Spreek je dialect

[GerritHondelink]

A'j 't eerste knoopsgat mist, krieg iej 'n jas scheef an (Begin behoedzaam)
A'j t earste knoopsgat mist, krie'j t buis nich too. Als je in het begin een fout maakt, komt het niet meer goed





Trimn (4)
Een net was nig neudig zee ze, wiej trekt gewoon in de miln nen krietstreep, dan köj
precies zeen wat veur ne kaant of van oew is.
Mer hoo kom wiej dan an pleankskes en'n belke.. ? Woar wil ie dee vot haaln. ? vreug ik !
Gin nood schreewn ze... ie mutt oew aait weetn te behelpn en nig voort met de haan in't
hoar zitn. Neust ’t fenuus hangt de kolnschup doar kön ie mooi met houwn en dan nem ik
de broodplaank doar zit ok nog ‘n haandvat an ook.
O ja en as belke nem wie ‘j nen mooin roondn siepel... het spul kon beginn. Een keteer
later leupn miej de troann langs de wangn en ik zag niks meer...

[Veteraan]

[GerritHondelink]

Joa... joa, proatkes kost niks, mar de botter kost geald!
ironisch gezegde; rustig maar aan, 't kan niet allemaal tegelijk



Trimn (5)
De oogn dee stökn miej onwies. mer Hanna mer angoan... allo houwn en kiek oet nig zo leag.
Dat har ze better eer könn zegn want ‘t was te laat, oonzn hoond kreegn siepel an’n kop.
Voort ne onwieze bekkeriej, kiekt toch better oet zeet den stakkerd doar now is loopn, ie
mutt hoger houwn aans gebeurd ter nog meer oongelukn. Ik reup loaw d'r mer met ophoaldn,
da's miej niks weert zo, mer dat köj oe begriepn ... weer van niejs..!Van helligheid heul ik de
kolnschup met beajde haan vast en how zo onwies hoge dat Hanna gin tied meer har um an de
kaant te springn. 0 heremientied ik dachte dat't hoes te klean wödn ...ze kreeg'n siepel liek
op't rechteroog. Opniej ne "onwieze bekkeriej .... kakdoris kiekt toch oet woar a’j houwt en de
broodplaank vleug miej langs de oorn.

[GerritHondelink]

Ze vrett gearn de köpkes oet de gaarvn.
(Snel het beste of lekkerste weggrijpen.)



Trimn (6)
Mien schoonmoo dee veur scheidsrechter spöln zee voort da'k't ekspres har doan,
now toen was bie miej de boot an. Miene oogn dee wödn eens zo groot in’n kop en wa'k
eer in ene menuut ammoal veur de veut heb smetn dat bink goddaank vergetn en doar
ma'j bliej van wean.
Het hef lang doert veurdat Hanna weer teegn mie’j sprökn hef ... en ze hef miej nig eer
weer leef ankekn as toen ik een wek of wat later veur heur n’n heel niej tennisspul heb
koch in de stad. Doar bi’w noe alle daagn met zien beajde onwies drok met.

[GerritHondelink]

De tied mo'j biej 'n toef griepn, nich biej 't gat!
Laat geen kostbare tijd verloren gaan.





Wat is geluk ?
Toen ik veertig was wo’k neargns an deankn ik veuln miej steark en zovöl maans
Mer noe miej de heur oetvalt dan geet alns'n luk aans !
Geluk in't leaven mo’j mangs hebn dat heur ie zo vake zegn
En a’j d’r dan is oawer wilt proatn kö’j het o zo moeijluk oet goan legn.
Want geluk dat is wa zo wat moois wee wil door nig noar zeukn.. ?
Mer het kan mangs raa verstopt wean in het allerkleanste heukn.
Ie maakt het nig van stoal of hoalt nog van klei ... of’n betje grös
Mer a’j het eenmoal voondn hebt, dan loa’j het nooit meer lös. !

[GerritHondelink]

Den trekt oew gen reepn kepot.
(Lui persoon, wil niet werken)





HET TWENTSCHE PARADIJS

Twente is een paradijs,
Althans 't wordt zoo genaamd.
Toch maakt er elke fabrikant
Een tiran nog wel beschaamd.
Ja, voor den rijken fabrikant,
Die leeft in overvloed,
Hij die van onze arbeid leeft,
Voor hem is Twente goed.
Maar voor het fabrieks-slavenvolk
Verstompt naar lijf en geest,
Is 't al van af hun prilste jeugd,
een ware hel geweest.
Aanschouw des jonglings loomen tred
Het meisje met bleek gezicht.
En, o, dan raadt ge het zeker reeds,
waar zij haar werk verricht.
En is er soms een moedig man,
Die eens de waarheid zegt.
Dan stelt de fabrikant brutaal,
Dien werkman buiten recht.
Is Twente dan een paradijs?
Ja, voor de rijken wel.
Maar voor het arme slavenvolk,
Voor hen is het een hel!
Van Facebook Een Twentsch fabrieksslaaf..1887

[Arie]

Raadsel, wat betekent dit: hee wonnen 'n klootschot wieder.

