Spreek je dialect

[GerritHondelink]

At ze de weend scheef veur t gat weait smiet ze t der biej daal.
Er hoeft maar het beetje tegen te zitten of ze geven het op.


Now brekt miej klomp,dat
kuj denk'n aj dit least.
Maar heel wat wieze weure staot ter in,
ai’j ma tussen de regels least.

[GerritHondelink]

Wel ne vrouw zoch mag beide oogen wa good losdoon en wel d'r een hef kan d'r geröst één dichtdoon.




GRÒÒW
't Was zwat van 't volk op 'n kèèrkhof hee stun wat ve'loor'n achteran,
keek oawer völ scholders noar vuurt'n: Mariens wus now nèèrg'ns meer van.
Ze wànn’ zovöl joar’n kammeröa wes, dat hànn’ ze meer veuld dan beproat,
't was aait 'n luk kuier'n en kaart'n en zeg'n: now is 't tied da'w wier goat.
Hee wàs now 'egoan, op 'nen Moandag, oonder't wèèrk, op 'n es,
wiedvot zung 'nen liester zien leedke as-of d'r gin groow' was 'ewès.

Hennik van Scheenkn

[GerritHondelink]

Dat möt 't now almaol engelkes wödden, zee de pestoor, dow kwam em ne koppel dronken keerls temeute.




Op reize deur oonze umgeving
Steale rotsen, deepe kloven, opgravingen oet Minos-tied
Watervallen, geisers, gletsjers, nee, dee bint ter in Tweante neet.
Tweante hef ne eagen schoonheaid, dee hef der eeuwen al ewes,
oonder dikke, oale eken, boerenerven an 'n raand van 'n Es.
Op den Es doar greuiden rogge, toen, in dee dage van weleer,
Ok haver, gearst en bookweait; gelúkkig zee-j 't now mangs wal weer.
Leeflijk kroonkelt zich 'n Deenkel deur het oale Tweantse laand,
Langs havezaten en kastelen roondum in 't greun, deur 't Buurserzaand.
Wat is 't mooi hier, wat ne röste, ik loate 'n auto eaven stoan,
Ik kiek es roond en zet miej dale, zal ik te vote wieder goan?
Twickel met zien hoge beume, 'n Hoolterbearg met peersrood heet,
Deepen met de watermölle, woar 't scheprad nog gestöadig geet.
Zunnestroalen oaver 't water, de weenterdag met snee en ies,
Dwellend deur Tweante deank ik vake, ik wone in een Paradies!
Ine Traas-Kuiper (Delden)

[GerritHondelink]

Dialect-evergreens op Radio 5
Dizze wek steet Twente weer volop in ’t laampenlecht veur de oetverkiezing van “De meuiste dialect evergreen 2014” van ’t NCRV radioprogramma Plein 5. Deensdag kö’j Woolters, ok bekeand as Martin ter Denge oet Riessen, loester met “Helpt mie toch duur dissen nacht”. Goonsdag löt Herman Finkers oet Böaningen zich heuren met “Bebogeen”. Loester kö’j elken nammerdag op de radio Plein 5, mer de leedkes bint ok te heuren op de webstie.

Stem op de meuiste evergreen in oonze eagen Twentse sproak. www. http://plein5.ncrv.nl

[enschedeinansichten]

Wie helpt mij aan de Enschedese tekst van het liedje "Waar de blanke top der duinen" is waarschijnlijk van rond of na de oorlog.

Dit lijkt er op maar is het niet. Het laatste stukje is " Enske in mien Twentelaand".

Waor de aole bekke nog duur 't laand hen löp
en et kleine knientjen oet zien hölken krop,
waor nog wakelbuske wast in ’t geile zaand,
daor is miene Rotbekk' in mien Twentelaand

[Veteraan]

Dit is het ook niet, maar wel aardig.
http://www.historischekringhaaksbergen. ... 201979.pdf

[enschedeinansichten]

Ja volgen mij is het dat wel maar klopt de tekst niet helemaal en dat geven ze daar ook wel aan, een gedeelte klopt wel.
Ik heb een bandje uit 1965 van een feestje bij mijn opa thuis. De kwaliteit is heel slecht en niet alles is te verstaan.

