Spreek je dialect

[GerritHondelink]

Better wel nich wil as wel nich zal.
Wie niet wil, bepaalt datzelf; voor wie niet zal, wordt het bepaald.




De leste eer (4)
Verroest', zae Wilmke opees en streek zik met de haande oawer zien kaaln kop. 'Mien hood lig nog in 't café!' `Den van miej ok' zae Tiens en op 'n draf gungn ze werum um 'n hood te haaln.
Helemaol achter in de riege sleutn ze zik an en sukkeln 'n luk onvast op de beene ‘n kearkhoflaan wier in. Doo de droove plechtigheid vuurbiej was en zee met de aander leu naor de koffiekamer wolln gaon, zaagn ze wier ne begraafnis an kommn.
`Och och', zae Wilmke; 'wat is 't toch wat. Daor keump ter a wier een. 't Is drok vandaag. Wee zol dat wean? Met dat e dat zea, zaagn ze oet 't riejtuug 'n paa vrouwleu kommn.
'Now brekt mien kloomp;' zea Wilmke. 'Moj es kieken, Tiens. Wiej hebt Jaan nog nich begraavn. Daor keumpe pas an! Wiej hebt achter 't verkeerde liek loopn.' Dacht ik ’t nich brommn Tiens, oonderwiel ze zik vuur de tweede maol achter de riege ansleutn; Ik heb ’t oe wal zeg; den dekselsen Jaan hef aait van dee strekke.!
Oet ’t krekkeltrumke Bert Mutter.

[GerritHondelink]

Ie könt mie de hakke violen.
Je kunt m'n rug - of de pot op. Je kunt mij nog meer vertellen. Je kunt voor mijn part naar de maan lopen.
Lek mie toch de hakke = loop naar de maan.



Un echte hoffeleke Tukker is één waor teggn zeggn könt: Loop naor de duvel.
En da zeg hee: Kan ik oe un eandje metnemmn??

[GerritHondelink]

De weg geet langs ’t hoes.
Gezegd als het vaderschap wordt betwijfeld (vaak humoristisch bedoeld).




A’j nen pauw met n stat zeet beweagn, wodt alles nat zo gauw 't geet reagn.

[Veteraan]

Elke dag geniet ik van deze Twentse stukjes.
Mooie humor, maar ook soms zo weemoedig.
Ik denk dat de geëmigreerde Nederlander, in Nieuw Zeeland of Canada, erg veel herkenning zou zien. Wij 'vergroeien' hier met de nieuwe tijd, maar voor hen zal heimwee een andere, diepere, klank hebben.
Weet iemand of deze site door de na-oorlogse-Exodus-mensen gelezen wordt?

[GerritHondelink]

Hoo later op ’n aomd hoo better volk.
Hoe later op de avond hoe schoner volk. Schertsend gezegde als er ’s avonds laat nog bezoek komt.
Omdat het onbeleefd is om laat op de avond op bezoek te gaan bij mensen die je goed kent, zijn bezoekers die laat komen, meestal goede vrienden.




Twee kearls stoat op nen feestje bie meka. Zeg d’r een: Ie verveelt oe dunkt mie, is ’t nich?
Jao en ie? Ik ok. Zul wie beide dan weggaon?
Ik kan nich, ik woon hier!.

[GerritHondelink]

Baat ’t nich, ’t schaadt ook nich.
Mocht het niet helpen, het is ook niet nadelig.
Baat komt van bate,= voordeel, nut.
Bij kwaaltjes als verkoudheid heb je vaak meer baat bij gewone huismiddeltjes dan bij officiële medicijnen




