Spreek je dialect

[GerritHondelink]

Woar as water is tref ie ok kikvösche.
Waar water is zijn ook kikkers. Waar rook is is ook vuur.


Veuroetgang?
In de leste vieftig (honderd) joar is völle goan en komn.
De heide en de woeste groond wör grootndeels ontgonn.
Eerst kwam den trein hier duur t laand en scheidn t in stukn.
En leu met onwies völ verstaand leutn t Kanaal oprukn.
Noaberleu, elk an n kaant van n sloomp warn ineens gin noabers meer.
Ze hebt niks ezeg, want toen gold eer: „Niks an te doon, wat koomp dat koomp".
Nog slimmer wör ‘t met de stroatn, de Rieksweg en de autobaan:
Völ leu mut de boerderiej verloatn umdat wiej met n auto ál harder mut goan.
De pries dee Twente mut betaaln veur al dat nieje moderne gedoo
is groot, en ‘t gef völ nare verhaaln, zoo as van den boer in ne bungalow, meer zoonder ziene koo.
Völ moois he'w oonder t asfalt stopt, völ moois is ok nog blevn.
Doarum: t is mooi ewes, wiej hopt dat ok oonze keender nog kunt leavn,
dat doar blieft de greune weidn met hoaltwaln der roond umhen;
de wiede esn, ‘n kaamp woar t vee kan weidn;
en de oalde boerderiejn met eeknbeum; en t grote Ven!
Gerrit ter Welle

[GerritHondelink]

Slotlied wierdense revue

Jongs iej mot nich huulen
Maak oe nich zo dik
Loat de zaak mar kuul’n
Dan hei’j de meeste schik
Is ’t mangs ok duuster
Het wodt wier lech
Met honderd joar
Is alles weg.

[GerritHondelink]

Vöggel wilt wal kers'n ett'n, mer gin beum pott'n.



DE OALDE LEU
Wat hebt ze nich doan vuur luk etn in n moond,
aait de schup in de haan en n nös noar de groond,
zommers en sweenters, t gung stöarig verdan,
mien moo zea dan ook nog: k bin bli-j da'k t nog kan!
Pas as t duustern zea mien vaa tegn mien moo:
wi-j röst oons boavn oet van al dat gedoo,
is t gas oet, t lech oet, de achterduur too?

Wat hebt ze nich metmaakt mien vaa en mien moo,
met mekaa en de keender, met nen sik en ne koo.
Ginn ceant vuur de dreaimöl dee 'het leavn' heet in n tuk,
t leavn dat dreain eer wa met verdreet en geluk
.... Totdat ze noar Boavn gungn mien vaa en mien moo,
door röst ze vuur aait van al dat gedoo,
t gas oet, t lech oet, de achterduur too.
Hennik van ’n Scheenken.

[GerritHondelink]

De ballade van de Piepen
Wa zekers meer as hoonderd joar eledn -
kwam n moal den Ainsworth hier in t oalde laand;
zag hoo de meansken best oet t hoalt warn snedn
vuur t spinn en weavn klook met neerge haand.
Dit was t begin dat hier zoo völ febriekn
wördn sticht met nen bearg onmeunig kapitaal,
wat kortns weer völs te völ gung bliekn:
textiel meus vot, de piepn gungn daal.
Bin wiej dan noew a weer de tied vergetn
at leu op t fietske gungn jaagn oawer stroat
hoes hen vuur t waarme moal en noa dit etn
ok weer vedan meusn tot snachns oet de noad?
Van Lange daag is noew niks meer te mearkn,
alns gung hier vuur de vlakte, alns egaal,
de leu meusn dus mer eargns aans goon wearkn:
textiel meus vot, de piepn gungn daal.
Van t blauwe koffiebuske kö'w nich meer sprekn;
al dee febriekssireens bint ok verstomd
en slotn bint al dee poortn en dee hekn:
t lik wa as in n oorlog, alns plat vot-ebomd.
Gen duvelkamer, spinmechien of krasn,
gen dreecilinder, töw of opmaakzaal,
t spil was der nich teagn op-ewasn.
textiel meus vot, de piepn gung daal.
Woar bint toch al dee leu eblevn
dee hier hebt marteld en zweet zoo dag an dag?
Wat hef eur t leavn verders noe wa geavn,
doo n industrie kreeg zonn zwoarn slag?
En woarum zee'w de speendels nich meer dreain,
wat wördn dee tow met skeetspool toch fataal,
en hebt de leu noew niks meer um te kleain?:
textiel meus vot, de piepn gungn daal.
Baron! Joa, joa!, ok vot gungn oewe piepn,
woar t aarme volk op kloompn noar daansn meus;
a köj der rechtevoort niks van begriepn,
t was t kapitaal wat hier zienn macht verleus.
Joa, heer baron, oew zegnskap is brökn,
der is niks meer van t ketoen, nog genn baal,
ze hebt den heeln pleer kats um-etrökn.
textiel meus vot, de piepn gungn daal.
Ben Frey

