Enschede-Stad.nl

't Zit em doar in de poste (in het gebinte).
Men bedoelt dan het ongeluk dat steeds die ene familie treft,
de doem (oordeel/vloek) die over dat huis schijnt te liggen en die zich niet laat verdrijven.






’t Jager met de hoond
zwaerft noe wier in ’t roond
Vuur haaz’n gef dat ja gin wil
krig nen schot hagel in de bil.

't Is na an de pries.
Het is behoorlijk duur.




Dreumen...
dat der gin oorlog meer is, gin haat en afguns zonder rede,
dat der gin geweld meer is, maor aoveral op aarde vrede.
Dreumen...
dat der gin honger meer is, gin vluchtelingen as skeletten,
dat der gin armoe meer is, maor elk een huus en zat te etten.
Dreumen...
dat der gin ziekte meer is, kwaolen die niet könt genaezen,
dat der gin verdriet meer is, maor elk nao hart en lief genaezen.
Dreumen...
dat het gin dreumen meer is, gin spinsel van mooie gedachten,
dat het waorheid eworden is. God hoe lange mo'w daorop nog wachten?
J. Hendriksen

Ze hebt de melk optrokken.
Gedane beloften niet nakomen. Wanneer iemand zich terugtrok,
ergens maar liever van af zag, zijn plannen bij nader inzien liet varen, omdat hij over te weinig moed of lef beschikte.....
of Hee trök nen kötel wear in.




Ik vind, zei een dame in Lauwe,
dat paters niet horen te trouwen.
Ik vind dat het kan,
beweerde haar man,
wanneer ze maar van elkaar houwen.




An vol beum zit a wier gel blad,´t zommer heb wi´j a wier had

Van Harry Groener keump bericht det een Hubertesdienst nit moarn is mer zöandag 8 november om 10.30 uur in de R.K. keark van Beckum. Vuurganger in het dialectis nog altied Anne Kramer. Nöadere inlichtingen biej Kreenkpenningmeaster Harry Groener, famgroener@hotmail.com

Streektaalconsulent Harry Nijhuis meeldt nog mear spirituele activiteiten moarn in De Lut. Kieken op www.cultuurtocht.nl

Het is em bi de ribben oploopn.
Zwaar tegengevallen.




Keenderveske
'nen Doezendpoot
oet Bookel
en 'ne bromvleeg
oet de Lut',
dee gung'n to hoop'
hen daansen,
meer ze ha'n stiewe but'.
De bromvleeg was
an 't nöster'n:
i-j trapt mi-j op de veut',
'n doezendpoot zèè:
't zal wa,
want ik heb zovol peut'.
Hennik van ’n Scheenken

Een spinnend wief en een leggende henne hebt gin tied um te kaekeln.
Wie druk is, heeft geen tijd voor babbeltjes.




GROOTVA (1)
Grootva was de vrouw ofstörven,
Hee was non biej de keender in.
Hadden eer possie al e örven:
't Geeld, 't gooldwerk, kopper, tin.
Allenig bliemn kon e ook nich
Vunn'n de keender, en daorum
Woll'n ze non dan veur hem zorgen,
Non hee zo allene stun.
Eers is all'ns wa aarig good gaon,
Grootva was nog redeluk kras.
Kon met 't weark eer nog wa biejstaon;
Later wör eer 'n luk tot las.
Leu dan mangs wal is wat klettern,
'n Teelder of nen koffiekom.
En de keender mer an 't schettern:
Grootva, wat doo'j toch wier dom.

Hoo langer a’j biej mekare bunt, hoo meer ie ’t tikken van de klokke gaot heuren.



GROOTVA (2)
Of zat te slatern en te soppen
Met zien etten, elken dag.
d' Keender konn'n dit nich verkroppen,
Hadden zik wat oet edach:
As dat grootva in 't vervolg meer,
Etten mos oet nen hoolten nap.
Aanders ha'j toch ieder bod weer
Dat gesop met brood en pap.
Was non d' ettenstied an ebrökken,
iedereen an taofel zat,
Gemeudeluk in de grote kökken,
Zat grootva daor zo stil ampart.
Dat is zo 'n zetje good gaon,
Tot ook kwam veur hem de dag.
Grootva har zien' ogen toodaon;
De keender hebt hem vot ebrach.







