Spreek je dialect

[GerritHondelink]

Hee kan zik wal achter nen boonnstok verscheunn.
Hij is erg mager




Dina Reulink 1919-1946
Toen ze zeum'nteen was meus ze trouw'n met Geurts Jan,
meer zoas dat mangs geet, dèn jong'n was nèèrg'ns van,
dus 't fees' dat ging nig en 't keend ging wa duur
en Dina stun d'r alleenig vuur.
Ze moch' bliem’n won’n bi-j eer Va en Moo,
a sprak de Va eer nooit meer too.
't Zal in 'n oorlog hem'n wes dat Gait van ten Thie'j
eer geern in hoes nam met 't keend d'r bi-j.
Ze wann' wies met mekaa, a doer'n 't meer dree joar,
toen har ’t lèèm ‘n wat ni-js vuur eer kloar:
Gait kwam oet de tied, gin dokter kon 't keer'n
en Dina kwam an 't prakkezeer'n.
Op 'nen aomd hebt ze eer in de Schipbek 'evoon,
en ook doar kon 'n dokter niks an doon.
Op 'n steen steet “Rust zacht" en dat mag ook wa zo,
want mangs is 'n mèènsche an röst'n too.
Hennik van ’n Scheenken

[GerritHondelink]

Goat toch ni zo breedoet zitn.
Neem niet zo veel plaats in (op de bank)



Oos West thoes bes, zea de vloo,
Doew sprönk e van Vaa ziene leerzen in Mooder eurn oonderrok.

[GerritHondelink]

Oet mekaar maak’n.
Een erfenis verdelen.



Umkieken
Wat lik ’t leaven kort,
a’j achterumkiekt
en jaoren daagn wordt,
waor daagn jaoren liekt.

[GerritHondelink]

Komt d'r in, dan kö-j d’r oet kieken.

Kom binnen, dan praten we gezellig verder. Begroeting



A’j op visite goat en ie stoat bie de deur, dan wordt er vake deur de leu zegt: “Komt d’r in, dan köj d’r oet kiekn!”.
Ik veen dat mear raar zengn. Ie stoat boetn en dan mo’j noar bin’n hen zoda’j weer noar boet’n könt kiekn.
Dan kö’j toch völ better boet’n bliewn stoan? Doar kö’j dan gewoon um oe hen stoan te gloepn en dan zeej nog völ mear dan da’j bin’n bint. Ie komt toch nich op visite um noar boet’n te kiek’n? Ie komt op visite um te kuiern en te heurn wat er allemoal weer spölt in de buurt: “Hej’t àl èheurt?” Dus better is te zengn “Komt erin, dan köw t’r is eawn oawer hemn!”.

[GerritHondelink]

Ik wet nich woar ik um zoo rap möt loatn.
Ik kan hem zo gauw niet thuisbrengen (plaatsen)

Der één loatn. Een wind laten.



Aait weer verdan
Kloas har n wiefke, zoo mooi as nen droom,
meer op nen dag lear um t nus oonder n boom.
Kloas gung an t zoepn en t leup glad verkeerd,
totdat oons Kloasken dit versken har leerd:

Aait weer verdan, wiej goat aait weer verdan,
mangs as de wiedeweergaa en mangs heanig an
aait weer verdan, wiej goat aait weer verdan
mangs as de wiedeweergaa en mangs heanig an.

Den hef gin hoes meer en den hef gin job
en den hef nen heeln hoop genöal an n kop,
meer hoo t oons ok weer op n emmer is vreurn,
wie hebt FC Twente: dat geet nooit verleurn.

Al scheet oonze leu alverdan op de lat,
wiej blievt good te pas en wiej krabt oons an t gat
en as FC Twente de wedstried nog wint,
dan köj nich begriepn hoo bliej a'w dan bint!
Willem Wilmink

[Rene]

Hierbie beneum ik Gerrit tot ereforumer van de droad "Spreek je dialect".
Zien biedroag'n bint zo oetgesprok'n Tweents en zowat elk'n dag plaatst e hier wa een nej stuksken.
Bedankt Gerrit veur oe fantastische inzet.

[Veteraan]

Helemaal mee eens !!!

[enschedeinansichten]

[GerritHondelink]

A’j pech hebt brek ie ’n vinger in ’t nösgat.( in de riestepap).
of A'j pech hebt brek iej ’n doem met vleu vangn.
Als je pech hebt breek je de duim bij het vlooienvangen. .Een ongeluk zit in een klein hoekje


De lelietjes-van-dalen bleuit nò volop in’n tuin. Kleine blömkes met un fris greun blad dat ok nog mooi van vorm is. En muj der is an roekn! Zie roekt noar kolonnie en noar deure zeape van de Boldoot. Of zol dat juust andersumme munn wean? Lelietjes-van-dalen wordt ok wàl meiklöks èneumd umdat ze in mei bleuit.
Minder mooi is dat dizze plàànte giftig is. Ie munt er un neuze neet te dichte biehooln, want àànders kriej dur flink las van. An de ààndere kaante, het is wàl wier un probaat middel um de kniene oet’n tuin te kriegn: eawn wat loatn preuwn en weg bint de kniene. En dat op un honderd procent biologische wieze. Dan bi’j toch duurzaam bezig. Of zee’k dit nò wier verkeerd?
Uit: . http://kroaksblog.wordpress.com

[GerritHondelink]

Hierbie beneum ik Gerrit tot ereforumer van de droad "Spreek je dialect".
Zien biedroag'n bint zo oetgesprok'n Tweents en zowat elk'n dag plaatst e hier wa een nej stuksken.
Bedankt Gerrit veur oe fantastische inzet.