[GerritHondelink]

As de rök hen daans goat, komt ze met de boksn biej 't hoes.
(verkering krijgen)



Snits leideken
Snits leideken zien huusken
zoo groot as n fernuusken
en wa'k doar noe in zag
ze hef der dree keender
in groot ebrach
snits leideken in t
kleine weideken
nen sik an t töwken
ik vun t aait
zun aardig vröwken
snits leideken aardig vröwken
n stuk of dree kipn in t köwken
n klein hundeken wat blafn
leideken zö1f aait lachn
snits leideken barknbeumkes
vuur de duure
scheide gerdienkes
vuur de roetn
doardeur keek leideken
noar boetn
snits leideken
dee kaste nick meer veendn
gin huusken of fernuusken
gin keender gin weideken
gin töwken gin vröwken
gin kipken gin hundeken
gin beumkes gin gerdienkes
leideken is dood
leideken hef t good had
joarn later hef Bouwhoes
doar n kaffee too-ezat
Jan Wolters

[GerritHondelink]

Met de tied metgoan is makkeluk; Iej hooft allenig mer elkn dag te leavn.


Oud worden in deze tijd.

Het is gewoon niet voor te stellen,
Je moet met een mobieltje bellen,
Je kunt er ook een tekst op lezen
Je moet altijd bereikbaar wezen
En dat kan dus niet gewoon
Met een doodgewone telefoon.

Wil je een treinkaartje kopen, nee, niet naar de balie lopen,
Daar is niemand meer te zien, je kaartje komt uit een machien.
Je moet dan overal op drukken in de hoop dat het zal lukken.
Pure zenuwsloperij, achter jou zie een rij
kwaad en tandenknarsend staan,
want de trein komt er al aan.

Bij de bank wordt er geen geld, netjes voor je uit geteld.
Want dat is tegen de cultuur, nee je geld komt uit de muur.
Als je maar de code kent, anders krijg je vast geen cent.
Om je nog meer te plezieren, mag je internetbankieren
Allemaal voor jou gemak, heb je alles onder dak.
Niemand die er ooit naar vroeg, blijkbaar is het nooit genoeg.

Man, man, man wat een geploeter, alles moet met een computer.
Anders sta je buiten spel, op www, punt nl.
Vind je alle informatie, wie behoed je voor frustratie.
Als dat ding het dan niet doet, dan word je toch niet goed.
Maar dan roept men dat je boft, je hebt immers microsoft.
Ach, je gaat er onderdoor, je raakt gewoonweg buiten spoor.
Nee het is geen kleinigheid, oud worden in deze tijd.

[Rene]

En wat was er mis met de goeie ouwe tijd?
Toen werden diploma's nog gewoon gehaald zonder de hulp van Google.

[enschedeinansichten]

Nu.
Met de trein naar het stadion.
De krant digitaal lezen.
Skypen met familie in het buitenland.
Of even facetimen.
Aardbeien in de winter.
Met de auto naar school.

[Rene]

Moest even opzoeken wat "facetimen" is, maar nu weet ik het.
Ik volg niet alles op het gebied van de laatste ontwikkelingen en heb geen smartphone.
Ik ben wat betreft "op de hoogte willen zijn van de laatste nieuwigheden" een beetje over de top heen.
Vanaf 1980 heb ik ongeveer 20 jaar lang alles gevolgd op het gebied van audio, video en computer, heb gemixed
(met 16 sporen bandrecorder knippen en plakken), geprogrammeerd, met webdesign bezig geweest,
steeds de nieuwste apparatuur en software gehad en toen, ineens vanaf ongeveer 2005 vond ik het mooi geweest.
Vorig jaar nog een nieuwe laptop gekocht, neusje van de zalm (Asus met Intelcore i7 processor huppeldepup), maar zelfs van dit apparaat de Windows niet meer geinstalleerd, mocht Mediamarkt mooi voor me doen.'
Dus je begrijpt het al, ik gebruik wat ik weet, verwacht kwaliteit, maar doe geen moeite op de hoogte te zijn van de laatste technieken.

[GerritHondelink]

Gaanzn en vrouwleu könt nich zwiegen.



OFTELRIEMKEN

Tikke takke tol
De boer dee vrat ne knol
Dee knol dee was zo heet
Dat de boer in de bokse……..

[GerritHondelink]

Hoald ’n kop d’r good bie’j aans luun iej d’r mooi oet.
Hou je hoofd er goed bij, anders luid je jezelf uit.
Hou je hoofd er goed bij, anders raak je je goede naam kwijt.


Oftelriemke.

