Spreek je dialect

[GerritHondelink]

22 juli
VEKAANSIETIED
In juli is biej oons in 't strùetje
Bie vùlle lue de dure wier too
Nen hoop lue hebt dan wier vekaansie
Goat mooi op 'n trad met.... moo
Zelf wa'w wa kort bie thoes ebleewn
Vie wolln dit joar nit zo wied vot
Zoo of en too een eanke toern
Met 't fietsken (den zatte vie op 't slot)
Oawer 't wear ha'w niks te klaang
Mangs was 't wa gloepens woarm
Vie zeent dan ook verkluurd
Vuur 'n kop en op 'n oarm
Foj wat braann dee zunne
Het leek wa Spanje achter 't hoes
Joonk en oold zat in zin blootje
Met een pilsken of nen ijsco in de voes
Ook dee ieskeals mangt neet klaang
Lange riegeln vuur 't loket
Groot en klean was drok an 't likn
Keal, doar is wat um ezet
Toch leewer zoo dan al dee buujn
Met de paraplu en 'n jas op ‘n trad
Ook al kù'w het mangs good gebroekn
Reang met de vekaansie is nit wat
De meessen hebt de kooke wier op
Het gewone leawn geet wier zinn gaank
Ik hoppe at iedereene gezoond blif
Want dan doert een joar nit half zoo laank
Toch at de vekaansiedaage vuurbie zeent
Dut oe dat oarns een betje zear
Mear och weat blie da'j nog kùent zegn
Ik goa temee wier an ’t woark, wear of gin wear.


Een striptease danseres uit Zweden
Die door zich geheel te ontkleden
Al haar schoonheden toont
Wordt daar goed voor beloond
Dus kan ze meer geld aan kleding besteden.
W. Wolff



Door is ’t zo druk as bie ’n barbier met ene klant. Helemaal niet dus…



Dat is de weend op de möl. Dat is gunstig komt goed van pas

[GerritHondelink]

23 juli

Veur dree stuuver grutn-mèl.
Mos iej völ hebn dan nam ze nen veerkaanten toetn; veur kleine betkes broeken ze nen peunt tuutke.
Nen bungel weagschaol gaf 't gewicht an met koprn gewichtn.
Tuskndeur heurn iej 't leste niejs oet de buurt van zeektes en doodgaon, van geboortes en trouweriejn en aandere bezeundere dinge oet de naoberschop.
Wat miej 't meest antrok, dat waarn de grote veerkaante flessn met sneupgrei as zuurtjes, zeuthaolt, vetersdrop en meer van dat lokkende lekkers.
Ok stonn'n der 'n paa van dee peuntige sükkrbroodn, waor ze dan 't neudige afhaaln.
Baovn de teunbaank hung ne gaslaamp met 'n glaskap met franje van kraelkes.
Der ston ok ne geetiezern koffiemöll dee met 'n groot rad an wodn dreait.
An de muur tuskn boonte reklameplaatn van sjokelaa- en tabaksfebriekn hung hier en daor 'n petret van 'n oolderpaa; zee 'n laank zwat kleed met knipmus; hee der näöst staond met zwatn jas en bleenknde alosiekettn.
Oet ’t krekkeltrumke Bert Mutter


Mangs is t’klook a’j oe dom hoald, wat leu hoov’t ter gils gen meuj’t vuur te doan.



Gin hoar zo klean of 't gef nog wa'n Iuk scha. alle kleine beetjes helpen

[GerritHondelink]

24 juli
Problemen uitpraten op zijn Twents.
Na een kwart eeuw met ons beiden
Komt mijn vrouw naar me toe en toen
Zegt ze : “Ik wil van je scheiden”
En ik zeg: “nou, dat moei’j dan maar doen.”
Willem Wilmink.


As de oel röp.
Dat zegt ze as dr een dood geet.
Volgens het volksgeloof brengt het geroep van een uil ongeluk.
Als hij 's nachts tegen het raam vliegt van een kamer waarin een ziek persoon ligt, dan zou dit duiden op een naderend sterfgeval.

