Spreek je dialect

[Arie]

Gerrit van harte gefeliciteerd

[enschedeinansichten]

Gerrit, ook via het forum nogmaals gefeliciteerd.

[GerritHondelink]

dank oe wa

[GerritHondelink]

8 juli
Mooder
Ziej veult, wa'j neet kont veulen, ziej zut, wa'j neet könt zeen.
Ziej hef nog aait ontheulen hoo 't was, heel lang eleen.
Ziej weet nog, hoo'j as wichie de eerste stappies deun,
met spanning op 't gezichie, ziej gaf oe road en steun.
Moo was in meuit' en zörgen aaltied veur oe in touw,
was 't oavend of was 't morgen: ziej hölp oe aaltied trouw!
Mangs ku'j det neet best velen, aaltied dee zorg um oe
en gunk 't oe knap vervelen, dan zee'j mangs: `Loat miej noe!'
Loat miej mien eigen gaank goan, ik weet zölf wal, wa'k doo!
Ik kan miejzölf wal redden, zonder de road van moo!
Mar effen later was 't weer: `Zeg moo, hoo mu'k det doon?'
En mooder zul geen moo wèèn, as z'oe neet hölp, gewoon!
A'j aaltied neet allees dèènkt, zi’j 't mangs neet eens met heer,
det kan wal 's gebeuren, mar: hoald oew moo in eer!
Och, geef oew moo een bettie van wa'j zölf kregen toen
an leefde, toch wierumme, iej kont het noe nog doen!

Oet: As de blaa valt van Henk Pool.


Nen voel ei. Een rot ei
Nen voeln hoond. Een gemene vent
’t Eumke keek heer luk voel an. Oom keek haar toen een beetje lelijk aan.
Hee gaf met ‘n voel lächken de moor geliek. Hij gaf met een ondeugend lachje moeder de vrouw gelijk.
Nen voelen praks. Een slimmerd.


Wierig as ne jonge kat, Erg levendig, beweeglijk.

[enschedeinansichten]

’t Eumke keek heer luk voel an.

Gerrit, is een Eumke niet een ongetrouwde oom ?

In het Twents is eumke (soms geschreven als eumpke) een streektaalwoord dat meerdere betekenissen kan hebben. Het wordt voornamelijk gebruikt als koosnaam voor een oompje, of als aanduiding voor een vrijgezelle, wat oudere man die er meestal een beetje zonderlinge levensstijl op nahoudt.

[GerritHondelink]

9 juli
Rondeel veur een moment
Wiej hebt mekare maor één moment ekend,
dén nach hebt oonze ogen zich verraone.
Het was misschien ne tel, of daorumtrent,
daornao bu'w ieder oonzen gang egaone.
Wiej schrokken beide, nog jong en neet gewend
te done, wat oons eig'lek was verbaone.
Het was misschien ne tel, of daorumtrent,
geveul, dat nooit weer aover is egaone.
Wiej hebt mekare maor één moment ekend,
dén nach, in 't schiensel van de volle maone.
Ne leefde, dee nooit is hen-egaone.
Ik bun 't neet vergetten dat moment,
het was misschien ne tel, of daorumtrent.
Derk Jan ten Hoopen.

WIEDWAGEN
Wiedwagen of wagenwied is heel erg breed.
Wie weet waor Willem Wever woont? Willem Wever woont wiedwagen weg!

Daor ha’k leewer met te doon as met ne raozende kat. Gezegd m.b.t. een leuk meisje.

[GerritHondelink]

10 juli ’26

KLEAN BLEUMKE
Klean bleumke in't greune grös
wat stoa’j doar toch te weegn.
Verteld miej is woarveur ie dat doot
de woarheid geern ... nich leegn.
lej stekt oew köpke recht in de loch
het is net oi ‘j stoat te lachn.
Ie’j loert mer al noar alle kaantn
Of stoa’j op miej te wachtn ?
O….. kon ie toch mer proatn
dan kon ie't miej verteln...
Mer noe bi’j net oons kleane wich
ik heb met oew te stelln.
Toch deank ik da’k't wal weet
iej bint mangs o zo bang.
Dat ze oe op het köpke trapt
mer dat wus ik al lang.
Dieks.


Mien va die löp met de pietereuliekoar
En mien mo die löp d’r achter an.
Joa, vrogger zat’r nog verdienste an
Tegenwoordig zit ’r niks meer an.



Ne geleende kat vaank gen muuz.Een geleende kat vangt geen muizen.