Dit dezelfde melodie. Frieslandlied.

[GerritHondelink]

Waor iezer lig, woar eeken wast, Daor wast ok leu, dee daorbie past.



Boer Jansen zit in ‘ t hotel en köch zich een köpke koffie.
He ‘j betaalt òfgemettn, meer de ober blif stoan met de hand open.
Dan pakt Jansen n suukerklontje den oawerblemn is, drukt hem dat in de haan en zegt:
Hier mien jong, nem doar mear ‘ n lekkere cognac-groc bie, das good veur de griep."

[GerritHondelink]

Vaar, vaar, zear de jong, dow beens hoast net zoo klook as ik.

Is oe’n vrouw spaorzaam?"
"Moi ‘j wel op rekken.
As zee de goldvis verschoont, et wie ‘sanderdaags vissoep!"

Raodsel.
Mien eerste is roond
Mien tweede is roond
Mien eerste en tweede is roond
Mien daarde is roond
Mien vierde is roond
Mien daarde en vierde is roond
Mien geheel is roond
’t Geet in oewen moond.

[GerritHondelink]

‘n Stuk in kraagn hebbn.
Dronken zijn.



Nen grootsten zoepert van ’t dorp komt ‘s oavends de dominee tegen:
,,Dag dominee."
Zeg den dominee Dag ik was blie, dat ik die vanmiddag noa zo völ joarn weer in kerk zeen heb.
Kik den zoepert versuft veur zich oet en brabbelt : Dus daor he'k den heeln middag zettn.

[GerritHondelink]

A'j oe in de pannekooke vastvret, dan köj oe in de kaarnemelk weer lös ett'n.



Ligt ‘n boer in ‘t zeeknhoes al mer hen en weer te weuln.
De zusters könt ter niks met beginnen.
As zien vrouw op bezeuk is west; lig he doodstil in ber.
Vrög de zuster: Mens, hoe he’j dat kloar spölt?
Zeg de vrouw: lk heb hem verteld dat wie de opperatsie nich hooft te betaaln as den mislukt.

[GerritHondelink]

n Mooi vertelsel oaverleaft de tied.


Nieuwe visite oet ’n achterhook komt bie ‘n boer oet Eanter op bezeuk.
‘t Eerste wat heur veur wordt zet is een stukske kees.
Ampat bromt de man bie ons in Gelderlaand krieg wie kees noa ‘t etten.
" Zegt boer: „Bie oons ok mien jong.!


Driekusman
Het woord driekusman kan gemakkelijk worden misverstaan. Er zou heel goed een man mee bedoeld kunnen zijn die,
in overeenstemming met de tegenwoordige overdreven mode, bij elke begroeting en elk afscheid alle aanwezige dames maar liefst drie in plaats van twee kussen geeft.
Maar ook in de gebruikelijke betekenis die van een oude volksdans uit Twente is het woord driekusman verkeerd.
Het wordt namelijk gekenmerkt door overbodigheid zo kan de toevoeging man rustig achterwege blijven,
de naam Driekus geeft al onomstotelijk aan dat wij hier met een man te doen hebben.

[GerritHondelink]

Wat leu bint op de ceantn as ’n duuvel op de zeel.


Boer tegen zien nieuwe dienstmeid: „Ik zol graag vanoavend met die dineren goan."
„Heel groag," straalt ‘t wicht.
Schudt den boer met ‘n kop:” Wat, ie neugt mie waerkeluk oet?"

