge. “Wat! Wat is dat veur ’n armetierig sneu ding?” “Iejluu wilt miej toch niet vertellen da-j dat doar near wilt zetten; goa toch gauw hen, dat ding lik toch nargens noa!” “Iej haalt hier noe een stukkie historie weg, een pompe van mear dan honderd joar oald, woar oen oavergrootva misschien nog wel an e-zwengeld hef, en iej zet hier zo’n onooglijk ding wear near, met op zien rugge ok nog die grote letters DRINKWATER; ziej noe zelf ok ’t verschil niet ?” “Joa”, zeg ien van de warkers: “Ik zie ’t verschil wel: zie-j dat witte plaatie op de oale pompe, doar steet: ‘geen drinkwater’, en op dissen, en hij wis achter um, steet duudelijk: ‘drinkwater’."

[GerritHondelink]

Doar mö'j wa mennig moal van an n bos goan stoan.
Daar moet je vaak van plassen (man)



DE DORPSPOMP(2)
Mar dan: De vriejwilligersbrigade is nog mar nauwelijks an ’t wark of een veurbiejgoande fietser remt of en blif stoan. Hij kik toe en zeg:
” Wat bint iejluu doar in vredesnaam an ’t doon ?” “Iej wilt miej toch niet vertell’n da-j die pompe doar uut de grond an t slopen bint?” “Joa, dat is wel de bedoeling !”
“Dat mean iej niet !” “Joa, toch wel, mar wiej zet der wel een niejen wear near heur.” “Hoezo een niejen, doar heurt helemoal gin niejen te stoan man,
doar heurt die oale pompe te stoan; die pompe hef doar al mear dan honderd joar e-stoan en noe zol den doar iniens vot mutten, wie is der op dat onzalige idee e-kumm’n ? “Helemoal niet onzalig, juust een hartstikke good idee, disse pompe gif gin good drink water en wat wiej der near goat zetten gif good fris drinkwater en, ok niet onbelangriek, wiej helpt ok de meansen in Afrika an schoon drinkwater, want veur elke pompe hier wödt doar ok een pompe eslaagn.” “Zo heel fijn, mar wie gif oeluu ’t rech um doarveur disse pompe te slopen ?” “De gemeente.” “Wel hier en gunter!” De fietser ontploft bienoa van helligheid. “Hoe is ’t meugelijk, de stiekummers, ik heb der nargens iets oaver e-leazen of e-heurd; uut welken kokker kump disse ongein, de dorpsvereniging soms ?” “En hoe geet oons nieje pumpie der dan wel uut zien, wat krie-w der noe veur wear ?” De ieverige vriejwillegers wiest noar het bescheiden gladiezeren piepie acher ear rugge. “Wat! Wat is dat veur ’n armetierig sneu ding?” “Iejluu wilt miej toch niet vertellen da-j dat doar near wilt zetten; goa toch gauw hen, dat ding lik toch nargens noa!” “Iej haalt hier noe een stukkie historie weg, een pompe van mear dan honderd joar oald, woar oen oavergrootva misschien nog wel an e-zwengeld hef, en iej zet hier zo’n onooglijk ding wear near, met op zien rugge ok nog die grote letters DRINKWATER; ziej noe zelf ok ’t verschil niet ?” “Joa”, zeg ien van de warkers: “Ik zie ’t verschil wel: zie-j dat witte plaatie op de oale pompe, doar steet: ‘geen drinkwater’, en op dissen, en hij wis achter um, steet duudelijk: ‘drinkwater’."