[enschedeinansichten]

hij liep niet hard. hee deu nich had.

hij lijkt op zijn vader. hee slaagt noar zien va - he hef't slag van zien vaar.

hij loopt te zeuren. hee löp te nöaln

hij praat plat. hee prut plat

Hij wil blazen, maar het meel in de mond houden (dus twee dingen tegelijk doen, wat niet kan) . He wil poezen, mer 't mel in de moond holn.

hoe gaat het met jou? Al' ns good t' rech jao?

hoe gaat het met u. hoo hej' t d' r met

hoe luid de zin kalm aan en rap een beetje in het twent. twents Hënig an en rap wat

[GerritHondelink]

11 juli
Hennik geet bosschoppn doon in de supermarkt, want de vrouw lig met griep in ber.
’t Is ‘t eerste moal in zien leavn en hee zoch zich ‘n oongeluk.
Den chef hef dat in de gaten en vrög wat hee dan zoch?
Hennik: "Nen pak closetpapier."
Chef: "Hier lig ‘t wal lej warrn d'r vlak biej. "Mer ja, dat heet rechtervoort nich mer zo. Wiej proat noe mear van "toiletpapier. ! Ha'j wieders nog wat?"
Hennik: "Een paar stukken zeep."
Chef: "Wat veur zeep? Toiletzeep?"
Hennik: "Nee, nee. Veur ‘t gezicht!"

Veur ’t trouwen kan ’n vrommes halve nachte opbliewen, umdat’j nich bie tieds vot könt kommen.
In ’t trouwen mot ze mangs halve nachte opbliewen, umdai’j nich bie tieds wier wilt komm’n.


‘k Hoal wal van ’n visken, zea de katte, mer nich van natte veute !!
Ik houd wel van een visje zei de kat maar niet van natte voeten.
/De gemakkelijkste weg kiezen

[GerritHondelink]

12 juli

Jeu de boules
In 'n Doarp, Wearsel en Rossum spölt ze `t,
wear of gen wear wa twee kear in de wek.
Mooi heanig an en meestal op ne stie
woar Onze Leevn Hear zien arm oet stek.
Uurn köj noar dat spelleke kiekn
en seej hoe sierlijk de balln valt,
zo gracieus en mangs met topspin,
heanig an teggn mekaa an knalt
Dr is natuurlijk wa 's wat discussie:
Zeg Fons, leej jullie of leej wie?"
Mer dan pakt ze gewoon heel heanig
`n centimeter d'r efkes bie.
Köpke koffie, börrelke noa de tied.
Dan zeg Gait: "Ik mot ettn, 'k goa vedan.
Het was mie weer 'n woest genoegen,
tot tookn moal, doo heanig an."
Ik sprek slecht de vrömde taaln,
Engels, Spaans, ik wet d'r weinig van.
Mer het kan gewoon nig annes
jeu de boules is Frans veur heanig an


Verhetst wèan. Zeer verkouden en koortsig zijn na grote verhitting.
Hee hef zichzölf met die hitte zo inspann, dat e te völ zweetn en ernstig verhetst is. Doornoa hef hee het leelik te pakken kreggen.



A’j de kat op ’t spek wilt been, dan vret ze nich. Als men een jongen of meisje teveel aanprijst, dan werkt dat juist averechts.
Iets waartoe men gedonen wordt, doet men met tegenzin.

[GerritHondelink]

13 juli
De nieje leu
Immigraantn, nich meer oet Wolvega,
Oldeholtpa, meer Spanje, of afrika
en t Verre Oostn of Westn. Atjehstroat:
moslims bint biej t moskeetjen an de proat
dat vrogger ne keark hef wes, woar iej heurn klaagn:
`t Leste Oordeel kump oaver acht daagn.'
Mien' oalde skool, doar woont noe de isloam,
meer Shakespeare zear t a wa: 'Wat gef nen noam?'
Allah of n Heer, Jezus of Mohammed,
wiej bidt krek t zölfde angstige gebed:
Bewoar oons, Heer, veur skade an de ziel,
bespoar oons, Heer, n tweede Tsjernobyl,
oons groot benul is oons de pan oetreezn,
Heer, loat t oons nich op n emmer vreezn.'
De niejn hebt t ok hier knap lastig had,
meer t geet a better: Eanske hef ruumte zat
veur leu vanof n heeln weerldkloot,
dee heanig an in t stadsplat bosskopn doot.
Willem Wilmink

Een wandelaar belt aan bij een boerderij en vraagt; ik kom uit de stad en heb enorme trek in een glas verse koemelk. Kan ik dat hier krijgen? De boerin; Geen probleem. Ze gaat naar de stal en komt even later terug met een grote kom dampende koemelk. Terwijl De wandelaar die gulzig leeg drinkt, begint de waakhond kwaadaardig te grommen. Wat heeft dat dier? vraagt de wandelaar nerveus. Boerin; hij vindt het nooit leuk dat een vreemde uit zijn bak drinkt.