Al heb ie ok ne jas met kneupe van gold. At ie niks an de veut hebt, dan hoal ie ’t koald.

'n Wief kan meer oetdraegen met nen leppel, as nen keerl indraegen met 'n scheppel. ’n Wief kan in de slippe meer ’t hoes oet dreagn as de man met veer peere kan inbrengn. De vrouw kan met de schort meer het huis uitdragen als de man met vier paarden er in kan brengen




GROOTVA (3)
'n Tiedje later zat zien kleankeend,
Op de baanke tegen 't hoes,
Met 'n blökske hoolt te prutsen;
't Was zo stille as nen moes.
Mooder kwam is stiekum kieken
Wat of hee daor toch wa dee.
Mer 'n jongen leu niks blieken,
En zien mes dat snee en snee.
Niejplichtig vreug ze doo de zönne,
Wat hee daor terechte knooit.
En hee antwoordt met nen glimlach:
Och dat rao's dow wisse nooit.
Mer dan zeg hee tot zien mooder:
Ik maak veur diej en veur de Va
'n Paar mooie hölten nappen.
Dan kön iejleu met meka....,
A'j zo oold bint as oonz' Grootva,
Hieroet etten owen pap.
Brek iej ook genn' kom of teelder;
Grootva har net zonnen nap.
M. Hagreis-Post

GerritHondelink schreef:D’r zit roep’n op ’t moos. Er zitten rupsen op de boerenkool.
Hee is zo dol op ’t geld as de roepe op ’t moosblad. Hij is zo tuk op geld als een rups op het boerenkoolblad.
MOOSBALGEN. Mensen die veel boerenkool eten. Oude bijnaam voor de bewoners van Usselo.





Oold Wèèn (2)
Ne zuster pakt urn hennig biej de haand,
breg um naar ziene kamer, naar zienn stool.
oar zitte wat onzeker vuur zich oet te kiekn,
hi j 's aaltied bezig met dat zelfde dool.
Now zitte biej het raam, met de oogen dichte,
en misschien dreumt 'e wal, van ziene oale stee,
van ziene kind ' re, van die oale buurte,
van 't berre, woer 't e naast de vrouwe lee.
Of dreumt 'e misschien van de oawerkante
en spolt d'r eeuwigheidsgedachen duur zin heufd.
Gen troane mér, en gen verdreet, gen zeerte,
God heft beloafd, door heffe in geleufd.
Mangs zowwe wal es geerne willen weten,
wet d'r in de oale leu toch umme geet
't Geloof dat heul d'r völle oaverende,
want dat is iets, dat aaltied vaste steet.
Oet weinig weure Jannes Slot.

Over de Osseler moosbalgen zie ook Twentse Taalbank van 1963 op: http://www.twentsetaalbank.nl/docs/Abec ... R150TT.pdf

Hee löp as ne haanen met stront tussen de teenen.
Gezegd van iemand die nogal verwaand voorbij komt lopen.


Nen oonderwiezer zear tot een van ziene leerlingn: "Jan, zegt ’t miej es: a-k oew de keus loat tuske nen halvn sinaasappel of acht-zes tiendn. Wat zö-j nemn?"
"Dat maaktn miej niks oet." "Dat he-j good zegd."
Meer hee zag dat ne aandere jong 't der nich met eens was.
"He-j der wat op an te mearkn, Meriens? Zo-j wiln zegn dat Jan der noast zat?
Iej zoln lewer 't een of 't aander nemn?"
"Joa zeker, meneer", zeer 'n snaak, "ik geleuf nich dat 't 't zölfde is.
Ik heb vol leewer nen halvn sinaasappel." "En woarum dan wa?"
"Kiek, meneer, 't is wa dudelijk da-j deur 'n sinaasappel in zesteen stuk te sniedn,
minstens dreekwart van 't sap verspölt..."