[GerritHondelink]

Der niks te völ an hebn.
Er meer dan genoeg aan hebben







DE DORPSPOMP (3)
De fietser stapt wear op, spiejt nog een paar lilijke weure uut, en schreeuwt dan, achterumme kiekend oaver zie schôlder: “Hier zu-j nog mear van heuren.”
Het groepie vriejwillegers haalt de schôlders op en warkt röstig vedan. An ’t ende van de middag steet doar een parmantig gladiezeren piepie met op zien rugge heel duudelijk te leazen: DRINKWATER. De volgende dag hef het niejs van de pompe ok de aandere vereniging bereikt, en loat dat noe net een vereniging wean den zich druk maakt en inzet veur ’t behoald van alles wat oald is en historische wearde hef in ’t dörp. Ok de verontwaardigde fietser löt duudelijk van zich heuren.
Met een helligen kop is e achter de computer ekröppen en op facebook en twitter spiejt e al zien gal uut oaver wat e e-zien en e-heurd hef. Wie is der op dat ‘waanzinnig idiote’ idee e-kummen um die oale pompe zomar vot te slopen en doar zo’n onnozel piepie veur in de plaaste te zetten ? Nen earsten stien is in ’t water e-gooid en de kringen der umtoe wödt steeds groter. De kraante kump der op of, der wödt druk oaver communiceerd op facebook en twitter. De beide verenigingen stoat teegnoaver mekaar. Wat de dorpsvereniging zo’n waanzinnig good idee vun, doar löt de historische vereniging gin spoander van heel. Wat noe, hoe mut dit noe wieder ?
Proaten, mar ja dat had natuurlijk al earder mutten gebeuren. In ear enthousiasme had de dorpsvereniging gien rekkening e-höalen met de historische vereniging.
Ziej hadden allene mar an de praktische zaken e-dach, en dat was ear noe lilijk op n emmer e-vreuren. Proaten, joa noe ’t kalf al verdrunken was !
De oale pompe lag al of e-daankt op de gemeente opslagplaaste en an ’t nieje pumpie was al de neudige meujte en het neudige geld spandeard.
Hoe kon dit nog wear rech e-breid wödden? Mar dan kump der iene met een good idee, een ‘waanzinnig good’ idee: “A-w noe de oale pompe um den niejen hen bouwt dan he-w: én de oale pompe wear, én wiej hebt good drinkwater.” Eureka, dat was dé oplössing ! Mar zo eenvoudig as dat leek was ’t niet ! Noa völle passen en metten bleek het oale en het nieje niet met mekaar vereenigbaar te wean, en zol de oale pompe uuteindelijk totaal verinneweard uut de strijd komm’n. Mar der mos toch wat gebeuren um de beide partieën wear deur ien deure te krieg’n. Dus… is der mar ien oplössing: De oale pompe wear terugge zetten op de oale plekke en een aander plaatsie kiezen veur ’t piepie. En zo is ’t gebeurd. De oale pompe steet wear op dezelfde plekke en gif nog steeds gin good drinkwater want dat konn’n ze doar niet terechte kriegen.
Het nieje piepie steet nen entien vearderop in ’t dörp vergezeld van een baankie woar a-j eam uut kunt rössen en oe kunt verdiepen in de historie van ’t dörp.
Zo zie-j mar wear dat wat nen ienen ‘waanzinnig good’ vindt, vindt nen aandern helemoal niks. Misschien is: “Bezint eer gij begint” in dit geval ok nog niet zo gek !
Oet over de iesssel. Diny Kloek –Hellendoorn.

[GerritHondelink]

D’n leaftied hef e wa en dat d’r mosterd is weet e ok wa, mar woar e dee haaln mot, doar hef e gin benul van.