Hennik har 'n smoor d'r in, van de melkfebriek har e disse moand weer ne ofrekkening kreegn veur geleawerde melk. Hee har de veurige moand a zo völ kommentaar mutn leawern en weer klopn d’r niks van. Het kistntuug gung an en toen op hoge peut noar het melkfebriek.
An't loket vreug e an dee juffer dat e voort'n directeur wol sprekn.
Neemt U maar even plaats..zee dee deern.. ik zal even kijken of hij er is.
Mer'n oognblik later keump ze weer en zeg... het spijt me maar de directeur is uit!
Da's ok wat moois zeg Hennik, dan doot miej den oonderdirecteur mer. Dat gaat ook niet meneer ... sprök, de deern ... want die is ook uit! Mer a’j no deankt zeg Hennik, da'k miej alns loat wiesmaakn dan he'j ’t mis. Dan woch ik hierneust biej 'n kachel wa zolang tot hee, d'r weer is. Meneer dat gaat helaas ook niet de kachel is defect en ook uit!
Gloepens lilk inn kop is Hennik noar't hoes hen goan, wat mos e aans, want as nen gek tekeer goan teegn dee deern dat kon e ok nig maakn. Mer dat den directeur eerdaags nog'n fleenk schoer deur de been zal kriegn, dal geleuwt mer wisse... doar ken ik Hennik völs te good veur.!

[GerritHondelink]

t Hadste wod d’r lach’n um de pech van ‘n aander.
Het meeste wordt er gelachen om de pech van een ander.



Nen natuur ondezeuker vrög an zien kollega: Hei’j nog nie’je dingn oetprebeert?
Zeg hee: Ik heb nen olifant kruust met nen mol.
Wat hei’j noe dan kreggn?
Heele grote gaatn in de tuun.

[GerritHondelink]

Da’s verkeard, zaer ’n boer en har ’t peard bie’j ‘n stet.
Dat is verkeerd zei de boer toen hij het paard bij de staart vasthield




En noe dames en heern, laot ik deze man in slaopn en as e wakker wordt, is e alles vergettn,
röp de hypnotiseur.
As ’t kan leewer nich röp der één oet de zaal, aans krieg ik mien 20 euro nich weer.

[GerritHondelink]

Hee was zo bang, iej konnen 'm wal nen eerpel in 't gat kokken.
Hij was doodsbang.
Er wordt ook wel gezegd dat iemand 'de kont dicht knip als hij echt heel erg angstig is.





Nig bang wean..!
Hennik hoald miej vast, zeg de meid..
veur heel völ dinge bin'k nog bang.
De wearld is zo groot en wied...
en nen nacht doert o zo lang. !

Ik hoal van oe……dat weet ie bes,
mer ‘t is de eerste moal ewes.
D'r komt veur miej nog zo völ vroagn,
dee miej nog daagn lang zölt ploagn..!

Weet stil... zeg Hennik... nig meer proatn,
doot diene blauwe eugkes too....
Deankt no alleen mear an dien va,
den heul ok na völ van dien moo..!!

[GerritHondelink]

De ene haand wasket de aandere.
De ene dienst is de andere waard.





Nen boerenzön is op kamers in de stad.
Komt de hoesbaas en zeg: Ie hebt noe al vier maond huurschuld mien jong,
as ie nich betaalt dan mo’j der oet. Ik gef oe nog dree daagn.
Komt mooi oet zeg den jongn dan nem ik 1e Poaskedag, 1e Peenksterdag en Niejjaorsdag!

[GerritHondelink]

Met geleerdheid köj nich döske wal met kluppels.
doskekluppel=dorsvlegel





Nig oet kekn.!
Jans was op'n heujzoalder gengs ... keek nig oet en veul deur't balknslop.
Het har nog völ slimmer könt as alleenig -n gebrökn been, mer zien weark dat kon e de eerste tied wa vergetn. Goddaank was e good verzekerd teegn oongevaln, zodat e wa zo lang nen knech kon betaaln. Mer veur dat e nog nen ceant van de verzekering kreeg; kwam d’r eers nen inspekteur met de neudige papperasn. Hee vreug an Jans.... wanneer openbaarden zich Uw moeilijkheden voor het eerst ?
Toen ik noar beneedn veul ... zee Jans en op welk tijdstip verergerde Uw toestand dusdanig dat U niet meer kon werken..?
Dat is ne domme vroag... zee Jans... toen ik laankoet op de del pleern natuurlik ...!!

[GerritHondelink]

Hee hef d'r ene hen water dösken.
Gezegd van iemand die verstandelijk beperkt is.






Noar de Rutbek (1)
Mien ‘n buurman hadt mie a vaak zeg jong het wödt tied da’j oe is verzet.
Wie goat nen dag op de fiets noar de Rutbek en Hanna en ie goat met oons met.
Soamns biej 't etn hek ‘t eer vroagt mer zee har onwies völ kommentaar ik in nen bekini
en ie in de zwemboks ?
Ie liekt wa nig goodwies .... doot nig zo raar. Mar eindeluk kree’k eer toch zo wied.
Op nen zunnigen mon’n wa'w a bietied op pad. De tas ha'w vol met stoet en koffie
etn en dreenkn ha'w dus zat.