[Veteraan]

Hij won een extra gooi met klootschieten

[Arie]

Hij won een extra gooi met klootschieten

nee, het betekend: hij woonde een steenworp verder. zie: http://www.twentsetaalbank.nl/docs/TLLS ... OCR150.pdf

[Veteraan]

Dat lijkt nergens op wat ik gokte.

[GerritHondelink]

Hee is zoa drok as de pan op Vasseloamd.
In de katholieke streken wordt de Vastenavond uitbundig gevierd; natuurlijk ook met veel en lekker eten en drinken.




’n Duuster gat
‘k Woon in de stad vief hoog
tusn Hema, Hoog en Droog,
kiek op alns wat mer tied hef,
mer gin van aln de juuste tied gef.
’s Oavnds is ’t hilmoal hopeloos,
dan zee ‘k alleen mer n duuster gat.
Nee, Eanske hef wat dat angeet
zien beste tied wa had.
Bert Alink

[GerritHondelink]

Loat de boern meer döschen.
Wat er ook gebeurt, als de tijd gekomen is, moeten de boeren dorsen. Iemand die de boeren laat dorsen, draait dat om, en trekt zich in tegendeel nergens iets van aan



Nostalgie.
Mien Enske met dien aol’n Bothof
wao ‘k leer’n hoo ’t lêêm was,
met Rietman en Pietje Koers zien genske
van Eerste en Tweede Bothof-dwars.
Waor ik Roestam en Lou Visser heb heur’n sprekke’n
Poepzak de trom heb heur’n slaon
De A.J.C. heb oet zeen trekk’n
De onderkroepers heb zeen gaon …
Van spinneriej Transvaal en van de stangen.
Van Hoog en Dreug en van school Acht.
Fabrieksleu dee de too nog leup’n.
En waor’k heb huult en waor’k heb lacht …
Waor in de cricis van de dettiger jaor’n
dree-veerdel van de maanleu werkloos
en niks te doon hadd’n as op straot staon
met’n taalgebroek zo bar en boos.
Waor ik van acht tot achtteen jaor
veurlichting kreeg van de jongs op straot
Nich aait in de mooiste weur,
meer ik leer’n ‘t verschil tusken good en kwaod.
’t Was ne hadde leerschool in dee jaor’n,
meer ik heb der toch heel völ an had.
’t Hef mie deur ’t lêêmn hen-eholpen.
Ze kreeg’n mie zo gauw nich plat.
Drum blieuw ik mien’n Bothof daank’n.
De jongs en wichter, riep en greun,
‘k Zol ze’n bleumke will’n stuur’n
meer miene middel’n bint beteun….

Van Face book Jan Greve Nijmegen

[GerritHondelink]

Nen potschraper koomp nich inn hemel.
Een hebzuchtige komt niet in de hemel.
Een potschraper is een houten lepel maar ook: iemand, die het onderste uit de kan wil hebben, een hebzuchtige, inhalige.





DEN OALEN ES
Al fietsnd langs Tweantse weeg’n
Nich eens zover bie mie van ‘t huus
Kwam ik zoveul mooie plekk’n teeg’n
Op den Ussel’ Es, doar veul ‘k mie thuus

Mien gedacht’n ging’n weer naor ’t verleen’
De ritkes die ‘k hier met mien va heb maakt
Wie hebt hier toch zo vaak gereen’
Dat alles hef mie toch flink raakt

‘k Kreeg opeens zo’n heimwee noar die tied
En veur efkes weer ’t keend wer’ , dat in zien fantasie
Den blauwen koornbloom’ weer zag stoan
Tussen de steel’n van ’t goldgeel groan

Mer ook de tied stond hier nich stil
Ze boort er noe met zwoar gedril
Zoonder ’t Vleerbös wat te vroag’n
Noar ’t zoalt in aller deepste loag’n

En kats deur dissen oalen Es
Sniedt noe vliemskerp as ‘nen skeermes
‘nen otoweg deur deez’ akkers heen
En skeurt het hellend land in tweeën

Spoar dissen groond, gevormd deur eeuw’n
Blief vot met asfalt, staal en steen
‘k Zoult wa van de daak’n will’n skreeuw’n;
Ofbliem’ met oeleu tengels, want

foto van een es als deze is er maar 1

Van face book Mini Hagels

[GerritHondelink]

Dee teng’n de weend in pist, krig de bokse nat.
Weet goed waar je over praat.