Op de Hengeloscheweg, stonden zeven bomen..
Al die bomen waaiden weg, op de Hengeloscheweg.

[GerritHondelink]

Sprek ie nich, zo heb ie nich.
]Eis je deel op, laat je horen





OFTELRIEMKE

Ot bot kat vot, driet nen bot, dan bis doe eerluk vot!

[GerritHondelink]

‘K kon d’r nich klook oet worden.

Ik kon er niet wijs uit worden.


Tunneken tunneken beernbos
woar zöl wiej ‘t tunneken loatn?
Al in de Haverstroate,
al in n Mooin Hof,
door smiet wiej dat tunneken of.

of

Tunneken tunneken beernbos
woar zöl wiej ‘t tunneken loatn?
Al in de Haverstroate,
al op de kuupersdiek,
door smiet wiej dat tunneken liek.

[GerritHondelink]

Eierkuuln is ne tradisie in Tweante en Sallaand um Poasken.

Dr zeent twee variaantn van:
Vanof nen boarg kuult teegnspöllers oawer ne glad-estrekne bane met hart ekokte eier.
Denne woervan as t ei t vearste rolt, hef ewunn.
Den krig t t ei van de teegnspöller.

Bie n aandern variaant probeert teegnspöllers um t vurige ei met t eegne ei te raakn.
Dit lik op t Fraanske Jeu Des Boules en wördt ook wal eiertikn eneumd.

[Arie]

Eierkuuln in Markelo.
zie: http://www.youtube.com/watch?v=THFqKKBRdBg

[GerritHondelink]

Laank hoar, kot verstaand.

Lang haar maar weinig verstand.



Allebei de ogen
Van de allermooiste vrouw
Zijn niet half zo mooi
Als dat ene van jou.
Herman Finkers.

[Rene]

Goed dat Finkers weer is gaan optreden, kostelijke humor.

[GerritHondelink]

April den brènk oe ’t grös,
Doot de koo’n van ’n reppel lös.


Thee.
n Päkske thee wol ik geern. Thee? Hökke?- Hökke?
Gewoon... thee. Joa wa, mer wat veur smaak? Citroen, bosvruchtn, eerdbeern, kruselbesn? Nee, nee, dat al nich. Thee zoonder smaak.
Thee zoonder smaak gef ‘t nich. Dan kö'j umsgelieks ok wa water dreenkn... zeun van t geald. Wa met nen theesmaak natuurlik.
Wo'j miej veur de gek hebn? Houw! Heanig-an. Theesmaak, dat kan ik toch nich roekn. No, wat woi'j: Engelse melange,Ceylonthee, theeïnevriejethee,pissebednthee...?
Nee, gewoon, uh... wat de leu aaltied hebt. Zon greun deuske met van dee peerde derop en weet ik wat al... gewone thee veur gewone leu.
Dit misschien? Hè, hè. Juust. Dat is ‘t. Aans nog wat? n Poond keze at t mag. Leidsn, Edammer, keze oet Gouda, Gruyère, Camembert? Kruudkeze, nötnkeze zoonder nötn...? Doar geet t wier hen. Gewone keze veur gewone leu astebleef. Dat he'k nich. No, aans nog wat en n luk precies wean,heur.
‘n Flesken rooin wien. Bordeaux, zudelik riepingsgebeed, late noajoar 1983. Chateau Carremejakn. Hè, hè, t is der oet. Joa, mer... van de zuudhelling? Möt t nen ondog op de tong wean of juust fruitig? Möt de droevn met veute treadn wean? Iej möt wa luk wissigheid hebn, weetn woar k an too zin. Loat mer. t Zweet brek miej oet.

[GerritHondelink]

Hee zit met de las.
Hij zit met de kwalijke gevolgen.


GOODGOAN
Kick es, mien wich
Ik heb 't oe vaker ezegd
Den weg den 't vuur oe lig
Is veaker krom as rech
Zoda'j neet in de vearte zeet
Woer of 't oetkoomp, woe of ’t geet
Das mooi of neet
't Is good da'j aals neet weet
lej deankt mangs wal da'j
Aalns zölf hebt bedacht
Mer 't keump mear vuur det 't aans is
As da'j hebt verwacht
Keump der dan ene van de aandere kaant
Nen zwoarver liek as iej
Den oe de weg wiest met ziene haand
Lustert dan good woar hee oe raakt
Hee hef het allemoal al met emaakt
Det wil 'k, mien wich, oe gearne roaden
En 'k wete vaste det 't oe good zal goan
Jan Slofstra

[GerritHondelink]

Wel at achter de pankook zit veult aandermans honger nich.



Raodsel:
Hummelke-pummelke zat op de bank,
Hummelke-pummelke veul van de bank,
D’r was t’r gineen in ’t land
Dee Hummelke-pummelke maken kon.

Oplossing raodsel: ‘n ei