[Arie]

Hee hef d'r ene hen water dösken.
Gezegd van iemand die verstandelijk beperkt is.






Noar de Rutbek (1)
Mien ‘n buurman hadt mie a vaak zeg jong het wödt tied da’j oe is verzet.
Wie goat nen dag op de fiets noar de Rutbek en Hanna en ie goat met oons met.
Soamns biej 't etn hek ‘t eer vroagt mer zee har onwies völ kommentaar ik in nen bekini
en ie in de zwemboks ?
Ie liekt wa nig goodwies .... doot nig zo raar. Mar eindeluk kree’k eer toch zo wied.
Op nen zunnigen mon’n wa'w a bietied op pad. De tas ha'w vol met stoet en koffie
etn en dreenkn ha'w dus zat.

De Rutbeek in 1978:

[GerritHondelink]

Wat zit ieleu meka toch de vleegn of te vangn. (meka te glad of wean).

Iemand te gauw zijn, hem voor zijn hem een kans afsnoepen.





Noar de Rutbek (2)
Mer wie wadn nog mer halverweegns har ik ‘t kneupke van't boezeroen a lös.
Mien tong ha'k stief in'n haals stoan jongs wat ha'k onmeundig dös.
’n Buurman reup wie goat nig stopn zet oen’n hood dan is van'n kop.
Wie mut noe an één stuk deurjaagn aans bint voort de mooiste pleatskes op.
Eindeluk was wie dan an ’t water oonder nen boom was nog'n pleatsken vriej
Mer o jee, doar is miej de koffie koald wodn en dat lag alleenig nig an mie.
Leu ik heb doar wat zeen heur batteriejn …klein en groot.
Mangs dan kneep ik de oogn half dicht want um mie hen was ’t ammoals bloot.
Hanna fluustern....Dieks nig zo loern zet oenn zunnebril dan op...

[GerritHondelink]

Twee Jödden weet wal wat ene koo kost.
2 joden weten wel wat 1 koe kost.
Die twee zijn het met elkaar eens ( tegenovereen derde) Zij hebben een – afgesproken- zelfde mening.
In de handel kan men door volgens afspraak gelijk te bieden, iets goedkoper krijgen.




Noar de Rutbek (3)
Ik zol mer leewer 'n uur goan sloapn de oogn dee rolt oew hoast oet'n kop.
Niks d'r van Hanna, doar heb ik gin tied veur muj toch is kiekn ...hoo wit a ‘k bin.
Ik wil ok wal is lekker broen wo'dn en monn dan haal ik n schaa wal in.
Toen in éénmoal ... zag ik d ‘r wat loopn .... dee wadn zoonder kleer van't hoes.
Allenig 'n alloozie um'n pols hen... en nen dikn ijsko op de voes!
Aah ... gat e gat heurn ik Hanna zegn hebt dee leu dan gin fatsoen...
Stelt oew veur Dieks da’j zo op ‘t earf leupn zoonder boks of boezeroen... I
Hanna weas stil zee'k, ik kan wal huuln, 't is a slim genog dat ze zo mutt loopn.
Want dee leu hebt a zovöI in mutn leawern dat ze zich gin ne zwemboks meer könt
koopn. Een ding week wa as mienn Hanna met wil doon dan mutt de kleer wal an de
kaant. Mer o jee, ik zee eer a... allenig op kleumpkes biej miej komn ... op’t eerappellaand !!

[GerritHondelink]

Doar wasket ze inn pispot en dreugt ze op ’n hoalboom.
Slordige huishouding. Een hoalboom is een draaibalk boven een open vuur.