Kat en honde weer: Meert en April. Het weer van maart en april kan net zo verschillend zijn als een kat en een hond

[GerritHondelink]

14 juli

Het Leug'nbeènkske
Doar op dat beènkske, bie de bekke,
Doar bie'j de brugge, op 'n hook,
Doar komt de manleu deur de wekke
As 't weer wat zacht is, geern te hoop.
Dan zeukt dee oald gepensioneerden
Doar ansproak en gezelligheid.
Doar mu'j ze heur’n klassineren
In heer-eigen bosbaanksociëteit.
Mer... as dat beènkske kon vertellen
Dat hoolt'n beènkske op 'n hook ,
Op den veerspronk door bie Deel'n,
Door bie de brug in Deèlnerbrook.
As dat beènkske kon vertell'n,
Meensk'e 't zol oe Lange heug'n.
Want dat beènkske door in Deel'n
Is nooit ebassen van n'n leug'n.
le könt zo gek nig prakkizeren
Ze hebt het alle mettemaakt.
'n Scheet wödt in de kotste keren
N'n donderslag van groot formaat.
Bint nooit verlegen um 'n proatje
Visken... voetbal... polletiek,
Ze weet van elke kous het noadje
Bint specialist op elk gebied.
Mangs gemeudluk en bezunn'n,
Mer mangs dan kump het oale vuur;
Dan raakt dee knakkers op'ewunn'n
En jongs, dan geet'er duftig duur.
Ze weet precies wat d'r verkeerd is,
Ze weet precies hoo of het mot,
Ze weet precies wat alns weert is,
Wat te Lang is... wat te kort...
Mer strèèlt de zunne mangs is eem
Zo’n good deepdeurploogd gezich,
Dan schient eh op 'n meensleem
Van sappel'n zoorgen en van plich.
Want schient de zunne doar in Deel'n,
Deur de dannen op 'n hook,
Glimlacht oonzen Leeven Heer
Boom de bank in Deelnerbrook.
Jan Kleinman.

Ne zunnebloom wordt nooit gin reuske
en de muske gin nen ooivaa
Hoalt disse weure aait veur ogen
in heel oew leaven met mekaa!

Leavn as kat en hond.
Leven in onmin, voortdurend ruzie maken (van echtpaar).
As kat en hond wean. ruzie hebben

[GerritHondelink]

15 juli

ONS KLEINE HUNDKE
Wat waren wie'j wies met heur.
Ze leep en spul’n 't hele hoes deur
In de kökken, kamer en de gang
Ie'j waen bi'j ons acht jaor lang
De eugkes dee keeken toch zo verstandig
Op schoot of op de bank sprong ie'j zo handig.
En opeens won’n ie'j zeek.
't Was hopeloos: toen de veearts oew bekeek.
Noe zee'w nooit meer oe'w köpke veur de roeten
En spöl ie'j ok nich meer met de kinder boeten.
De eugkes bint veurgood noe dicht
Ok het kleine bekske dat zwig.
't Is te hoppen dat nooit eenen hond
Disse hondegriep krig.


As nen Hollaander nen Tweantenaar `Tukker' neumt,
dan dech'e misschien dat ‘m oetschealdt, mear hee tiepeert 'm alleneg, al weet'e dat nich.
Want `tukker' kump van 't woord tukkeren en dat wil zovölle zeggen as:
Wochen, ofwochen, oet¬stellen, de kat nog es efkes oet 'n boom kieken, voorzichtig en bedachtzaam zijn.

Van de katten bespoi’jen worden. Beroddeld worden.

[GerritHondelink]

16 juli
De daagn van aleer
De daagn van aleer, mien jong, de daagn van aleer,
ach, doot der miej nog eentjen in, op de daagn van aleer.
Verget iej dan oew könnigheid, ach, heugt oe dee nich meer?
Wiej dreenkt hier op de könnigheid van de daagn van aleer.
En as ik riek was, dan zo'k zegn: hee keerls, ik trakteer.
Meer noe betaal iej veur oe zölf op de daagn van aleer.
Wiej leupn oaver n Osseler Es en langs t Buurser Meer,
meer wiej leupn later wied van hoes, seends de daagn van aleer.
Wiej leupn deur de Deenkel hen en keern 's oavnds weer.
Völ bredere waters hebt oons skeidn seends de daagn van aleer.
Hier is mien' haand, mienn kameroad, leg doar oew haand op neer
en dreenk dan nog s Lekker oet op de daagn van aleer.

Willem Wilmink.

