Welkom op het forum van Enschede-Stad / Enschedeinansichten.

Spreek je dialect

Omdat de wereld niet alleen om Enschede draait.
Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » do jun 07, 2018 6:58 am

Waor d’r twee trouwt, hebt d’r twee scheuld.



Goejen road?
'Wat muk toch doon,'
Zeg Joop teegen zien moat
As ze 'n pilsje drinkt met mekaar.
'Vanwekke kwam ik thuus,
Zo krek van mien wark bie huus,
lk dache: 'Des toch ok wa raar:
Vin ik boaven miene vrouwe
In de arme van nen aandern kearl.
En 't was neet de eerste keer!
Want de wekke der, vuur,
Was 't ok a raak um zes uur,
Met precies denzelfden heer!
Geef mie astoebleef es road,
le bint mien besten kameroad,
lk bin doarin neet zo stark!'
'Tja,' zeg zien moat,
'Aj der toch op stoat:
Probeer 't is met OAVERWARK!'

Ineke Smit-Vukkink.


7 juni Anna van Sint Bartolomeus.
Dag van de Kredietunie
Dag van de Domeinnaam
Dag van de Maatschappelijk Werker
De zommer, wörm en riek en schoon,
Komp eerst in juni op den troon.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » vr jun 08, 2018 7:30 am

Alle leu bint hetzolfde, ze hebt allenig nen anderen kop um ze oet meka te hoalden.



’t Moeiluke met de wearld van vandaag an ’n dag is,
Dat de dommen ’t hoe langer hoe better meent te weetn
En de verstaandegen meer en meer an ’t twiefeln sloat.



8 juni Medardus van Noyon.
Dag van de Ondermijning
Dag van het Romeinse Aardewerk
Dag van het Werkplezier
Wereld Oceanendag
‘t Weer op Sint-Medardus hoolt (8-6)meest zes wek an.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » za jun 09, 2018 6:13 am

Good doon wodt slecht a’j ‘t aoweral roond vetelt.



Mie Moo
Ik zee mie Moo zien oale foto stoan ,
En denke dan nog effen noa
Joa, now besef ik pas,
Dat ’t vuur eer neet makkelijk was
Zorgen vuu oons allemoal,
De familie van 12 tusken Bax en ’n Poal
De tieden wan slech, ok bie oons ,
over 12 moodern was ech ne koons
Wat hef ze zich door duur hen e sloan.
Door koj now nog groot op goan
Vie klaangt wals dat alns duurder wod,
Meer toen wan ze a bli-j met wat in pot!
Ik lusse ’t neet, was der bie oons neet bie.
Met schröamkes en ‘n spekhesje waj toen a bli-j.
Lustern moj , ok mer goaw.
Mie Moo heul neet van dat ge moaw
Vuur de Duutsers was ze neet bange.
En ok neet vuur de dood.
At ’t oe tied is möj der ween zee ze.
Ik redde mie wa , niks gen nood
Ze kon zo oetbundig lachen, de treunn leupn eer over de wang
Vuur zon ne Moo mak oonze Leeuwn Heer wa daankn
Ik denke wa mien heele leewn lang!

Van face book enter B v/d B 27-07-86


9 juni Efrem de Syriër.
Now wödt de boer’n drok, de heutied brek an.
Van lech wöd’n tot ’n duuster geet ’t d’r now van.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » zo jun 10, 2018 8:46 am

GELUK.

Zeg miej: wat is geluk?
Maakt kultuur gelukkig?
Maakt gèèld en goold gelukkig?
Maakt eer en stoat en anzeen gelukkig?
Maakt sex en draank en drugs
en al zukke grappnmakeriej meer - gelukkig?

Geluk mo'j tusken de regels duur lèèsn.
Geluk is as glas: pas op dat 't nich brek!
Geluk is as 'n hoonder-ei:
twee kuukn oet éénen dubbeldoornd.

A'j gelukkig wilt wean mot 't oe net 't zölfde wean of iej ne vloo vangt of ne loes, a'j de jökkeriej mar kwiet bint.

Mir oet wiesheid:
um in woarheid gelukkig te können wean mot wiej oons geluk an mekaar können verleesn um 't echte geluk an mekaar te können veendn.

Dit is de groondwet van alle geluk:
at man en vrouw mekaar geern hebt
en mekaar alléén hebt
en genog an mekaar hebt
zoonder ooit genog van mekaar te kriegn...

Geluk mo'j weetn te deeln, zal 't vermeerderd wordn.

Geluk is: 't vergaankelijke van 't onvergaankelijke te können onderscheidn,
en t 'onvergaankelijke te griepn at de tied nog doár is!

