Spreek je dialect

[GerritHondelink]

Een visser.
Doar zit ik dan an 't water
Um vief uur, 't is nog koald.
De vöggel fluusterd zachtkens
an 'n raand in 't kröppelhoald.
Nen reiger steed doar in het reet
en wocht doar op zi-jn et'n.
Hee wocht tot ik der èène vang
en hem t'rug zal zetten,
Meer den dobber wil nich noar beneen
en den aarm'n voggel krig der geen.
Den reiger kik mi-j an en dech, aarm'n blood,
ak op di-j möt wocht'n, goa ‘ k joa dood.
'K goa mèèr noar 't hoes, het is toch mis
ik koop mi-j wa 'n gebak'n vis,
GERRET

Wij stonden dicht tegen elkaar met zijn beiden
En dachten een beetje aan vrijen
Mijn dochter van tien
Die had dat gezien
En kwam toen maar gauw tussen ons beiden.

Woar as 't aos is, hoalt de kreien vergadering.




Hee hef de kipse op half zeuvn. Hij heeft z'n pet scheef op.

[GerritHondelink]

8 aug
Slotlied wierdense revue.

Jongs iej mot nich huulen
Maak oe nich zo dik
Loat de zaak mar kuul’n
Dan hei’j de meeste schik
Is ’t mangs ok duuster
Het wodt wier lech
Met honderd joar
Is alles weg.

Better geern te will’n wa’j doot,
as doon wa’j geern wilt.




Wel gin tied hef, kan d’r nich met umgoan. Wie geen tijd heeft, kan er niet mee omgaan

[GerritHondelink]

9 aug.
VANDAAGE NIT
Twee breurs ('t zeent oole vriegezelln)
Bie oons in 't dorp heett Dieks en Hùs
Gineene van baejde klook in 't woark
Mear aaltied hebt ze de kleppe lùs.
Ze veantt 'n betje met petrùllie
En brengt de kraante bie de lue
Mear a'j ze zeet dan zeg ie dreks:
Dee zeent leewer lui as mue.
Zoo kùmn ze 'n moal wier op de kùkn
Toen hadn ze ook kraantn vot ebrach
't Warn net verzùpn kattn
Zu'k reangn at 't dee den dag.
Dieks den zea: dat doo'w zoo nit wier
At 't moarn wier reangt wee'j wa'w dan doot
Dan loa'w de lue de kraantn ophaaln
Non, zea Hùs, ik veene 't wa good.
Saanderdaangs reangn 't as te too
Dus Hùs den lea zik, 't was nog vroo
Um 'n uur of tweeje kùm Dieks terugge
't Buis nat tot op de rugge.
Hùs: Ik dachen da'w gin kraantn zolln brengen
Dieks: Skaejt toch oet te dramn,
Ik zin alleene mear eawn roond ewàs
Um te zegn da'w vandaage nit kwamn.


Met kleane keender kopzeerte;
Met grote keender hètzeerte.



De tonge op 't daarde knoopsgat hebn. Buiten adem zijn.

[GerritHondelink]

10 aug
Vandaage begint de skooln wier. Doarumme dit skiere gedich oet Riessen, van feesbook "Ech Riessens".

Slodd'reg
Oons Dientje kùm oet de skoole
Ze was oart an de laate kaant
"Kom ie nog 'n moal?" zeg Hanna
"het ettn is hoaste anebraand!"
"En woer is oons Jenske?" zeg ze
"Heb ie den nit wier metebrach?"
"Nee, den mos in de skoole bliewn"
"Kiek" zeg Hanna, "ha'k wa wier edach
Wat hef 'e non wier oetevrettn?
Den jongn hef aalt wat bie de hakkn
At 'e koomp Graads mu'j den jongn
's Good eawn bie de oorne pakkn!"
"Woerumme mos 'e dan toch bliewn?"
Vrueg Hanna wier an 't wich
"Maester den vrueg noar de Azoren
En oons Jens wus nit woer't dat lig"
"het is een kruus" zea toen oons Hanna
"Zoo slodd'reg at den jongn aalt dut
Den weet non nooit of te nimmer
Woer't 'e 'n prùttel aaltied lùt!"
Skriewer: Graads (Lex Meuris)

Better teruw goan as mis springen.


Zelfs het klookste schoap, hef genog an ettn en sloap.
Zelfs het pienterste schaap, heeft genoeg aan eten en slapen.

[GerritHondelink]

11 aug
Hupsel
Roodbonten
de köppe recht veuruut,
de aorne breeduut,
vraogt zich af:
Wat
mot dee leu
daor
in den raegen
onder de beuken
in Hupsel?
Henk Lettink.