Vanoet ’t bejaordentehoes. (1)
Heb ieleu dat noe ok wal is? Dat alles oe tegen zit? Dat begunt al a’j 's moargns oet ber komt.
le stapt al met 't verkeerde been oet ber. Ja, dat zo’j wal willen! le kunt helemaol nich alleen oet ber kommn. Daor he’j hulp bie neudig. En ie hebt al dree keer de zuster beld. En dan koomp d'r heur stem deur dat kasje an de muur "Ik kom zo bij u, ik ben nog bezig!"
Jao, maor ze weet toch dat ie nog oet’t ber mot en naor de w.c. Ze hebt ok niks gin begrip.
En ze mot oe de boterham nog smeren. Zal ze d'r wal weer völste völ botter op doon.
Ze weet toch da’j daor nich teggen kunt?

[GerritHondelink]

Heanig mer an, kump tied kump ploage.
Rustig aan, komt tijd, komt plaag.
Tijd brengt raad. Maak je niet te druk over dingen die komen gaan, als het zover is zul je raad weten.




Vanoet ’t bejaordentehoes. (2)
En noe mot ik echt neudig naor de w.c. Waor blif ze noe toch? le zult zeen, dan koomp ze zo temet en dan rap rap, de klere an en daor stöf ze weer hen. En wanneer koompt ze mie dan ophalen veur de koffie beneden??? Zal ok wal weer lang duren. Straks is miene plaats weer mooi bezet deur dee ene vrouw, dee altied maor zo ergens geet zitten. Dat kan toch nich, ze weet toch dat ik altied bie de zelfde vrouwleu zit. Noe ja, dan mok maor ergens anders gaon zitten, kan ok wal veur 'n keer.
Maor ik zeg 't eur ok nog nen keer! Wat dech ze wa?

[GerritHondelink]

Dee nig blaoz’n wil mot de lip verbrann‘n.
Beter hard geblazen dan de mond gebrand.
Al doet men wat te veel moeite dat is altijd beter dan dat er een ongeluk gebeurt.
Het is beter om veel onnodige drukte te maken om ellende te voorkomen, dan dat je die ellende moet meemaken.




Vanoet ’t bejaordentehoes. (3)
Foe’j dat mos weer gauw gaon. le hebt de stoete net deur d'n hals, staot ze daor al weer met de pillen. Nee, nich DE pil. Dee heb ik nich meer neudig op mienen laeftied. Dat kö’j wetten. Hé, hé, daor koomp ze met d'n rolstool. Kiek noe oet, de veters van miene schoon bint nog los! Steet d'r weer 'n heeln hoop volk veur de lift. De meesten kunt ok nog bes met de trap naor beneedn. Mot ze zich maor good vast hoaln an de lönning. Ze kunt toch wal oetkieken.
Zo, dat zit. Goh, miene plaats is nog vrie. Dat valt mie met. Gao ik daor toch maor zitten. Maor dee buurvrouw, dat is toch zo'n drammerd. Dee hef altied wat te naöln. Dan is de koffie te heet, dan zit d'r te völ suuker in of helemaol gin suuker. En oh oh ze hef weer zo'n las. D'n helen nach nich slaopen. De bottn deden ok zo zeer. En de zuster kwam maor nich. le kunt ok aoveral wal aover drammen. Maor zee hef altied wat veur 't gat te beenden.Dan geet ze weer met opgestokken zeil naor de balie um te klagen. 't Is nooit good of 't doch nich bie heur.

[GerritHondelink]

De geleardn maakt ’n almanak, mear God maakt ’t weer.



Noar 't Vat
Op zundag a'w oons moal hebt had
en efkes vot wilt oet de stad,
goat wie langs 't oale Gronaus pad
noar 't Lindenhof bie café 't Vat.

Wie zeukt 'n plaetske op 'n plas.
In Fraankriek neumt ze dat terras,
bestelt 'n groot glas Beijers bier
dat nergns better smaakt as hier.

De vrouwleu wilt Fraanse likeur.
Dat mag, dan heij ok gèn gezeur.
De keender bint oons nich tot last
Ze kriegt 'n lekker glaesken kwast.

Bint met de draeijmöl in de weer,
goat met de wipwap op en neer.
Wie dréénkt en lacht en kuiert wat
en spölt een mooie pot biljart.....