Wat könt heksen en blauwvaarven tegeliek.

Had ik mar en Zol ik mar bint arme leu.
Het heeft geen zin terug te kijken op wat je niet gedaan hebt.

[enschedeinansichten]

twee dingen ?

[GerritHondelink]

25 juli
Oma toch
Kleine Niels verbleef een paar dagen bij zijn grootmoeder.
Hij was een tijdje buiten aan het spelen met andere kinderen, en kwam toen binnengevlogen.
"Oma, hoe noemen ze dat, als twee mensen in dezelfde kamer slapen en de ene ligt boven de andere ?"
Oma was natuurlijk wat geschokt, maar denkende aan de moderne opvoeding besloot ze hem de waarheid te vertellen ..
"Dat noemt men 'seksuele gemeenschap hebben', lieveling, en sommigen noemen dat 'neuken'..."
"OK" zei Nielske en verdween terug naar buiten om verder te spelen.
Enkele minuten later komt hij terug binnen : "Oma, dat heet NIET neuken ! Dat heet een STAPELBED !
En de moeder van Fonske wil u dringend spreken !!!"


Napoleon
Een teleurgestelde man tegen zijn vriend: De meeste mannen gaan aan hun vrouwen ten gronde !
Dat klopt; is het antwoord.
‘Kijk maar naar Napoleon. Die is ook op Helena gestorven.


Dokters en dooie viske mo’j nich te laank in 't hoes hoalden



Hee mag zien eagn zweet geern roekn. Hij is niet erg ijverig.

[GerritHondelink]

26 juli
VERDOON Onvoordelig in gebruik uitgeven; verteren, verknoeien, verprutsen; verbruiken; vergissen
Dat verdöt nog wa. Onvoordelig in gebruik, ’t is niet goedkoop, dat kost veel.
Tied verdoon. Tijd verknoeien; de tijd niet goed besteden.
Dan hoow wie vanoavend gen tied meer met ’t etten te verdoon. Dan hoeven wij vanavond geen tijd meer te verklungelen met het eten
Wat he’j te verdoon. Wat heb je te verteren.
Ie zolt het geald dai’j aanders an draank verdoot an nen aarm mens mutten gewwen. Je zult het geld dat je anders aan drank uitgeeft aan een arm mens moeten geven
Dan hek mie verdoan. Dan heb ik me vergist
Ik geleuf dai’j oe daor lelik verdoot. Ik geloof dat je je lelijk vergist.

ZICH VERDOON. Zelfmoord plegen. (door ophanging)
Hee had nog nich heurd dat zien zwaoger zich verdaon had. Hij had nog niet gehoord dat zijn zwager zelfmoord had gepleegd.

T’peerd dat de haver verdeend, krigt t’nich.

Hee had 't an de tied. Hij had bepaald geen haast.

[GerritHondelink]

27 juli
Boerschop
Jenske en Diekske van 't Slagmoat Hennik van Pot-Gerrad's Mien,
Loer-Johan's Betske en Dika, Toon van de Bröaker en Stien,
Avelink's Dientje en Töat-Jan,.Marie van 't Zwil en eer Va,
te hoop' won wi-j hier in de boerschop en wi-j hebt 't good met mekaa.
Wi-j doot nig zo gauw met 'n dokter, 't bettert joa nooit met zien grei,
wat zöj met dee poejjers en pill'n, wi-j nemt wa konjak met 'n ei.
's Weenters doow luk van 't geslachte an 'n domeneer of 'n kaploan,
zo blief wi-j vröm duur de bloodkook en doar zal 't oons ook noar ve'goan.
Wi-j knooit meer ve'dan in 't leem'n, hoald vree met mekaa en de kèèrk,
völ tied um te deenk'n hew ook nig, aw huul'n mot dan doow 't oonder 't weerk.
En lach'n?...-'t kan oons begroot'n- dat döf wi-j joa nig meer zo good,
want aj rechtevoort um ow hènkiekt dan lach i-j ow umsgelieks dood!
Hennik van ’n Scheenken

Papa zegt Jantje, wat is een alibi eigenlijk?
Dat is wat je moeder nooit gelooft, als ik laat thuis kom.