Tusken lech en duuster
Heel heanig löt de zun zich zakn ginder achter'n hoogn es
D'r is gin blad meer wat zich reurt wat is't vandaag weer heet wes.
Nog effen in mien eentje kiekn hoo of’t noe met de rogge steet
De oarn dee hangt zo riep en dik 't is net'n goaldgel kleed aj't zeet.
D'r vlög miej ne vleermoes langs'n kop dee zeej a nig zo völ meer...
Mugn dee daanst miej veur de oogn mon’n dan wodt opniej good weer.
Oonzn nachtegaal is ok nog wakker hee zingt a weer zien hoogste leed.
En a’j stilstoat heur ie em kwaakn nen kikvos tusken't leage reet.
Op't earf doar wodt now duuster oonzn kater geet a weer op pad..
De hoonder zeukt zich ok nen stok op dee hebt veur vandage weer zat..!
Zachjes doo'k de niendeur los.... 't is duuster en o zo stil in hoes.
Alleenig boawn miej op de hiel doar heur ik Mieke oonze poes.
Ik loer nog effen deur dat kleane reamke de moan dee zit doar doonkergel.
A'k no nen trad an de kaant goa……valt't stroalke lech ... zo op de del.
Ik dreenk ne kom vol karnemelk, het wodt wis veur miej nen kotn nach.
Het gedien van de berrestee geet dicht monn he'k weer nen drokn dag.

[GerritHondelink]

De vrouw en de hoond heurt tussen ’t eerste geboond. (tussen de gebinten)
De voornaamste taak van de vrouw is thuis te zijn net als de een goede hofhond.
De plaats van de vrouw is in de keuken.




Trimn (1)
Mienn Hanna is't ok net as zovöl aandere leu in 'n kop schottn met dee trimmerie.
Ze wol en mos zo neudig ok ofslaankn en of ik a zea dat is nig neudig ie bint nig te dik,
het hölp ammoal niks.
Hoal ie oew astebleef stil joa ik wil d'r niks meer oawer heurn zee ze dan... ik zol d'r zölf ok
mer is an beginn aans köj temet de veters van de schoon nig meer dicht kriegn.
Soamns as't duuster begun te wodn dan mos het gebeurn, dan trök ze van dee mooie witte
gummie schoontjes an dee ze is'n moal op't maarkt kocht har ... en de kloomp gungn
neust't fenuus.

[GerritHondelink]

Wat leu wilt wieder striedn dan eer ’n straampn too löt.
Sommige mensen willen verder lopen dan hun benen toelaten.
Straamp,n =gaffel, gaffelvormige stronk, de plaats waar de benen samenkomen (het kruis).





Trimn (2)
Biej oons um't hoes dan veul't nig zo op. Want wat zoln de buurleu wa deankn at ze eer zo
zagn.
Het peurtke van’n hof wod’n veur en achter los zat en dan gung 't hoge langs'n akkerwal
in’t veerkaant um de wei weer op't hoes an. Dat rondjen mos dan aait vief moal wodn of
leg, mer noa de derde moal ko'j Hanna van wietn a heurn ankomn.
Snoewn as ne koo en 't blaanke zweet veur'n kop, mer ze heul dapper vol. Zo gauw at ze
mer zag da’k met ‘t alloozie in de haan stun kreeg ze voort weer niejn mood. En warachtig
leu het hölp ... zee hef ter in dree wek tien poond of kreegn en is ter toen voort met
ophoaln. Now hef ze ne hele aandere leejhebberie’j en door bin'k zölf ok mooi de klos
met.

[Veteraan]

Now muw we wochten ...

[GerritHondelink]

Hef ’t nich an de viool dan hef ‘t wal an de striekstok.
Hij heeft altijd wat.



Trimn (3)
Veurig joar he'k veur't eerst met Hanna ne wek in ‘n groot hotel logeert, dat kump zo wiej
hadn geluk had met ne priesvroag oet de kraant dus zo deunig.
Biej dat hotel hadn ze achter in'n hof een zwembad en zon ne grote greune toafel met zon
netje in ’t dwes d'r oawer hen. le namn oew dan zon roond pleankske in de voest en dan kreej
zon wit belke woa ‘j al met hen en weer konn houwn op dee toafel.
Taofeltennis heetn dat en oonderweg noar't hoes begun het gedram a.... dat zol en mos
biej oons ok gebeurn. Of ik a zea da'w nig zon ne toafel hadn biej oons op'n boer dat hölp
ammoal niks, doar har mienn Hanna voort wat op veundn.
Op de hiel stun nog zon grote veerkaante kökntoafel ... en den mos miln op de del.