Um vief uur hebt de vrouwleu 't had.
Ze wilt noar hoes, kriegt eelt an 't gat.
Joa, met 'n tram geet dat heel vlug,
wie bint zo weer in Èènske t'rug

'n Tram schudt oe wa deur mekaar
ik veul mie al een betke raar.
Al dat geschok, dat geet nich goed
dat Beijers bier wil d'r weer oet!

O God, te laat, ach gattegat
mien niije boks is kleddernat!
Mèr o, wat hew't plezèèrig had,
op 't Lindenhof bie café 't Vat..

Gerrit Schorn bron: Facebook

[GerritHondelink]

Twaalf boern en nen hoond bint datteen rekkels.TWAALF BOERN EN NEN ULK,DAT ZINT DETTEEN STINKERS
ULK= bunzing
Dat is de taal van de stedeling, die een boer nors en bokkig vindt, omdat hij de boerenmanieren niet verstaat.




Jans en de katn (1)
Jans den was in sloap zakt... Hee dreumn van ne mooie vrouw.
Mer in eenmoal schrok e wakker oonder't roam doar kloonk miaauw.
Dat was dee rotkat van de buurn den zat ok aait biej hem in'n hof
Wocht dach Jans nen emmer water, hoo kom ik aans van den schreewert of
Veurzichtig deur e't gedien an de kaant hee kon good zeen ... het was volle moan.
Door zatn nig alleen twee witte katn nee... hee zag ok zienn kater stoan.
Den grapjas har de grootste wil.. zienn stet... den stun rechtop.
As de buurn temet jonge katn hadn, dan kreeg hee het wisse op'n kop.!
Te gek dach Jans, noe zak em kriegn dat leer ik em veurgood noe of.
Miaauwn dat is nog doar an too.. Mer gin ne seksshop in mienn hof
Rap scheut Jans in ziene slofn het mos ammoal o zo stil gebeurn.
Want o wee as Hanna wakker wödn, dan har ze voort weer wat te zeurn.
Zee har em a zo vake zeg oonzn kater köj nig los loatn loopn.
En noe heur toch is, wat gung e tekeer het feest was nog nig of loopn.

[GerritHondelink]

Wat de één nich lust, doar èt ’n aander zich kraank in.
Wat de een niet lust, daar eet de ander zich dik aan.
Omdat smaken verschillen kan men nooit vooruit zeggen hoe iets uiteindelijk gewaardeerd zal worden.



Jans en de katn (2)
Zachjes deur e de boetndeur van de knip mer hee was nog mer twee trad boetn.
Gleed e oet oawer nen kastanje en lag e lang oet op'n snoetn.
'n Emmer water vleug em oet de haan ziene slofn har e geels nig meer.
'n Bloombak den vleug deur de roetn en't water leup em oet de kleer.
Biej'n buurman gung het raam wied los hee Jans wat doo’j ....t is half zes
O ik zee ’t a ie bint ter na vrog biej bi’j noe al oonder'n does wes ?
Klopt zee jans ... doot ’t raam mer dicht ik wil d'r noe nig oawer zeurn
A bin langoet oawer nen emmer valn, monn dan zöl ie alns wal heurn.
Mer o jee .... Hanna was ok wakker wodn ze schruk toen ze hem veur't ber zag stoan.
Hoo kön ie noe.... as't zo har reagnt zoonder jas noar boetn hengoan ?
Week nig ... mer ik bin zo koald as ’n bot, geewt miej mer rap dreuge kleer.
Dan kroep ik nog'n uurken teegn oe an en och dan geet ‘t wa weer !
Stil is effen zeg Hanna... d'r zit ne kat oonder't raam..en oonzn kater dut miaauw,heur ie dat ?
Ach zeg Dieks .... niks van antrekn deern want ne katte…….wil ok wal is wat !!

[GerritHondelink]

Aj oe zo klean as ne peunt veult, mo'j mer deankn da'j achter nen belangriekn zin könt stoan.




BAD BOEKELO
Als ik dit oude plaatje zie,
raak ik vervuld van nostalgie
het zijn wat bomen, water, zand.
En in de verte is een bad
waar je de grootste lol in had,
je kon ook zonnen op het strand.

Het wilde water smaakte zout,
de golven beukten woest en koud.
Ze noemden het "Zee op de heide"
Ach, mooie tijd van jong vertier,
je eerste peuk, je eerste bier,
de avontuurtjes met de meiden.

En langs de Twentse uitvalswegen,
zag ik reclameborden staan...
"Bad Boekelo" hoe kon ik weten,
dat het voorgoed voorbij zou gaan...

Gerrit Schorn Bron: Face book