Vri'jen hoof i'j gin mense te laern, dat greuit der in as smaak in paern.
Vrijen hoef je niemand te leren, dat groeit er in als de smaak in de peren.

[GerritHondelink]

28 juli
De leefde dee oons bindt stearft nooit.
Leefde kan nich stearvn, omdat ze eeuwig is.
Daorum blief wie in leefde met elkaar verbondn,
Ie daor en ik hier.

’t Löp hem oawer de körwe.
Dat gaat te ver; daar is geen maat meer.
Vroeger waren er afgetuinde ruimten of weren in een beek of rivier om vis te vangen. Liep het water over de korven, dan ging de vis mee.


Better wel nich wil as wel nich zal. Wie niet wil, bepaalt datzelf; voor wie niet zal, wordt het bepaald

[enschedeinansichten]

De leefde dee oons bindt stearft nooit.
Leefde kan nich stearvn, omdat ze eeuwig is.
Daorum blief wie in leefde met elkaar verbondn,
Ie daor en ik hier.


Mooi.

[GerritHondelink]

29 juli

Jenske
Jenske van 't Slagmoat den is luk ampat,
de leu zejt: den jong'n is nig good,
Jenske van 't Slagmoat den döt mangs luk vrómd,
de leu zejt: 't is zunnen blood.
Jenske, mien Jenske, wat is dat: nig good?
Jenske, mien Jenske, dow bist ginnen blood,
al köj dan nig rekkn'n, nig leez'n, nig schriem'n,
doarum kan Jenske Jenske wa bliem'n.
Jenske van 't Slagmoat den blif aait 'n keend,
hee leeft as de bloom'n en de beum',
Jenske van 't Slagmoat den lacht in zik zolm,
zien leem'n geet vuurbi-j as 'nen dreum.
Jenske, mien Jenske, bist dow zo ampat?
Jenske, mien Jenske, de leu hebt aait wat,
hest dow gin ve'staand van wat aarm is of riek?
Jenske, ik zej di-j, dow hest groot geliek!
Hennik van ’n Scheenken.

Un dikke vett’n reagnwurm
Den had toch wa zon plezier,
Want as hee met hen vissen was goan
Was e noe een dooie pier.


Zonner vrouw is nen kearl mer ’n half meanske.

Nood drif'n haazn oawer de weg. Iemand in nood doet onverwachte dingen.

[GerritHondelink]

30 juli
n Boetnmaarksn
n Zetke terug zag ik em nog,
hee hung in de kleer, dat deu miej zeer
zonn bestn keerl, oet t Anatolie van aleer,
woar as Palthe em oet har ezoch.
Net as mien vaa, warkn hee in n textiel
tot de piepn daal gungn. Noe geet e zölf,
wat ik oe brom. Kortns har e nog brulfte,
noe wocht em nen jas van hoalt, den slemiel.
Vandaag zag ik t wich van zien dochter.
t Gat strak in de spiekerbokse,
doar zit heel wat aans in de kleer.
As keerl deank ik dan; Heer
wat donders mooi is Almelo toch
met al dee boetnmaarksn dee hier
a hoonderden joarn bint kömn um wark,
plezeer en gemak. Ik bin kats verkoch.
Of is t umda’k der ene van Schlüter bin?
Zölf bi’k der joa ok zo ene. A’j t mar weet.
Dat den veuroalder is kömn, dat is a lang eleedn
mar mien thoes is ok, woar de groov möt ween.
Dick Schlüter, uit Dichter bij Overijssel maart 2011

I’j kriegt niks veur niks.