[GerritHondelink]

Oet ‘n baand springn.
Uit de band springen; zich uitvieren; wild worden


’n Boer koom thoes en veend zien vrouw met ’n vrumde kearl in bèr.
Hee grip zien geweer, toen röp zien vrouw:
“Schat nich doon, wat denk ie woar oonze nieuwe auto en woar ons hoes en mien bontjas vot komt?"
Bin ie die man," vrög de boer.
Man knikt.
Dan trek gaauw de kleer an kearl, veur da ‘j mie verkoalln wordt

[GerritHondelink]

Ie mött doon wa'j nich loatn könt
Doe maar wat je niet laten kunt


Bennad har zik in de stad nen autoradio kof. As hee doar dan met in't hoes koomp
en't ding an de vrouw löt zeen, wodn 't meanske inees good rebels en gung de kat in de gedienn.
"Iej koopt doar zo mar nen duurn auto-radio woar as iej ja niks an hebt. Doom döl aj toch bins,
wi'j hebt ja gils genn auto. Dan heb wi'j toch ok nich zonn duurn autoradio neurig!"
Dan Bennad heel röstig: "Ach vrouw toch, dow hes di'j vergangn wek ok wa nen duurn B.H. kof."

[GerritHondelink]

Iej mot nich meer op ’n bos hangn as a’j dreug könt kriegn.



Prikkemö löp in ‘t dorp veur ’n slager zien weenkel.
Röp den slager: Oe’n hoond hef vanmorn ‘n wos van mie opvreten."
Zeg Prikkemö: „Das good da’j mie dat zegt, dan krig e vandaag niks meer!"

[GerritHondelink]

Wat mo’k aans.

Ik heb geen andere mogelijkheid.


Veurjoar
De koalte is now weer vertrökken
Het ies is oet de sloten vot
De Deenkel hef zienen loop herwunnen
Könning Weenter kump nich meer an bod
Op 't land lig now nen zachten wasem
Van 't grille greun, zo iel en tear
De grond lig stil en vol verwochting
In de locht vleegt vöggel hen en weer
Ik loop langs vealden en dear essen
Oaweral kump ni’j leaven oet
Ik snoew de roek van vruchtb're earde
Ik veul de veurjoarszun op miene hoed
Doar scheert nen kievit oawer 't land hen
En 't speenkroed bleuit al an de bek
't Bosviooltje steet op oetkommen
'n Wonder, dat zich elk joar voltrek
In de beum doar zee-j de knöpkes zwellen
Al gauw komt doar de bleadkes an
Hoo zuver kleenkt 't twiefelig zingen
Van 'n geteling op 'n kalen stam
Ik stoa verwonderd dan te kieken
Noar de natuur in lentetooi
En nimmer hek 't zó good begreppen
0 God, wat is de weareld mooi!
Christian Grander Olde Nordkamp

[GerritHondelink]

Pröttelbeer. Mopperaar. Op stroat is t net ne Leven Heer, in hoes nen groten pröttelbeer.



Meitied
In mei legt alle vöggeln ’n ei
Behalve de koekoek en de griet,
Dee legt in de Meitied niet

[GerritHondelink]

Met wat eeuwig doert, he’w de tied nog wa.

Met wat eeuwig duurt , dan hebben we nog tijd genoeg.
Met tijd en stond gaat men de wereld rond.
Als men rustig zijn tijd afwacht, dan komt men overal mee terecht.



Ze zaatn a wa twintig joar biejeen op 'n kantoor van de Rabobaank,
Herman en Tonia. Albeer vriejgezel. Op nen moarn keek Tonia Herman andachtig an en zeg dan:
"Mar wat zee ik toch now Herman, probeer iej nen snor te loatn stoan?"
"Och joa Tonia, woarum nich, 't is di'j toch ok wa lukt!"

[GerritHondelink]

Maarkdag in oald Eanske
Op elken Dinsdagmoorgn um aait dezölmde tiejn
Zag iej van wied en nao de boern stad in riejn.
De kaore hoog belaadn met eerpel, eier, stro
Met appels, peren, proemn met veerkens of ne koo.
Van Oatmöske en Vasse van Rossum, Weerselo
Kwammn ze biej zun of reagn naor 't maark in Eanske too.
En roond de oale karke daor gungen ze dan staon.
Met haandslag en völ praotn woddn daor de zaakn daon.
En was d'n koop eslottn gung elkeen wier zien gaank
En lea 't maark wier röstig ne hele wekke laank.
D'r is nog maark in Eanske wal elke wekke weer
Maer, oale boerenkaorn dee zeej in 't stad nich meer.

Uit ’t Krekkltrumke Bert Mutter.