Spreek je dialect

[GerritHondelink]

As 't koomp, is 't vroo genoog.
Geen zorgen voor de tijd. Dat is van later zorg.
Daarover hoef ik mij nu nog niet druk te maken.



Superkit?
Dit verhaal kwam mie ter ore,
Ok wier woar gebuurd,
't Bint van die komische dinge
Die de dagelijkse sluur wier kluurt.
Ne zuster op't zeekenhuus
Maakten an de lopende band,
Ok keunsgebitten van patienten schoon,
Zo te zeen niks an de hand.
'n Ooln man, den zich aamper beweagen kon,
Haalden ze't gewoon uut de moond,
Ma hoe ze ok trok, 't zat muurvast,
Det was toch al te boont!
Zee zeg:'Meneer, wat is dat nu?
Gebruikt u soms SUPERKIT'?
'Nee', zeg de man toen laconiek,
lk heb nog mien EIGEN gebit!
Ineke Smit Vukkink



Loat ’t weer oe nich bedreegn a’j de wille gaanze zeet vleegn.

[GerritHondelink]

Verhaal van lik mie ’t vesje. Tuttelverhaal
Eén an ’t vesje komn. Iemand onderhanden nemen. Iemand een pak slaag geven.





Het was de hele wek a mooi weer ewes, 't meeste weark was an kaant.
Dus woln Hennik en zienn moat Jans d'r is fijn nen mirrag met de fietse oet!
Ze wadn a nen bestn ean van 't hoes en de zun scheen heur zo onmeundig op de ruw,
dat ze zo heanig an onwies dös hadn ekreegn. Wat mean ie watt is zeg Hennik,
het eerste beste caffeetje wa'w zeet goa'w oons effn röstn, ko'w ok wat dreenkn.
Mer ja.. ieleu weet wa hoo of dat geet....de beajde keerls zatn nog mer net..
of den ober stun a neust het toafelke...heren wat mag het zijn..vreug e.
Koffie zeg Hennik en Jans ok. Dat treft ..zee den ober, we hebben deze week een extra aanbieding, koffie met appelgebak voor dree euro... en het tweede kopje koffie gratis.
Heur ie dat Jans.. dat is mooi metnömn,' n means kan ok wal is mazzel hebn.
Ober ik zol zegn brengt oons dan het tweede kumke koffie met gebak !

[GerritHondelink]

Ne vrömde koo likt gin vrömd kalf.
Een vreemde koe likt geen vreemd kalf.
Stiefmoeders hebben soms moeite met niet-eigen kinderen. Stief betekent beroofd, iets missend.
Zo is een stiefkind dus oorspronkelijk een kind dat van een van zijn ouders beroofd is.
De stiefmoeder heeft door de eeuwen heen een slechte reputatie opgebouwd en staat bekend als een liefdeloze vrouw die de door haar man meegebrachte kinderen slecht behandelt en voortdurend benadeelt ten opzichte van haar eigen kinderen.





Ak ’t good heb wodt noe a weer zo’n 10 joar in Nederland het Halloween gebeurn promoot.
Het is eind oktober dus wordt het weer tied veurn nen gezellig feestje.
Een Halloweenparty! Yeah….En ie maaijt d’ r allenig mear hen ai’j oetdost bint um
aandern noar de andere wearld te helpn oftewel “Dress to kill”.
Waorum noe nen Amerikaans feest importeern? En waorum mow hier dan weer Engelse weur
veur gebroekn? Zo as “Halloween Party” en “Dress to Kill”?
Ai’j dan zoneudig feesten mot in oktober, bedeank dan un origineel Tweansfeest, dus gin geïmporteerd oktoberfeest of Halloween party, mear bievuurbeeld een Knollntrekkersfeest met echte knoln. Ai’j dan genog hebt had, hej de knoln op! Of wat dach ie van nen Maiskoelnmöalke waor iedereen wat te ettn en dreenkn metneampt en waor j oe dan könt bezatn an het echte Tweantse bokbeer. Ideeën genog, stop dus met dat klakkeloos importeern van boetnlaandse gebroekn en bedeank zölf wat origineels Tweants.
Ik begriep ok wa dat dit bie de keender anslöt. Dee wilt niks leewer as zich verkleedn en dat griezeln doar haolt ze ok wa van en dan maij’t ze ok nog in’t duuster de stroat op.
Zwarte Piet is rechtevoort verboodn daorveur in de plaats he’w dan noe halloween met bebloode gezicht’n moordwaapns en ofgehakte aarms of been. ’t Is maer wa’j de keender ’t leefst veurschöttelt.