Simon van 7, steet met opa te kiekn noar discus wearpn.
Eerst de jongs en dan bint de wichter an de beurt en dee hebt fleenk wat hoalt veur de deur, zo te zeen!
Simon: "Opa, iej könt wal zeen dat het wichter bint, he?" Opa grinnikt luk veur zich hen en zeg dan: "Hoo zoo dat dan?"
Simon: "Ze hebt völ kleinere allozies um as de jongs!!!

Mie vaa zea aalt, aj nun zeern boek harn, weas toch blie aj ne boek hebt aans völ oe de stoete zo in de bokse.


Loat ’t oe kepot kok’n. Het ga je goed.

[GerritHondelink]

12 aug
VEUR OONS BEDACHT.
Wat fijn dat de mooiste dinge op de weareld,
helemaols gratis bint.
Kiekt ma nao de opgaonde zunne,
of nao een spullend kind.
Of bespied is een nös met jonge veugel,
die biej de moo nog bescharming vindt.
Geniet is van een hommel,
den zie'n snutje in een bloom stekt.
Of van een klurigen vlinder,
die zommers zo vake ontdekt.
En lustert is nao een nachtegaal in't bos,
die daor de stilte verbrekt.
Kiekt ok is nao de maone en stearn,
biej een helder vrezende nacht.
Of nao dwarrelende snee-vlokk'n,
die valt zo stille en zacht
En al die mooie dinge bint gratis,
God hef het allemaol, veur oons bedacht.
B. Teela-Klein Lebbink

Dree op de honderd.
Loodieks-Jan lea in ber. Hee was 'n luk sloerig in de hoed. 't Ett'n smaakn em smiddags nich. En soams wolle ok gin stoet.
Jannoa, wat ziene vrouw was zea: Wie haalt 'n dokter d'r bie, want ie wet mer nooit wat 't is met dee miljeubedearverie.
'n Dokter kwam en onderzochn Jan en zea: Niks geen zorgen, man, wat jij hebt is niet gevaarlijk, daar sterven er maar drie op de honderd van.
Jan keek zeunig veur zich hen en veuln zich 'n luk oet ’t lood.
Toen zeare: Dokter, heur is, dee dree, bint dee a dood?

Verstandug is op tied te komm'n,
nog varstandugge op tied te gaon.


Ze stuurt ‘m van hot naar haar.
Ze sturen hem van de een naar de ander.
Bij het mennen van paarden was hot naar rechts en haar naar links.

[GerritHondelink]

13 aug

VERHUUSD
Langzaam reed 'n verhuuswagen vot.
'n Jong stund op stroat doar heel alleen
en keek den wagen nog alsmeer noa,
tot dee op 't lest um 'n hook verdween.
Hee dreaien zich um noar 't leuge hoes,
dat toch bewoond was nog zo pas,
en met zien holle veanster-ogen
net leek of 't 'n luk weemoodig was.
Ook hee was wat verdreetig
too hee doar op de stroat bleef stoan.
Want met den auto was ja toch
ook zien vriendinke vot egoan.
Het har zo heel lang nöast hem woond.
Hee wust het allemoal nog best,
hoo vroger zee in 'n zaandbak spöalden
en op dezölfde school warren west.
En too ze in de brugklas zatten,
wör hee zo heanig an gewaar,
dat hee heer toch wal geern meug lieden;
ze warren zo vaak ja biej mekaar.
Meer now ineens gung zee verhuzen,
eargens woarhen, zo heel wied weg.
Hee kon dat allens nog nich begriepen,
schoonwal zee 't hem toch oet har leg.
Noadat 'n verhuuswagen vot was reden,
stund hee doar met 'n strak gezicht:
en vreug zich of, of hee ooit nog
ees weer zol zeen dat leuke wicht.
Uit de moespot. Georg Friedman Enschede

Better niks as iets wat d’r op lik.


Vuerbie’j koomp nich wier. Wat voorbij is komt niet weer.

[enschedeinansichten]

VERHUUSD.

Zo heb ik er ook wel een paar zien gaan.

[GerritHondelink]

14 aug
Ait veuran…..
Werkeluk, hee was nich te miss’n.
Bie elke katt’nkermis was e bie.
Of’t noe streup’n was of visk’n,
De bie wêên was zien leefhebberie.
Kerk’nkoor of school-en-volksfeest
Fancy-fair of naoberplicht,
Gemaskerd bal of brulfteneug’n,
Zoonder hem dan gung ‘t nich.
Zoonder hem kon niks gebeur’n
Zonder hem gung de niks vedan
Gistern hebt ze hem begraa’m
En zelfs doar was hee veuran !!!
Jan Greve.Nijmegen.