Ongeliek hef een bult (Vaak gebruikt na: “Door he’j geliek an!”).
Ongelijk heeft een bult dit wordt vaak gezegd na: je hebt gelijk.

[GerritHondelink]

31 juli
Ik loop met ne imker deur Beckum
Ne bj-j op mien been,klets doar hek um.
Ut deer is morsdood
N imker wördt rood.

D’r bint dinge woor’j gin onthoald van mot maken. Het is beter om bepaalde dingen te vergeten.
Ik heb der gin onthoald van maakt. Ik heb het niet onthouden.

Der bint nen hoop leu, dee ‘t verschil nich weet tuske nen kleidoev en nen hoaltdoev.
Dee ene doev is van klei en den aandern is nich van hoalt.


Wat leu mait hopp’n dat ze nooit kriegt wat ze verdeent.
Sommige mensen mogen hopen dat ze nooit krijgen wat ze verdienen.
Iemand die kwaad heeft gedaan, moet eigenlijk ook gestraft worden.

[GerritHondelink]

1 aug

Breef
Ze deupt'n de pen in 'n eenktpot en schreef: "Beste Leendert en Stien,
zojuist bracht de bode Uw brief hier, Uw trein komt dus aan om half tien".
Ze dach': oetgerekkend met Peenkster'n en dat met veer keender d'r bi-j,
Leendert zal poch'n want den hef de veerk'n aait vetter as wi-j.
Ze schreef: "het is mooi dat U hier komt" en dach': da's zes ètters d'r bi-j,
oons Stien blif d'r vast wa bi-j zitt'n, dee heelpt nig, gleuf dat meer vri-j.
Ze zett'n d'r oonder: "Tot Zondag, de groeten van mij en oom Geert"
en dach': ak 't den voort loat weet'n, dan is 'm 'n dag niks meer weerd.

Hennik van ’n Scheenken


Een leelke vrouw is de beste schutting um 't hoes.



No goat zittn, mon'n kriej 'nen stool.
Ga maar zitten, morgen krijg je een stoel. Uitnodiging om te gaan zitten.

[GerritHondelink]

2 aug
NIKS niets, niks
Gef niks. Dat maakt niets uit.
Um niks. Zonder aanleiding.
Veur niks. Gratis, kost niets.
Niks as. Slechts, alleen maar, voortdurend.
Niks van an. Niets van waar.
Das nich niks. Dat is heel wat.
Niks der van. Geen sprake van. totaal niet.
In nen tied van niks. In een ommezien.
Maak oe mer niks te doon. Maak je geen zorgen.

Vandaag gif 't Oatmösker spek, zee de vrouw, dow har ze siepeln in de panne.



No loat toch de vaa gin keen wodn! Nou moet het toch niet gekker worden!

[GerritHondelink]

3 aug
't Vuurnaamste
Wilm van de Bolhen ziene vrouw Tonia was vuur bosschoppn haaln noa de stad en dat op de fietse.
Ze wonn luk boetnof en 't was eer vuur loopn te wied en wieders was d'r ok nich wat, 't mos ja wa op 't rad.
Ze warn beedn a luk op joarn en luk klötterachtig.
En dan gung 't vuur Tonia good mis. Ze gaf gen vuurrang an nen auto en ze kwam zo inees, klaboems op de stroat te liggen.
Ze kon gils nich wier in de been komn.
't Leenker been brökken en dan noa 't zeeknhoes. 'n Treurig gedoo.
De plietsie brachn Wilm bescheed van 't oongeluk.
Wilm wödn d'r nich heet of koalt van en 't eerste wat hee zea: "En woar is de fietse?"


Snugger
Good op 'n biester schreeuwt de baas teggn zienn knech:
"Keal toch wat bin iej toch verschrikkelk laankzaam, iej scheet ja op as ne loes op ne teerton.
Is d'r dan now niks woar as iej now nog ees 'n klèen betke vlug ien zint?"
"O joawa baas, ik wödt heel vlug meu!"