Boetenlucht
Vrogger werd d'r al gauw zegt: "Gao, mar nao boetn spöln."
Dat was gezonder dan al dat gehang binnen.
Mar dat wol ie zölf ok wa graag, want boetn was völ meer te belèèvm as binnen.
Veural nao de weenter, dan kwaamn de oalde vertrouwde spelletjes weer veur’n dag.
Zoas hinkeln, tolln, knikkern en touwtje springn.
Op 't schoolplein wa’j daor ok druk met.
Bokspringen, een hele sliert en a’j d'r eene raakn dan wa’j of en dat gun dan net zolang deur tot nen lestn aowerbleef.
De jongs, waarn weer druk met hutten bouwn in ‘t bos, mar wat zee’j daor noe allemaole nog van?
Tegnswaordig zit ze meer bin’n met moderner spölgoed, zoals laptop, Ipads, Ifoons en hoo dat spul ok verder heetn mag.
Hoo gezoond is noe die boetnlucht?
Daor waei’jt van alles roond.
Wat denk ie van al dat stoefmel, wat deur de lucht waei’jt.
Dat neump ze teegnswaordig polln en dat is meraekels verveelnd veur leu dee heuikoorts hebt.
Ze doot niks anders dan snottern, proesn en met dikke rooie oogn rond loopm.

Kat = vrouw (die zich weinig laat welgevallen), meisje (snibbig)
Dat deerntje lik mie ’n katje da’j nich zoonder haanske an mot pakken.

[GerritHondelink]

17 juli
Slim
As iej as noabers vlak biej meka wont is dat wa makkelk, mear's kan ok wal ees mangs tot onenigheed komn.
En dan koomp vaak 'n hoar in de botter duur de keender of de hoonder.
Zeg Herman lèstn ees 'n moal dat hee zon last har had van 'n buurman zien hoondergrei. Hee har d'r a wal ees 'n moal wat van zeg, mar van dee kaant wödn d'r niks op oet down, hee leut ze mar loopn.
Mar now was 't dan wa vuur good ofloopn.
Van zölf ja de vroag: "Hoo heb iej dat dan vuur meka kreegn?"
Dat zak oew zeggn," zeg Herman.
"As ziene hoonder biej oons inn hof leupn, har ik 's moarns vroo, hier en doar 'n pa eier in 't grös leg.
As ik dan zag dat Toon, zo heet oonzn noaber, in de nöagte was, gardern ik dee wier op, mear wa zo dat hee 't good zag en dan dachn dat dee eier van ziene hoonder warn.
En dow har hee ze a gaauw achter 't gaas."

Teagen leu dee aait te late zint köj zeggen:
Iej komt as de koo van de köster, den was dree dage vuur ’n reag’n a op ’t hoes angaon en nog harre ’n stet nat kreag’n.

Gin kattendrek. Geen kleinigheid

[GerritHondelink]

18 juli
Nen dag oet.
De Rutbek is nen grootn plas water in de buurt van Eanske en ik weet hoast wa wisse dat nen hoop leazers d'r wal is'n moal hen bint ewes.
Mien buurman har miej verteald dat het daor mangs onwies drok was in de zommerdag.
Biej good weer leek het net nen miegeampnhoop zo kot lagn de leu an meka.
Het lik miej gin slech idee zeg e dat ie is,’n moal met oons met goat.
Doar köj; van alns doon op en an den plas water, b. v. zwemn mer ok smurfen .. (das rechtop stoan op zonne plaank in ‘n gummipak met'n groot zeil in de haan.)
Zunnebaajn doot de meestn m. b. of z. b., dat wil zegn met badpak of zoonder.
Warachtig jong ie zeet doar nog is dinge dee't biej hoes nig meer gif.

Geliek hebben
'k Betrap mie d'r zo vaak op da'k fout'n zee bie aand'ren.
Dan wil ik dat met al gewèèld wa bie dee leu veraand'ren.
In plaats da'k dèank, och loat meer zo elke gek hef zie'n gebrek .
nee ..nee .. ik goa doar tègn in en krie'j dan vaak gebek.
Een töchke later dèènk ik dan, och .. was't noe zo belangriek,
woar hek mie toch zo dik um maakt, heb ik dan aait wa geliek ?


Katnbak. Kofferbak (van auto)

[Arie]

18 juli
Nen dag oet.
De Rutbek is nen grootn plas water in de buurt van Eanske en ik weet hoast wa wisse dat nen hoop leazers d'r wal is'n moal hen bint ewes.
Mien buurman har miej verteald dat het daor mangs onwies drok was in de zommerdag.
Biej good weer leek het net nen miegeampnhoop zo kot lagn de leu an meka.
Het lik miej gin slech idee zeg e dat ie is,’n moal met oons met goat.
Doar köj; van alns doon op en an den plas water, b. v. zwemn mer ok smurfen .. (das rechtop stoan op zonne plaank in ‘n gummipak met'n groot zeil in de haan.)
Zunnebaajn doot de meestn m. b. of z. b., dat wil zegn met badpak of zoonder.
Warachtig jong ie zeet doar nog is dinge dee't biej hoes nig meer gif.

Jacobsrietweg 182 Rutbeek Recreatiepark Het Rutbeek, spelende kinderen in en aan het water 20-7-1978