[GerritHondelink]

Eén ’t lech in de oogn nich gunnen.
Iemand niets gunnen.
Als je iemand zelfs niet gunt dat hij het daglicht ziet, gun je hem wel heel weinig.




'n Oald wief en ne oale koo
Kö'j broeken tot het èène too.
Mer nen oalen keerl en ’n oald peerd
Bunt de stèè (= plaats) neet weerd.

[GerritHondelink]

Kuutn an de been as molenstenen en billen an ’t gat as nen waagnrad.
Een ironisch rijmpje op een fors gebouwd meisje of vrouw.





Keenderveske

'nen Doezendpoot
oet Bookel
en 'ne bromvleeg
oet de Lut',
dee gung'n te hoop'
hen daansen,
meer ze ha'n stiewe but'.
De bromvleeg was
an 't nöster'n:
i-j trapt mi-j op de veut',
'n doezendpoot zèè:
't zal wa,
want ik heb zovol peut'.

Hennik van ‘n Scheenken

[GerritHondelink]

A’j ‘n leeuwerik ’t land laot mesten, bunt oene kwekken gauw de besten.
Als je de leeuwerik het land laat bemesten, is je kweekgröas vlug het beste.
Wie zijn land niet goed bewerkt, krijgt veel last van het lastige onkruid kweekgras





De heer B. Botje
Een oproep voor de heer B. Botje, varende met zijn schip richting Zuidlaren.
De heer Botje wordt verzocht contact op te nemen met de ANWB -alarmcentrale, nummer 1234567.
Zijn familie in Amerika vraagt zich of waar hij blijft.
H. Finkers

[GerritHondelink]

Dan zal em nen lilken woarm ofgoan.
Dan zal hij een lelijke worm kwijtraken, dan zal hij veel moeilijkheden krijgen.
Onaangenaams ondervinden. Een bittere teleurstelling.






'N OLDENZELSEN STEEN
Den dikken steen in Oldenzel,
dee mog ie nooit vergetten .
want daorop hebt jongs en wichterkes
ere bokskes glad versletten
Mangs leupen ze an mie veur bie,
meer keerden gouw ere been ....
um nog eenmaol erop te klaeien,
jao te glieden van den steen .
Er is altied leaven urn mie too,
gefluit, gezang van ’t keenderkaor
vol hunde vangt er um mie roond,
ik lig nooit allenig daor
's Maondags is 't ook drok um mie,
dan is 't markt, völop vergaank
ik mag hier noe zo geerne liggen,
waor ik heel Oldenzel veur daank
Leu, laot mie toch liggen hier,
dit is 't mooiste wat ik zeg .
dan hebt oe keendskeender ook plezeer,
daorum, slept mie toch nooit meer weg.
E Bos- Hermelink

[GerritHondelink]

Das nen naegel an mien doodkist.
Iemand veel moeilijkheden bezorgen, voortdurend veel last veroorzaken.
Die ellendige persoon of die vervelende situatie zal nog eens mijn dood worden of zal mijn dood in ieder geval versnellen.
Dat ergert mij verschrikkelijk zit mij voortdurend dwars.






Oole-wieven-leedjen :
Doew ik joonk was
En gezoond was,
Wat ne mooie meid was ik doew.
'k Harre 'n hoog jak
En 'n leeg jak
En 'n striksken op d'n schoo.
Doew 'k etrouwd was
En versjouwd was
Wat ne slodderfokse worn ik doew,
Met d'n elleboam duur de mouwe
En de teene duur d'n schoo.

[GerritHondelink]

Altied meer,is nooit genog.
Aan de hebzucht zijn geen grenzen gesteld.