Ne geleende kat vaank gen muuz.



Kump de tied, dan kump de kwoale. Ouderdom komt met gebreken.

[enschedeinansichten]

Kump de tied, dan kump de kwoale. Ouderdom komt met gebreken.

Wis en waarachtig.

[GerritHondelink]

15 aug.
Nostalgie.
Mien Enske met dien aol’n Bothof
wao ‘k leer’n hoo ’t lêêm was,
met Rietman en Pietje Koers zien genske
van Eerste en Tweede Bothof-dwars.
Waor ik Roestam en Lou Visser heb heur’n sprekke’n
Poepzak de trom heb heur’n slaon
De A.J.C. heb oet zeen trekk’n
De onderkroepers heb zeen gaon …
Van spinneriej Transvaal en van de stangen.
Van Hoog en Dreug en van school Acht.
Fabrieksleu dee de too nog leup’n.
En waor’k heb huult en waor’k heb lacht …
Waor in de cricis van de dettiger jaor’n
dree-veerdel van de maanleu werkloos
en niks te doon hadd’n as op straot staon
met’n taalgebroek zo bar en boos.
Waor ik van acht tot achtteen jaor
veurlichting kreeg van de jongs op straot
Nich aait in de mooiste weur,
meer ik leer’n ‘t verschil tusken good en kwaod.
’t Was ne hadde leerschool in dee jaor’n,
meer ik heb der toch heel völ an had.
’t Hef mie deur ’t lêêmn hen-eholpen.
Ze kreeg’n mie zo gauw nich plat.
Drum blieuw ik mien’n Bothof daank’n.
De jongs en wichter, riep en greun,
‘k Zol ze’n bleumke will’n stuur’n
meer miene middel’n bint beteun….

Van Face book Jan Greve Nijmegen


Ai’j oezölf te klook of zint, doo’j oezölf der mangs bie.


'n Aarmood haalt de luiigheed in = armoede dwingt om aan het werk te gaan

[Arie]

Lage Bothofstraat 13 Hoge Bothofstraat Spinnerij Transvaal van firma Van Heek & Co 30-4-1969.jpeg (120.14 KiB) 564 keer bekeken

15 aug.
Nostalgie.
Mien Enske met dien aol’n Bothof
wao ‘k leer’n hoo ’t lêêm was,
met Rietman en Pietje Koers zien genske
van Eerste en Tweede Bothof-dwars.
Waor ik Roestam en Lou Visser heb heur’n sprekke’n
Poepzak de trom heb heur’n slaon
De A.J.C. heb oet zeen trekk’n
De onderkroepers heb zeen gaon …
Van spinneriej Transvaal en van de stangen.
Van Hoog en Dreug en van school Acht.
Fabrieksleu dee de too nog leup’n.
En waor’k heb huult en waor’k heb lacht …
Waor in de cricis van de dettiger jaor’n
dree-veerdel van de maanleu werkloos
en niks te doon hadd’n as op straot staon
met’n taalgebroek zo bar en boos.
Waor ik van acht tot achtteen jaor
veurlichting kreeg van de jongs op straot
Nich aait in de mooiste weur,
meer ik leer’n ‘t verschil tusken good en kwaod.
’t Was ne hadde leerschool in dee jaor’n,
meer ik heb der toch heel völ an had.
’t Hef mie deur ’t lêêmn hen-eholpen.
Ze kreeg’n mie zo gauw nich plat.
Drum blieuw ik mien’n Bothof daank’n.
De jongs en wichter, riep en greun,
‘k Zol ze’n bleumke will’n stuur’n
meer miene middel’n bint beteun….

Van Face book Jan Greve Nijmegen


Ai’j oezölf te klook of zint, doo’j oezölf der mangs bie.


'n Aarmood haalt de luiigheed in = armoede dwingt om aan het werk te gaan

[GerritHondelink]

16 aug
Heemoal oawer de toern koomp Liesbet bie nen baankdirecteur:
"Oonzen hoofdkassier is der tusken oet!"
"In Godsnaam, Liesbet, controleer direct de grote kluis!"
Zee rent vot, koomp teruw en schreeuwt: "Doar is hee ok nich.


D'r bint meer leu dee 't klèène in 't grote zeet as 't grote in 't klèène.


Biej Jaan en Greet hef ‘t vannacht wier wit vreurn. Onenigheid tussen echtpaar

[enschedeinansichten]

Heel herkenbaar dat verhaal over de Bothof.