Ie’j mot aait doon wa’j beloawt, beloawt dus zo weanig meugeluk.

Et speegel lög en 'n schien bedrög. Veel dingen zijn lang niet altijd zoals men denkt.

[GerritHondelink]

4 aug
Bie mie op de kökken.

Hartelijk welkom bie mie op de kökken.
Schoef der bie an
En val niet van de sökken
Want nee, nog niet alles
He’k mooi an de kant
Doar slingert wa klere
En doar nog de krant
Maar koffie en thee
Van beide he’k gaar
Dus zeg maar wa’j hemm wilt
En ’t kump veur mekaar
Loat heurn oen’n nieuwtjes
Graag namen der bie
Want ‘k weet graag alles
Of heb ie dat nie?

Tonny Schippers- Kampman.

Den hef wa schoef veur'n doem. Die heeft veel geld / Schuif voor de duim; schertsend, omdat het geld geteld wordt..

Heef is na knieperig hee schuf niks of. Hij is erg zuinig (gierig) je krijgt niets van hem.

Hee löp d’r bie as’n ploddenkearl, mear gleuf maer dat e schoef veur de doem hef en a’j dat zegt dan schoef ie meteen met de doem aower oe’n wiesvinger net of ie geld an’t telln bint.



Den is 't spinrag niet veur de mond wassen
Die roert haar mondje wel..
Zij praat veel "Zij is niet op haar mondje gevallen."
Zij is goed in staat om zich met woorden te verdedigen

[GerritHondelink]

5 aug.

OP NIE’J BEGINNEN
A'k vanuut de kamer kiek naor boeten
Zee'k daor een spinneweb vlak veur de roeten.
Het geet al maor hen en weer dee dunne dreudkes
Mien gedachten gaot: vot daon of laoten zitten
Maor 't spinneke hef zien best doan dus nich fitten
At dan de nacht kump met vreeselijk völ wind
Zo erg dat beum en struuken op bint tild
Kiek ik 's morgens vrog naor 't spinneweb: 'k zee niks
Helemaol kapot dat had de wind um fikst
Maor effen later daor was 't spinneke en begon op nie’j
Toen ik dat zag wör ik van binnen zo blie’j
Want hieruut ku'w allemaol leern,
Nao elken tegenslag: mo'j ‘t altied opniej probeern.
Anneke Bosch.


Met geluk en de weend van achter’n goa’j vuuroet




D'r good met vot komm'n. er goed uit springen

[GerritHondelink]

6 Aug
Miln duur!
Geesken let vedaag op school hillemoals nich op. East har ze n'n kloarn tukdook vegetn.
En noe keant ze dat gedicht ok nich oet 'n kop. Doarum gef meester ear met zien'n stok duftig wat veurt gat. Geesken huult en jammert 't oet: Meester, ik kan't nich mear Langer oethoaln, ik wor flauw! Later löp ze op'n draf noar hoes hen.Eare mama heurt 't wicht a van wietn ankomn.
Zee will ear in de armn nemn en vrög: Wat is d'r toch, mien wicht? Wel hef di dan wat doan?
Mer Geesken gooit ear teske in'n hook, löp huulnd an ear mama langs, liekoet de sloapkamer in met 't grote spegel. Mama is bezoargd en niejschierig tegliek. Zee geet stillekes achter ear an.
En wat zöt ze doar?
Geesken steet veurt spegel, ... trekt zik de bokse van't gat, ... draeit zich um, ... geet krom veurt spegel stoan ... en ... begun nog harre te huuln.
Mama, kiek es, mien gat, har ik wa dach: miln duur!!!
Uit platduuts in Twents: Hennie Boink oet ’t Onderschoer.

Woar 't nauw stek, is de vreandschop klean.


Nem ’t leaven nich te zwoar, iej komt der toch nich leavend oet.
Neem het leven niet te zwaar want je hebt niet het eeuwige leven.

[hans]

[otto25]

Wat een prachtig stukje Twentse humor!