'T KON BETTER.
As alle leu is deedn zoo as ze mossen
Dan wadd'n der völle nare dinge op te lossen.
As ze zik met meka is better konn verstoan
Kon't in de wearld heel wat better goan.
Dan veuln der op eerd, umsgeliek meender doojn
En zoln der mischien, vol meansen nich zoo knoojn,
Met eer gezoondheid en met eer stil verdreet
Dat zint de dinge, dee'j vaak met blote oog nich zeet.
Want doo'w oons zölm nich vaak nen hoop te kot
Met al dat grei dat zee dan neumt genot?
As'n ofgoonst nich zoo groot was biej de meansken
En alns nich aalt veur zik allennig weansken.
En moch de zun ook ieder bod nich schienn
Toch zol ze nooit meer oet oons hett verdwienn
Meer ja zoolang jeloersigheid nog blif bestoan
Is't met het better woddn, wis nog niks gedoan
Want dat is in oons meansdom'n groot vergif
Hoowal dit een van oonze grootste zunden blif.
M. Hagreis -Post

[Arie]

Vandaag 11 november 2015 Sint Maarten:

Zowel in Gelderland als in Overijssel wordt hier en daar Sint-Maarten gevierd. In de Achterhoek kent men eigen sint-maartensliederen. Vrij algemeen in deze regio is Vandaag is 't Sunte-Marten, in dialect. Ook op de Veluwe bestaan sint-maartensliedjes in dialect. Sonde sonde marten is een variatie op het bekende Sint-Maarten. Een lied dat in Hattem werd gezongen, is:
Sinte Marten keugeltien
Met zien ronde reugeltien
Met zien ronde rökkien an
Daor kumpt Sinte Marten an
Sinte Marten is zo koldGeef 'm een stukkie vuur of holt
Dan kan hij zich waarmen
Mit zien blakke daarmen
Hier woont nog een rieke man
Die zo veule geven kan
Veule zal hij geven
Lange zal hij leven
Honderd jaor en iene dag
Dan wordt hij noar 't kerkhof ebracht
Op een boerenwagenWordt hij weggedragen.
bron: https://nl.wikipedia.org/wiki/Sint-maartensliedje

[GerritHondelink]

Veur gek en onwies tekeer goan.
Voor gek en onwijs tekeer gaan. Ongeremd tekeer gaan.





Waor blif de tied
A-j in berre de ogen lösdoet
En de morgen oe wazig begroet
Kump d'r gelukkig weer een nieuwe dag
Wao-j met beginnen mag
Ie kiekt um oe henne, ie zeet 'm neet
De nacht is veurbie, waor blif de tied
Met mekaere 's monn's an de stoete
Dan, an de delle of naor boeten
Um twaalf uur veur het warme etten
Want de middag is zo versletten
Ie kiekt um oe henne, ie zeet 'm neet
De morgen veurbie, waor blif de tied
‘s Aovonds, as 't wark is an de kaante
Kiek wie naor tv of in de kraante
Dan is 't al gauw weer beddegaonstied
Dreumen en slaopen ie wet het neet
le kiekt um oe henne, ie zeet 'in neet
Jaoren vliegen vot, waor blif de tied
A -j de rouw in de kraante zee staon,
Herinnert dat an 't tiedelijk bestaon
Dan denk ie effen en prakkizeer ie
Hoveulle tied heb ik nog veur mie
Ie kiekt um oe henne, ie zeet 'm neet
Nog een hutje te gaon en uut is de tied

Hendrik Weenink, Barchem.

[GerritHondelink]

Deur de haam motten kieken.
Door de haam moeten kijken.
Hard moeten werken. De uitdrukking is ontleend aan het paardehaam; het leren of houten juk om de hals van een trekpaard.
In ’n Achterhook en Twente trokken vrogger de meeste peerde de stötkaor in den haam.





Hoe voelt u zich nu?
Nou dokter, ik heb nogal last van drijven.
- Hoe bedoelt u, drijven?
- Nou, gewoon, drijven.
- Bedoelt u overdrijven, wegdrijven of afdrijven?
- Nee, niet speciaal... gewoon, drijven.
- U heeft dus nogal last van... drijven?
- Ja, van drijven.
- Ik zal u zinkzalf geven.
Herman Finkers

[GerritHondelink]

Wa’j kriegt, hoof ie nich te koopn.
Wat men krijgt hoeft men niet te kopen.
Dit gezegde wordt gebruikt, wanneer men iets cadeau krijgt.