Geerne wil ik oeleu bedaanken veur dissen mooien pries.
Het döt miezölf onmeunig völ plezeer um elkendag met n’n sprök te kommen.
Zeet da’j ’t hèn kriegt en de grootnis van Gerrit.
Goodgoan.

[GerritHondelink]

Stekt nooit wat in ’n braand wa’j nich wier oet könt kriegn.
Steek nooit iets in brand wat niet meer uit kunt krijgen.
Voorzichtigheid voorkomt elende.



De blinde mol
n Merakels kraanke blinde mol
wier van kopzeert biekans dol.
Hee vrat zich verdan met pilln vol,
dee zeeke Paraceta-mol

[GerritHondelink]

Wee ’t roet één joar löt stoan, mot zeuvn joar schoffeln goan.
Wie het onkruid een jaar laat staan; moet daarna zeven jaar schoffelen.



Röp de holtdoeve mennig keer, rekent dan mar op mooi weer.

[GerritHondelink]

Alles koomp op tied veur wel wochten kan.
Alles komt op tijd voor diegene die wachten kan. Op den duur komt alles terecht.



Ik ging gister noar de HUBO spiekers haaln
Hij zegt hoe lang mo’j ze hebm?
Ik zeg: "Hoe lang köj ze misn?

[GerritHondelink]

Ik bin-num de baas wördn.
Ik heb hem overmeesterd; ik heb het van hem gewonnen



Komt een Jehova langs en die zegt: "Ik kom de leer van Jezus brengen"
Ik : "Zet maar achter t huus"

[GerritHondelink]

Ze mot bie alle kappell’kes langs.
Sommige mensen kunnen geen café overslaan.




Komt een man bie de dokter..
Zegt de dokter, waor he’j last van?
Ik ben beet’n deurn krokodil.
Zegt de dokter: Ja dat doot ze hè die krengn.

[GerritHondelink]

Ie bint noe in 't bos ankomn woar de beume begint um te valln.
Je bent nu in het bos gekomen waar de bomen beginnen om te vallen (Iemand die 70 jaar wordt)




Toen ik nog te klein was veur ne fiets, bin wie met Hemelvaart ok ne keer naor Lochem wes.
Ik zat bie mie va achterop 'n bagagedrager, op 'n kussentje. De hele weg zag ie niks.
Noa, niks is te völ zeg. Ik zag de rug van mie va de heele tied. Vandaor misschien dat ik nooit van ne jas met ne visgraot heb holl'n.
Toon ik luk groter wodd'n kreeg ik ne fiets. Ik weet 't nog good, met van dee grote klossen holt an de trappers, anders ko'j d'r nich bie. Ho groter as ie wodd'n, ho kleiner de klossen.
Ik bin toen op ne Hemelvaart met mie va en moo en de klossen naor Twickel in Delden wes.
Wat was ik blie toon de klossen holt nich mear neudig waarn en zonder ne bos holt kon fiets'n, maor toen was de fiets veslett'n.

[GerritHondelink]

D'r geet oe nog wa un wörmke oaf!
Je komt er nog wel achter.




Klikspoan, halve moan,
mag nich oawer t ströatken goan,
‘t ketken wol ‘m krabn,
t vöggelken wol ‘m pikn,
dat koomp van al zien klikn.

[GerritHondelink]

Proat nich ower oe zölf da doot wie wa a’j vot bint.
Je hoeft niet over jezelf te praten, dat doe wij wel als je weg bent.



’t Jagersleed
Hallo ik zin nen jager,
Nen jager zin ik geern.
Hollahilaho.
Ut jagen is gezoond veur ’t weeld,
Geleuf mie mer.
Nen jager schöt geern
’n oald en zekelijk deer.
Net nog zag ik nog
Ne fazaantenhen
Met één gebrökken drumstick
Heenken deur ’t ven.
Herman Finkers

[GerritHondelink]

Koppergeald en nen good geweetn goat vaak saamn; mär lang nich altied en benaamd nich in nen klingelbuul.

Kopergeld en een goed geweten gaan vaak samen, maar lang niet altijd, vooral niet in het kerkzakje.

[GerritHondelink]

Ik wil oe veur gin doezend geulden missen, mer ak oe kwiet bin wik oe veur ' n kwartje nog nich wier hebn!
Ik wil je nog voor geen duizend gulden missen, maar als ik je kwijt ben wil ik je nog voor geen kwartje weer hebben.




As de boer zien vrouw noar'n kapper har west en ze de krulkes d'r weer mooi in har, joa n'n soort "face lift" har had, kwam ze good tevrea wier in 't hoes.
Dan zeg ze an Jans, wel eer zo luk van achter de kraant bekeek: "Now jong, wat zeg iej d'r van?"
Jans voaln heanig de kraant dicht, haaln zik nen zwoarn stet rook oet de piep en zeg dan: "Ja meanske, wat zal ik doar van zeggn.
't Is ne niej e liest, um'n oald petret!"