Zoowat verzin iej nieet … !?
Um ongeveer kwärt veur achte soaves völt ter disse veertiende juli een berichken van Riek op mien scherm met de vroage of ik veur één augustus tweeduzend zestiene veur “Van Oaver De Iessel” mien biedrage wil insturen, a’k tenminsten wat hebbe.
Ik hebbe niks en ik wille dalijk goan antwoorden “Lieeve Riek, helaas … “. Möör een hand van veurzieenigheid verhindert mien het toetsenbord an te raken. Ik wachte eerst èven of. Vriedes ternoa mot ik boodschappen doon bie ‘Appie’. Ik heb het geveul da’k wel weer de neudige bekenden tegenkomme, dus ik zegge tegen Ali, mien vrouwe, dat zee haereigen nieet ongerust maken mot, a’k wat langeder vortblieve. “Ben ik wel aan gewend”, zeg ze lachend. Ik pakke bie ‘Appie’ een kärretjen en lope deur het peurtjen.
Metene ziee ik een mèken stoan met een heel klein winkelkärretjen. Wat een lieef ding! “Goeie morgen, mevrouw”, zeg ik. Zee kik mien met heldere glanzende blauwe ogen an, möör antwoordt nieet. “Ze spreekt Engels”. Een jonge vrouw diee noast haer steet, zeg dat. “Zij komt uit Canada”, zeg een olde vrouwe noast mien met een Oaveriessels accent.
“Wij komen uit Canada, uit Toronto. Wat hebt U trouwens voor onderscheiding op uw revers?” Ik vertelle haer dat ik ridder binne in de Orde van Oranje-Nassau. “Waaraan hebt U diee ridderorde verdiend?” Ik vertelle oaver mien bemeujenissen rondumme de Nedersaksische dialecten en het Dèventers. “Ik komme uut Wierden, ik proate nog altied graag Wierdens. Mien man kump deur zien olders van Dèventer, möör hee pröt gin plat, want hee is in Rotterdam geboren en in Strijen opegreujd. Hee verstöt Wierdens wel!” Ze rup haer man derbie. Hee blik of te stammen van de bekende familie Feberwee uut Dèventer, tenminsten bekend veur mien. Ik vertelle da’k vrogger, toen ik nog in de Ravenstroate döör woonden, een buurjonge had met diee achtername. Zoo komme wiej op onze werkzaamheden en ik vertelle oaver mien werkjes diee oaver het Dèventers en in het Dèventers verschenen bint.
Natuurlijk wil de familie Feberwee weten of en wöör mien werk te koop is. De olde mevrouw Feberwee, trouwens nog zon tien jöör jongeder as mien, haalt een opschriefbeuksken te veurschien en ik magge mien gegevens döörin noteren: name, publicaties, verkoopadres van Bookhandel Praamstra, seit en zoo nog wat meer.
Ik denke dadde wiej nog wel tien minuten an de proat bint: wiej könt hoaste gin ofscheid van mekäre nemmen En al diee tied steet diee kleine lieeve meid met haer winkelwagentjen nöör ons op te kieken en alles met ogen en oren in te drinken.
Heel late bin ik thuus. “Ik dacht het al wel! Wie ben je nu weer tegengekomen?” zeg Ali. “Eerst even het ijs in de diepvries doen, dan zal ik het je allemaal vertellen”, antwoorde ik. Andachtig luustert Ali. “Zoiets verzin je niet”, zeg zee, a’k uutverteld binne. “Maar jij hebt je verhaal voor Riek …!” Sundesmärns, zeuventien juli, goa ik ter veur zitten. En al tikkend ziee ik diee glanzende blauwe ogen van diee kleine meid uut Canada veur mien. Ik eindige met “Zoowat verzin iej nieet …!?”

Oet over de Iessel Gerrit Kuijk -Deventer-

[GerritHondelink]

'n Achterhoeker geet net as ’t riet, bi-j harde wind beugt e met, maor as de wind geet liggen, stek e de kop weer op".
Een achterhoeker gaat net als het riet, bij harde wind buigt hij mee, maar als de wind gaat liggen, steekt hij zijn kop weer op.



Den achterhook

'k bun geboren in den achterhook, wal heelemaol op de rand,
at dat rendeken is zol ummeslaon, is 't een dubbelken op zien kant.
dan scheete wiej der met ons allen af, en zo de prusse in.
ik hoppe dat 't maor nooit gebeurd, 't is mie hier best naor 't zin.
'k ben greuts op onzen achterhook, 'k gao ok geerne nao de stad,
maor ak 't daor ne dag ezeene heb, hek't ok wal weer e had.
'k bun geerne in de achterhook, met ziene buske en zien land,
ziene leu, zien vee, ziene gebroeken ok, wiej heb hier jo allerhand.
'k hol vulle van mienen achterhook, nog meer van winterswiek,
'k wil met gin ander dorp toesken heur, al hewwe hier grachte nog diek.
wiej hebt onzen olden st. jacobs toorn, onzen optoch en ons feest,
en neet te verg'eeten onze mooder-spraoke, jao 'k holle van wenters het meest.
T. Wansink-Lammers

[GerritHondelink]

Anhoaln döt verkriegen.
Doorzetten doet verkrijgen. Wie doorzet bereikt zijn doel.