MOOIEN BARG.
Mooien barg, 'k zee oe van veere, ak zo kieke oaver 't laand.
En woer ik mien ooge ok keere, zee'k de huuskes an oewn raand.
Wat heb ik toch vake elopen, duur de steege op oe an.
Tussen böskes en de rogge, met de mooie oaren der an.
Wat heb ik toch vake edwöllen, oaver 't mooie greune mos.
En de vogels heuren fluiten, in oew prachtig mooie bos.
Ak doar zatte op 'n baanke, stille te kieken vuur mi'j uut.
Heurn ik uut oewe deepten, 'n prachtig mooi en vol geluud.
Mooie vogels in de böme, zungen steeds, 't klunk aaltied voort.
Wind en böme maken 't samen, tot een prachtig vol accoord.
Kleine kniene gungen spöllend, met mekaar de heide duur.
Paddestöle, mos en bloomen, gaven oe 'n mooie kluur.
Mooien barg, de’j espaord makt blieven, vuur oewn doodvijand:
het vuur: zodewe nog lange kunt genieten, van oew prachtige natuur.
Jannöken

[GerritHondelink]

At ’t nich kan zo as ’t mot, dan mot ’t maer zo as ’t kan.
Men moet handelen naar bevind van zaken.




’t MLIEU
Mensen, och, wat doo'w toch,
waorumme make wiej alles dood?
Wat zo geerne wil greuien en bleuien,
langs 'n barm en in 'n sloot?
Wilgenkatjes, daor mu'w naor zeuken,
och wiej weet neet wat we doot.
Lao'w toch ok nog wat struuken laoten,
's Harfs bint die bessen zo mooi rood.
Laot det kleine bosviooltje,
toch 't heufdke dreejen naor de zunne.
leder kreeg in de wereld zien plaatse,
laot die blömpkes, toch het hunne.
Zeet is wat een mooi gezichte,
det peerd steet onder 'n boom te dreunen.
Kiek, die tientallen blömkes in de barmen,
och, 't is te voile um op te neumen.
Lao'w toch ophool'n met gooien,
met det zoolt en det vergif.
Zodet ter nog een betjen moois,
umn naor te kieken, oaver blif.
Jannöken

[GerritHondelink]

N’n zeekte oploopn. Besmet worden.
Nen opgeloopn hals. Dikke keel.
Snorrebutje = 2 gaatjes in een bot, daar door een touw, dat ineen gedraaid wordt en bij het weer aantrekken hoort
men dan een snorrend geluid.







(1) Oons opa is zesntachtig joar wönn. Het is aait ne grootn sterkn kearl wes. `Zo steark als oale botter' zeer e aait zölf.
Ik zee ne nog vaak veur mie, hoe e door zat met zien piepke en 't grieze hoar. Twee moal, mangs wa dree moal in de wek, gun¬ge noar kapper Snijders. Efkes langsn barbier zeer opa dan. Dat noarn kapper goan was 'n kompleet uitje veur 'm. Asse dan wier kwam, wusse hoarfien, wat t'r zoal te doon was wes in Boorn, want rekken drop dat t'r vrooger (en nog wa) wat of woddn lult in den scheerstool.
Dat zal wa nich allenig in Boorn wean, meer auweral woar kappers bint.
Meer ik wolt auwer oons opa hemmn en door wok van zeggn dat e ne echtn opa was veur oons kleankiender.
Hee kon vol feeln, wornn nich gauw hellig en har aait wa iets te doon aj oe veveeln. Hee hef mie leert ne plof te maakn,
deer mie veur hoekn snorrebutje in mekaa mos zettn, maakn knikker¬plaankn, kattnpultn en dreijn oe 'n drödje um de kloomp asse bie’t voetballn kepot was goan.

Oet Uske fuske stroo . . . van Karel Olthuis

[GerritHondelink]

Kraante mist? Ankomnden zoaterdag besteet n Kreenk vuur de Twentse Sproake 40 joar. Felisiteerd!

[GerritHondelink]

Ze had een kleur as nen leggend henneke.
Gezegd van een vrouw met een flinke blos op de wangen.