Pochen, blauwvaarven en in de boks doon dat kan alman! Of Pochen ende boks besopn is gin keunst.
Iemand die graag opschept, wordt met deze zegswijzen tot eenvoud gemaand.
Het kan gin poch hebben of het kan gin pochen lieden. Als iets niet best is.
Der is gin poch op, is dat een duidelijke afkeuring. Er zijn dan juist veel klachten
'n grotsten poch is der wal of. Als iemand in ongenade is gevallen





Nen graaf, dee vol geald mer weinig verstaand har löt in zien kas¬teel ne nieje kapel maakn.
Hee wol de muurn van dizze kapel met mooie veurstellingn loatn versiern en nöagn nen jongn keunstschil¬der
oet um dat te doon.
"Wi-j op dizze muur de Tocht deur de Rode Zee schildern?" Zoas zegd, 'n graaf was schatriek mer hee wol 'n schilder nich vol geald gèmn en wat hee beud was zo belachelijk leag dat 'n keunste¬naar beslöt em te pakn te nemn.
Hee schildern de boavenste helft van de muur blauw en de oonderste helft rood.
'n Dag doarnoa leet hee 'n graaf al wetn dat 't schilderiej of was.
Disn was der wa luk verwoonderd oawer, mer hee begaf zik rap noar de kapel um't weark te bekiekn.
Dat gaf nen schrik! Hee bemearktn natuurlijk dat 'n schilder em te pakn har nömn.
Mer den zeer; "Iej woldn toch de tocht deur de Rode Zee hemn?"
"Joa. zeker", zeer n aander, "mer woar bint dan de Isralietn van Mozes?"
"Ze zint juust de zee deurtrokkn."
"Mer woar bint de Egyptenaarn dan?"
"Dee bint zoa schrokkn van 't geald da-j miej wilt betaaln dat ze almoal verdrunkn bint..."

Hee hef de oorn kot an de kop zitn
Hij is licht geraakt;




Kottens - kortelings, onlangs, laatst.
Kottens har ze um nich völ hop geven, mer dat har ze wisse nich zo meend. Onlangs had zij hem niet veel hoop gegeven, maar dat had ze zeker niet zo bedoeld.
Kottens - sinds enige tijd.
‘t is jao woar, dat kottens 'n hoop Twenter volk nig zoo recht meer kan kuiern in de Twenter sproak.
Het is immers waar, dat sinds enige tijd een groot aantal Twentenaren niet meer zo goed in een Twents dialect kunnen praten.
Kott’ns - onlangs, kortgeleden.
Hee is kott’ns nog hier wes. Hij is onlangs, kort geleden nog hier geweest.
Kott’n - korte tijd.
't Is meer nen kott’n zet.'t Is maar een korte tijd.

Prakkezearn mo'j an 'n peard oaverloatn; dat hef 'n kop grötter..
Piekeren helpt niet...





BMW (1)
A ‘j met pensioen gaot, dan heur iej nog wal 's, da-j op mot passen um neet in 'n zwart gat te vallen. No ik al 'n paar jaor met pensioen bunne, kan ik zeggen, dat ik daor gin last van heb ehad.
lk hadde miene hobbyschure, daor kon ik miej met de cirkelzage, de boormachine, de dreijbanke
en al dat ande¬re gereedschap alderbastens good vermaken. Miene vrouwe mos miej vake oet de schure halen veur 't meddagaeten of veur de koffie.
En daor kump nog biej dat de meesten van onze kennissen wal wet da-k meer as veertig jaor in de Pruse heb ewarkt. En dat de Prusense taal veur miej geen probleem is. En as d'r dan 's ene wat hadde met Duuts, dan wisten ze wal dat ze biej miej terechte konnen. No denk ik, dat zo langzamerhand d'r al völle leu bunt, dee dat wet. Mond op mond reclame dat warkt.
In Wenters hebt wiej ene zogenaamde vriejetiedsmarkt an de weg van Wenters naor Aalten.
Daor kö-j van alles kopen wat met vakantie en recreatie te maken hef. Van luchtbedde tot sleurhutte en alles wat daor tussen in zit, hebt ze daor. En den vriejetiedsmarkt holdt ieder jaor 'n promotiebeurs in de wekke nao de kastdagen.