Harfst
den harfst kump op stille veute
kleurt zien gezichte met gulle lach,
toch tree 'k hem huuverig te meute,
al gif e ok noo ne mooien dag.
hee kan zoo leeflijk veur oew liggen,
maor wacht ow veur de sluwen vos,
want onverwachts geet e an 't raozen,
trok alles wat vaste zit row los.
maor hee mot wal het loodjen leggen
dan kump jo könning winter weer,
vaak weet iej neet waor 'j moet kroepen,
pakt ow dan maor in wolle en leer.
al is e streng toch mot'e ok wieken,
en kump het veurjaor vol van prach,
breg dan met ziene warme aodem,
veur alles nieje levenskracht.
T. Wansink-Lammers

[Veteraan]

Ja, daar wachten we op....dat voorjaar!

[GerritHondelink]

Kampman en Niewold biej ’n Kreenk: Doo normaal Dikkop!!
Herman Kampman en zinnen muzikaal begeleaider Jan Niewold oet Nijverdal treadt woensdag 9 november op vuur ’n Kreenk van de Twentse Sproak in Deelden biej restaurant ’t Hoogspel an de Bornsestroat. Heur programma hef ’n oetdagenden titel: Doo normaal Dikkop!! Kampman en Niewold zeent een koppel dat populair is. Ze brengt verhalen en leedjes um te lachen en um te ontroeren. Ne hearlijke combinatie in mooi plat. Nen oawend onbevöngen genieten van dinge dee ’t ook noar argens oaver goat. De zale is lös um 19.30 uur. Um acht uur begeent ‘t. Kreenk-leden mangt der vuur 3 euro in, a-j lid weelt worden ook. A-j gin lid zeent kost ’t oe 5 euro. Doar zit ook ne komme koffie biej in.

[GerritHondelink]

Van boaven boont; van oondern stront.
Zij doen zich voornaam voor maar zijn in feite heel gewoon.



AN 'T WATER
Boow'n an'n diek, boonte baarmen,
in de beume veugels zwaarme,
gaans en enn met ear gesnater,
ok ne visker an et water,
zit daor stilkes tusken't reet,
de zunne koomp, de maone geet.
In gedachen zöt t 'n visken,
dan slötte an en zeet,
veur vandaage'n earsen misser.
Ne zunne den in't water schient,
de röste um, um hen, vedwient,
en keender zich in't water weart,
zit ter een den lammeteart,
Veugel um, um hen, gekrieske,
van de boot'n'n huppel wiesken,
nempen'n hengel geet vandan,
nao de vrouw op koffie an,
in den aovend nao et waark,
haalt te'n visken van de maarkt.

Alie Kuiper-Pezie

[GerritHondelink]

‘k heb te vaak nen komma zet, woar ’t nen peunt had motn wean.
Om ellenlange en zinloze discussies te voorkomen, zet ik hier nu een punt achter.




IN DE KRAANT
Argens in ne boerderieje, stun ne boer wat an de kaant,
groownd gezicht, vereelte haane, zien petret stun in de kraant.
Veur de kraant een aoreg plaatjen, hee hongt in de vaarkenschuur,
daor lea ziene mot met bign, ne grött'n zeang'n, in't aovenduur.
Op de delle staot an'n reppel, beeste, vearzen, zien bestaon,
dan nempen 'n riezebessem, 't mut nog effen neareg gaon.
's Aovends late gung hee zitt'n, veur zien gezich, de oale pet,
de oong too, en veur et slaopen, dee hee stilkes, een daankgebed.
Alie Kuiper-Pezie

[hans]

gait , slecht te pas ?