Zat op de Hoge Bothof school en keek (teveel) naar buiten.
Arie van Bilsum zag dat en aan de waslijn hing een lange rij witte lappen.
Arie zei, dat is veur de vrouw'n die in de rooie wekke bint. Wist ik veel.

[GerritHondelink]

17 aug
Kinderoagen
Kinder-oagen eerlijk, oprecht,
Onschuldig, onbevangen, echt.
Ze weerspeegelt eur gemood,
In alles wat ze doot.
Ze tröönt, of lacht,
Ze maakt week en zacht.
Ze verandert meestal meteene,
As ze bewust, de volwassene heb ezeene.
Winterswijk J. Konings-Nijweide


Kleen gedichke vuur’n wichke
Mien wichke wat dös met den jong'n in 't grös?
Dat kuulke lik wa'n vöggelkes-nös!
Mien wichke wat dös met den jong'n in dat nös?
I deank bie mi-j zölm: loat meer kuul'n 't löp wa lös !

Hennik van ’n Scheenk’n

Dee van gezelschap hooldt, is vaak alleen.

Vuurzoarg vuurkomt noazorg.
Voorzorg voorkomt nazorg.

[GerritHondelink]

18 aug
Gait
Oons Gait leup droonknd langs de bekke.
Hee was seends meansnheugn aait zat.
Hee veuln zich biej de geboort a nich zoo lekker
en was ok aait zo meu in t gat.
Dat e zich verzopn hef is slim,
mer noe koomp al ‘t weark op miej
en dat is n völ earger ding.
Bert Alink.

Op de bonne fooij. Op n ringelduufken an. In de weelde bookweijte vot.
Bonnefooi= Dat moet dan maar op de bonnefooi = op goed geluk in de hoop dat het goed afloopt.
Verbasterd uit het frans. A la bonne foie = te goeder trouw. goed geloof of …..
bonne voie = juiste weg.
De uitdrukking heeft meestal betrekking op een reis die iemand onderneemt zonder eerst onderdak te regelen. Hij vertrouwt erop wel ergens een plekje te vinden.
Als je op de bonnefooi naar iemand toegaat, bezoek je hem zonder eerst een afspraak gemaakt te hebben.
Ringlduufke = buitenkansje , gelukje , aardig vlot en net meisje.
Gait tröf dat now eenmaol zo, mer ; t was ok ’n ringelduufke.
Rindelduifje is een zeld voorkomende kleine houtduif
Hee menen ‘n ringelduufke te scheten en hee schot nog gin torteldoef. Hij dacht een rijke vrouw te trouwen, maar ze bleek arm te zijn.

In de weelde bookweite vot. Op de bonnefooi; in het wilde weg; ondoordacht, zonder regel of overleg; op goed geluk af.
Ie mot nich zo mar in de wilde bookweite met dat weark beginnen. Je moet niet zomaar in het wilde weg (ondoordacht) aan dat werk beginnen
Iej lult mar in de weelde boekweite weg. Je kletst maar raak
Den hef de boekweite an ‘t bleuijen zeg ie as iemand un goeien handel daon hef.
Hee is zo dreekantig as boekweitzaod, hij is zeer onbetrouwbaar
Boekweitzaod en vrouwleupraot lukt eens in de zeuven jaor. Vaak is het waardeloos en een enkele keer echter is het goed.
Boekweitzaad en vrouwluiraad is dubbel of niets. Ontleend aan de wisselvalligheid van de boekweitoogst
Het is niet elk gegeven, boekweitbrij met hooivorken te eten.

Het ónmogelijke kan men niet doen
In de hös loat'n zakk'n = niks meer aan gedaan hebben.

[GerritHondelink]

19 aug.
Azze wie 's morns hen melleken goat
De beeste an 't hekke te wochten stoat
De veugel zoo mooi zingt an de kaant in 't holt
De zun in de veerte precies lik op gold
Dan spanne wie den bonten, want den steet nich stil
Wie zingt mangs 'n leedjen alleen veur de wil
De dauwdröppel gleenstert zoo prachtig in 't grös
En dan trekke wie lös:
Ons oale Twente,
Doar hoale wie van en doar leave wie veur
Ons oale Twente
Met zien bos en zien heed in dee prachtige kleur
Ons oale Twente
Met zien fabrieken en boerenstaand
Dat blif toch altied veur ons et mooiste laand
Hebbe wie 't melleken dan edoan
Dan he'w de spekpankook op 'n teelder stoan
Wie voort dan de vearken, wie haalt dan et peerd
Want zonder wearken is 't leaven niks weerd
Wie wreut in de grond en wie ploogt en wie zeait
En hebbe wie somtieds de kop is verdreaid
Dan kiek ik mien Hanna meer efkes an
En dan geet 't der van:
Ons oale Twente...
No kö'j wa goan reizen noar 't boetenlaand
Meer ik blieve ’t leefste meer kort bie de haand
Wie hebt hier toch allens wat wie begeert
Wie hebt hier et lopen en 't proaten eleerd
Ik heb hier evriejd en ik vun hier ne vrouw
Ik blieve altied mien Twentelaand trouw
Ik hebbe veur eeuwig mien hert verpaand
An ons Twentelaand


