Spreek je dialect

[GerritHondelink]

6 juni Norbertus van Xanten.

De baden die Sint Norbert geniet
zorgen dat het op aarde giet.

Mien grootva hef nen motor
één oet neegnteenhonderdtien.
Hee zut ter nog wa netjes oet
en löp op öllie en benzien.

Opa is 75... kras en kump oet Twente
steet mangs nog hoge op de trap.
Hee wol zo geerne nog is 'n maolke
met zienn mooin D.K.W. op stap.

Hee har dat ding a zovöl joar
op de del achter nen strobaal stoan.
Vrogger har e d'r völ op etufket
mer de leste joarn har e dreug estoan.

Hee scheuf de strobaaln an de kaant
en haaln'n motor veur 'n dag.
En met nen grootn stofdook van Dika
gung e duftig an 'n slag...!

Hee smeet ter benziene en öllie in
trok ne dikke boks an met ne klap.
En joawal heur, doar gung oons Opa
met zienn D.K.W. op stap.

De hoonder vleugn van schrik noar binn
'n hoond kreup in zien hok
En Dika stun mer al te schreewn
heanig an grootva... nig zo drok.

Mer Opa har d'r na völ wil an
reed alvedan rondjes um oons hoes.
Hee wus weer van gin ophoaldn
mer o jee... doar kwam oonze poes.

Den vleug em kats veur 'n motor hen
Opa dach... na bin 'k verkoch..!
Kwam an 't slingern... kon 't stuur nig hoaldn
en vleug met ne vaart op 't hoonderhok of.

En Dika stun a weer te schreewn
het stuur mut um... zo hef 't gin zin..!
Mer d'r veul niks meer te stuurn
hee vleug pardoes het hoonderhok in..!

De henn vleugn links en rechts
veern stown oaweral in 't roond.
En grootva lag tusken de eier
het eigel leup em um 'n moond.

De motor gung weer achter 't stro
ziene oonderboks in de was.
En Dika zee... a'k 't nig edach har
zo komt oale leu te pas.

De henn zitt weer in 't hoonderhok
mer ze wadn dage lang van slag.
Het doern dan ok wisse 14 dage
veur dat er weer 'n ei in de nuste lag..!
Zwaany Becude-Smit in 2010

Mo'w eers mar 's zeen, dan kö'w altied nog wieder kieken.

Gineen zo bleend as wel nich zeen wil. = Ziende blind zijn. Hier zit ok wat in van nen eagenwiezen kearl.

[GerritHondelink]

7 juni
Juniregen is Gods zegen.
Komt zonneschijn daarbij, dan maakt hij boer en stadslui blij.
Zo de eerste schoers trekt, trekt ze den helen zomer.
Zeag’n
Loaten, wat slecht is,
Doon, wat recht is,
Begeern, wat echt is,
Brenk zeag’n, den hecht is.

Ai ‘j gin lech zeent, he ‘j ook gin zorgen um de batteriejn.


Den kaank nich luchten(löchten) of zeen. Iemand niet kunnen luchten of zien. Een afkeer van iemand hebben.
Luchten is hier een werkwoord dat 'ruiken' betekent; het is al lange tijd verouderd.
Letterlijk wil iemand niet kunnen luchten of zien dus zeggen dat je iemand zó verschrikkelijk vindt dat je het zelfs niet kunt verdragen hem te ruiken of te zien. Je wilt deze persoon dus eigenlijk niet in je nabijheid hebben.