Nen jongen hoond en ’n klean kind kö’j nog wat learen.
Een jonge hond en een klein kind kun je nog wat leren.





BMW (2)
Zee neudigt dan ok andere toeristische bedrieven oet umme in de grote hallen van den vriejetieds-markt wat van eure eigene bedrieve te vertellen. Zo bunt d'r dan campings, B+B-anbeders,'n ligfietsenwinkel en meer van dee ondernemmingen deet van de gasten en Achterhookbezeukers mot hebben.
Helemaol normaal is natuurlijk dat den vriejetiedsmarkt d'rop let, dat de bedrieve neet in 't zelfde vaarwater zit te vissen as zee zelf. 't Mot mekare verdraegen. De V.V.V. van Wenters steet d'r dan ok altied met 'n kraömken umme Wenters in 't algemeen an te priezen. Biej de V.V.V. wet ze ok, dat ik met de Duutse spraoke gin meujte hebbe en zee wet ok, dat d'r op dee beurs völle Duutse leu op af komt. Daorumme hebt ze miej evraogd enen dag in den V.V.V.-kraom te gaon staon, samen met nog 'n anderen vriejwilliger, en Wenters biej de geïnteresseerde gasten an te priezen.
Dat was mooi leuk wark en van alle soorten leu kwammen langes, platpraoters, ABNpraoters
en ok heel völle Duutsers. Dee nammen van alle folders met dee wiej genog in veurraod hadden en dee oet estald laggen in den kraom. En as ze wat vrogen ovver bepaalde dinge van Wenters, dan konnen wiej ze meestal wal de neudige informatie gevven.

Nen kop as ne boll’n hebben.
Een hoofd als een stier hebben.
Een rood aangelopen hoofd hebben.




BMW (3)
Dat ging good tot zo ongeveer 's meddags dree uur. Ton kwam d'r ene, den snuffelen in alle folders, bekeek ze, leggen ze weer terugge op den stapel, ging twee meter naor links, bekeek de folders dee daor laggen, leggen ok dee weer terugge, ging weer dree meter naor rechts en datzelfde spelleken begon weer van veuren af an.
Nao zonne tien minuten tussen alle folders eschommeld te hebben, zei hee: "Wat iej hier an folders hebt liggen is allemaole al old en ken ik al. Van Wenters of den Achterhook is d'r niks
neejs biej." Ton vroog ik `m: "Ik geleuve dat iej Wenters wal aardig kent, kom iej hier oet de buurte?" lk hadde an ziene oetspraok al wal eheurd dat e oet 't westen van 't land mos kommen, zo'n hooghartig Hagenees accent.
Hee zei: "Nee, ik kom oet Den Haag." Daorop vroog ik `m: "Ken iej Den Haag net zo good as Wenters of den Achterhook?" "Denk 't wal", zei hee. Ton vroog ik `m: "Heb iej al wal 's ezene, dat alle dee ministers in Den Haag zich met dure auto's laot rondrieden as ze argens hen mot en dat dat meestens BMW's bunt?" "Oh jao, is dat zo?," zei hee weer, "heb ik nooit zo op elet." Ikke weer: "Jao, dat is zo en wet iej waorumme dat ze met BMW's riedt, dat steet veur Bliej Met Wenters. "Hee keek miej met grote ogen an, zei niks meer en leep wieter. Hef wal edacht dat ik neet good wies was.
Ach jao, dat hooghartige Hagenese taaltjen heb ik maor naor `t plat ovver ezat, anders zol 't maor zo können, dat iej d'r niks van begriepen könt.
Oet de Moespot
Gerrit Tiggeloven dialect van Wenters

Iemand aower ’t vesje strieken. Iemand prijzen.
Fleenk wat achter ’t vesje hebn. Zware borsten hebben.