(2) Kepotte kloomp haj zowat iedern dag, veural aj teegn Herman van de Mop mossn voetballn.
Den kon zo sekuur schoppn, datte oe net de kap van de kloomp d'r of trapn. Zo gunge de teegnpetie
stuk veur stuk te lief. Opt lest zat zowat allman met ne kepottn kloomp, konn'n dan nig meer voetballn
en de klup van Herman hat wönn.
Noe good ie könt oe veurstelln, da'k nog wa mangs met zunn kepottn kloomp bie oons opa stun.
Hee was aait geneegn oen kloomp te maakn, a’j meer nich zeern daj ne biet voetballn ke-pot haddn kreegn.
Nee, oons opa mos niks van’t voetballn hemmn. Watte door teegn har week nich, meer hee maakn
oe de kloomp nich, asse biet voetballn kepot wann goan. Ie könt met oenn kloomp wier kommn zeerre aait
as ie um bien aander opn kop kepot houwt.
'n vrömne tekst har den man toch . . meer ik gleuw datte dat nog serieus meann ok en dus zeern wie meer aait dauwn kloomp bienn aander opn kop kepot haddn houwn.
Oet Uske fuske stroo . . . van Karel Olthuis

[GerritHondelink]

Ie mot ’t huusken biej de schure laoten.
Je moet alles wel in de juiste proporties zien.





(3)Wie haddn vrooger ginne discotheek of ne muziektoorn, meer wie haddn 't kleigat en Polsienfabriek. Soams in hoes deern wie spelletjes en as oons opa dan met deer . . noe dan wast feest. Meer een ding konne nooit hemmn . . dat was of¬telln . . ie kent dat wa . . zo van, iet wied waait weg. (a’j d'r rap of wolln wean). Meer mangs deern wie ook van . .
Uske fuske stroo,
wee stienkt hier zo
dat dut den oaln griezn man
den hier zo lekker stienken kan . .
Kiek as oons opa dan met deer . . dan mean ne aait daj met den oalen griezn man hem bedoeln . . en dan worm ne aait warachtig metwillig . . en spölln nich meer met . . warachtig woar. Want noe muk t'r drek bie vetelln . . oons opa kon onwies stienkn . . as den ne wiend leut . . wönnt oe zeut op de tong en mos ie eerstn paa moal sloekn veurdaj wieder konn. Kiek en auwer dee produktie van opa . . was aait nog wa völ zeg . . en dus mean ne daj t’r extra um deern.

Oet Uske fuske stroo . . . van Karel Olthuis

[GerritHondelink]

Kaarten Kreenkjubileum + steal goodkoop jubileumbook Nen Heeln Tied
• Jubileumoawend zoaterdag in ’t Park in Riessen, 19.30 uur. Kaarten bestellen biej penningmeaster Harry Groener: 10 euro per persoon oavermaken op nummer NL20 RABO 0148 5847 80 o.v.v. Feestoavend 40 joar Kreenk.

• Jubileumbook Nen heel tied gratis vuur de leden dee 25 euro per joar betaalt. Nit gratis vuur Bodbreef-abonnees (betaalt € 16,50 per joar). Wal goodkoop ankommen zoaterdag: 5 euro. Noa een zoaterdag € 6,95. Steun iej oons alsnog met oew lidmaatschap, dan krieg iej het jubileumbook toch gratis. Bellen of mailen noar Kreenksecretaresse Alie van der Veer Geugies, tel. 074-2911090, e-mail avanderveer@twenteakademie.nl

[GerritHondelink]

't Was em (naar) aower de haand. Het stond hem niet aan.
Het was zijn eer te na. Als iets je eer te na is zul je of maatregelen nemen om te laten zien dat je het beter kunt of iets helemaal niet willen doen omdat het beneden je waardigheid acht.
Te na betekent het noodzakelijke respect wordt niet betoond.




Leaven
't Leaven geet oew as n'n schim veurbiej.
Neet allennig veur oeleu, mar ok veur miej.
't Leaven is aaltied völ te kot.
Det maark iej pas, aj zölvens oalder wodt.
't Leaven, woaran iej as keend begeent
Vlög hen, n'n zoch, geliek de weend.
't Is good, daj as klean keend nog neet weet,
Wat oe as grootn in 't leaven te wochn steet.
Met 't oalder woddn, kiek iej terugge op oen leaven.
Deenk iej mangs, wat duurn dat toch mar eaven.
Wat zeent dee joarn rap veurbiej e goane,
Wat he'k eignluk met mien leaven e doane?
'k Vreug miej of, wat'k dr biej zol winn'n
As'k dat leaven weer opniej zol könn’n beginn'n.
Noa efkes dach ik neu, 't hoof ok neet meer veur miej.
'k Heb völle met e maakt, 't is good e wes,
bin oondaanks alns bliej.

Oonzen Harman