Doar geet t’hen zear driet in ber, dow har hee t’a in de boks.

Met een vol lief kö’j makkelijk aower vasten praoten. Een volle buik kan gemakkelijk het vasten aanprijzen. Wie rijk is, kan het gemakkelijk over armoede hebben.

[GerritHondelink]

20 aug
BOER’NJONGS
Dat pröt rechtevoort van sjips en van slaatjes,
van bölkes vleis met 'ne pin d'r in,
van nazzi-weet-ik-völ bi-j de Sjineez'n,
aj d'r van heurt dan ve'geet ow 'n zin!
Dat drèèjt rechtevoort aspèèrzjes in scheenk'n,
dat is toch gin ett'n vuur 'nen boer?
En doar moj dan sjuuderans bie dreenk'n,
want de wien dee is as azien zo zoer!
Dat knooit rechtevoort met gevulde eier',
dee kwam'n toch a vol bi-j de hoonder vandàn?
Ze èt Fraanse keez' en ze goat hen fonduuj'n
't lekt van de stoet en 't steenkt oet de pan!
'Woar is de tied van de kreent'nstoet'n,
van de Boer'njongs en de proem'n op sap?
Al dat ni'jwetske spil dat maj't ze wa hoal'n
vuur enen tèèler met keernmelkse pap!
Hennik van ‘nScheenken

Nen prömmelkloas is 'n prutsend, langzaam wearkend man.

At de motte d'n zomp um smit, mot de keuntjes ’t lien. Wanneer een ouder te royaal leeft, komen de kinderen te kort.

[GerritHondelink]

21 aug
Plechelmusbasiliek
Dit is ‘t hoes, wus ik as keend,
woar alns in dizze stad um dreait.
Noe dreait allenig meer de weend
der nog umhen en weait en weait.

Dit was aleer ‘n hoes van God,
dat vrede in ‘t gemood kon gevn.
Noe is ‘t aait duuster, aait op slot,
‘ t kon ok wa ‘n fabriek west hebn.

Ik heb kortns nog doarboetn stoan
en ik besefn tot mien schrik:
wa'k dachn dat nooit kapot kon goan,
is eerder oet de tied as ik.
Willem Wilmink

Leefde is 'n tere bloom ho better a'j ze verzorgt ho mooier dat ze bleuijt.

Woar as twee vrouwleu biej een zint, geet mangs nen deardn oawer de tong!
Waar 2 vrouwen bij elkaar zijn, gaat soms de derde over de tong.

[GerritHondelink]

22 aug
In 't veurbiejgaon
In 't veurbiejgaon op de straote
Kwam temeute miej een wich
van - ik deanke - doezend wekke;
kenn'n deu'k 't deernke nich.
't had een vreandeluk gezichke;
um 'n moond iets van 'n lach,
en met dat ze miej veurbiejgung
zea ze vreandluk miej goon dag...!
't Deu miej good dat vreandluk lachke
't deu miej good dat dagbegin.
in 't gejaag van 't stadse leam'n
gaf miej dat weer niejn zin.
Want zovölle leu dee gaot daor
zoonder sprekkn langs oe hen;
leu, dee in dee huuze-massa
zölms gin naögnsten naober keant... !
Wat is 't leam'n toch veraanderd
net as heel de maotschoppiej;
onverschillig veur een aander
gaot de leu mekaa veurbiej
Leefde, vreandschop bint begrippen
dee bint now de meesten kwiet;
zölms de naoberschop dee is now
slechts een woord oet vroogre tied...!

Iej mot 'n boom bugen as he joonk is.


Hee schikt as 'n moes in 'n melzak
Hee schikt as 'n moes in ’n melzak betekent dat iemand maar heel langzaam opschiet met z'n werk.Een muis moet het in een zak met meel wel prima naar zijn zin hebben.
Hij heeft maar een probleem: zich een weg door het meel banen is geen eenvoudige opgave.
Maar waarom zou hij dat eigenlijk willen?