Oons leavn is net ne dreajmöl, bestemd veur iedereen.
Zoargt doarum aait veur kunnigheid ie stoat dan nooit alleen.
Want foam dee vleegt zo rap veurbiej.oons leavn is völs te kort.
A'j vieftig wödt...dan meark ie a, da'j hier en doar ‘n luk oalder wordt.
Vergett op tied oene zörge,too.. zitt nig aait te treurn.
Want ach gin meanske weet wat monn weer kan gebeurn.
Vergett biej het opstoan smons, toch nooit oenn gulp lach.
Zingt of en too is een leedje..as het kan doot ' t elken dag!
Al heb ie het mangs ok meujlik en dut het oe eargns ok zeer.
Probeert dan toch te vergetn, misschien geet het monn wa weer.
Mer wat ter ok gebeurn mag ik geew oeleu dissn road..
Hoald aait as 't kan de mood ter in dan krie'j het nig rap te kwoad..!

Efkes op ’t ene knee.
Even op de ene knie. Even uitrusten, pauzeren.




Dankensweerd
De Luukes stonnen bie de karke,
’t Was op ’t dankuur veur ’t gewas;
Ze kostern nog wat hen, umdat ‘t
Nog an de vrogge kante was.
Ze wazzen druk met reddenaosie's,
Ze wissen aoveral wat van;
Toon Tönnus ston 'n endjen wieter,
Den zei gien woord maor heuren 't an..
De luukes zeien ums te beurte,
Hoe goed 't jaor weer was ewes;
Zovölle rogge, haver, weite,
Zovölle heuj, en heupe gres.
En eerpels, mangels, wottels, knollen,
'n Boel voerazie veur 't vee,
Nee, had 't soms ok slech elekken
A'j trugge kekken viel 't mee.
Jao jao, ze meug tevrae waezen,
Daorbie: de vrae is weer ekeerd:
A'j alles met mekare rekkend,
Is 't meer as goed, is 't dankensweerd.
...Dan tast d'r ene in de tesse,..
En nao wat krabb'len en gewuul..
Dan:...'Klaos...zeg...wisselt mien 'n kwatjen,
'k Hebbe niks gien centen veur de buul'.
De klokke luudt. Toon Tönnus mompelt,
Met dat e stil nao binnen geet:...
'Foj...völle raeden um te danken...
En dan 'n cent...dat mos toch neet'.
Hans Keuper

Kloar in 't hoes en kloar op 't lief, Da's d'n besten proonk (= sieraad) van 't wief[/b]





Um disse tied van 't jaor begint de daagn al flink korter te wodden.
Veur de boeren wodt de daagn ok korter en ze begint noe 't vespern aower te slaon.
Aeven deur doon en dan de beest melken.
Dan kunt ze nao de tied wal etten. 's Aovends en ’s morgens dan hangt d'r meestal wa zo'n daamp aower de wei. Wat vaak 'n teken is dat 't nog mooi weer blif.
Disse tied is ok 'n tied um aeven in d'n aom te scheten. De eerpel bunt d'r noe oet en de knollen hooft nog nich plukt te wodden. Noe he’j dus aeven tied um op één knee te gaon zitten en de wearld an oe veurbie te zeen trekken.

A’j ‘n leeuwerik ’t land laot mesten, bunt oene kwekken gauw de besten.
Als je de leeuwerik het land laat bemesten, is je kweekgröas vlug het beste.
Wie zijn land niet goed bewerkt, krijgt veel last van het lastige onkruid kweekgras






De heer B. Botje
Een oproep voor de heer B. Botje, varende met zijn schip richting Zuidlaren.
De heer Botje wordt verzocht contact op te nemen met de ANWB -alarmcentrale, nummer 1234567.
Zijn familie in Amerika vraagt zich of waar hij blijft.
H. Finkers

GerritHondelink schreef:A’j ‘n leeuwerik ’t land laot mesten, bunt oene kwekken gauw de besten.
Als je de leeuwerik het land laat bemesten, is je kweekgröas vlug het beste.
Wie zijn land niet goed bewerkt, krijgt veel last van het lastige onkruid kweekgras






De heer B. Botje
Een oproep voor de heer B. Botje, varende met zijn schip richting Zuidlaren.
De heer Botje wordt verzocht contact op te nemen met de ANWB -alarmcentrale, nummer 1234567.
Zijn familie in Amerika vraagt zich of waar hij blijft.
H. Finkers

Tekst van het liedje Berend Botje, te vinden op: https://nl.wikipedia.org/wiki/Berend_Bo ... _uit_varen