Oet ’t Is mer ’n fuske van o.a. Joh. Buursink


10 juni Edward Poppe. Margaritha
Brengt Margreet oons gin zun; dan krie’w vaak nen natt’n zommer

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » ma jun 11, 2018 6:13 am

Kom d'r ns liekoet met veur ‘n droad.
Kom er eens rechtuit me voor de draad.
Deze uitdrukking zegt men om iemand aan te sporen om te vertellen hoe het echt in elkaar zit.
Vaak gaat het om iets wat iemand eerst niet wilde vertellen, omdat hij het moeilijk vond om erover te praten of omdat hij geheimhouding had beloofd.
Bij de herkomst van deze uitdrukking denkt men aan een draad / touw dat in de rechtbank werd gespannen.
Getuigen en verdachten moesten zich voor dit touw opstellen als ze werden verhoord.
Het is voorstelbaar dat voor de draad komen zich ontwikkelde van voor de draad gaan staan om een verklaring af te leggen en te vertellen wat je weet.


Etter
He mos altied goed etten,
Dat was goed veur um zo zeien zin olders,
Deurum atte ok vaak meerdere bodden,
En ut is hun gelukt,
Ut is inderdaad een groten etter worden.

Erik Knoef.


11 juni Barnabas
St. Barnabas die nooit de sikkel vergat, heeft de langste dag en het langste gras.
Deze spreuk stamt van omstreeks het jaar 1000 van de Juliaanse kalender toen de langste dag op/rond deze datum viel Op 11 juni heerst Sint-Bamabas, een regenheilige.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » di jun 12, 2018 7:06 am

Foekn. Kreuken, invallen rimpels, met plooien op de verkeerde plaats, opkruipen (van kledingstof), te ruim zitten (van kleding) slordig kleren naaien.

In meka foekn. Geen fut meer hebben, de kracht kwijt zijn , in elkaar vallen.
Oe jurk is van achtern helemaol foekerig. Niet glad, verkreukeld, vol kreukels en plooien.
Ie hebt doar hele gekke foekn in de rok zitten. Je hebt hele rare kreukels, vouwen, plooien in de rok. (niet glad)
Dat foekt. Dat kreukt, met plooien en kreukels.
Wat loop ie der toch foekerig bie. Onverzorgd.



12 juni Odulphus.
Dat schoer trekt wa oawer zea ’n boer bi’j ’t heui’n
in ’n almnak steed dat ’t vandaag dreug blif.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » wo jun 13, 2018 6:18 am

Eers doon en dan dach hef mennigeen in last brag.
Bezint eer gij begint; denk goed na over de gevolgen voordat je actie onderneemt.



TAANDZEERTE
Betjan den har taandzeert al 'n paar wekke lang.
En a'j den blood zeen hadden, hee har miej ne wang!
't Leek wa biej toeren of hee belroze har.
Hee was van de zeerte mangs kaant in de war.
Ziene vrouw deu hem störig nen raod an de haand:
Gaot toch naor 'n dokter met owen metwilligen taand.
Mer eigenwies as hee was, sleug e 'n raod in de weend.
En zee zeg: Betjan, iej liekt net nog 'n keend.
Ook 's nachens dan kreeg hee gen oge meer dicht.
De vrouw lag der näöst met 'n slaoperig gezicht.
Dan was hee in berr', dan wier stun e der vuur.
Op 't leste doo zeg e: 't geet zo nich meer duur.
En 's aanderdagens kwam 't er dan eandeluks is van
Ze veuren met eur beiden op 'n taan'ndokter an.
En stunnen der al reduluk gauw vuur in 't petiek.
Van schrik wör Betjan zo wit as 'n liek.
Non mu'j nich zo bang wean, zeg de vrouw; leeve man,
Iej wodt voort verdoofd en daor veul iej niks van.
Iej könt wa good praoten, zeg e, ik zit er mer met.
En 't bange zweet dat ston hem al oonder de pet.
En eindeluk dan konnen ze biej 'n dokter naor binnen.
Betjan dach an „'t feest", dat non gauw zol beginnen.
'n Taan'nclokter vreug: „man, waar zit die rakker?
Ik trek hem er uit en U ligt niet meer wakker."
En 'n dokter den nam doo ne slim scharpe pin,
En stök er kedaot 't tandvleis met in.
Betjan trök van schrik zienen stool haost kepot.
Mer 'n dokter dee zea met 'n klean betje spot:
„Het ergste, meneer, hebt u achter de rug;
Kom over een poosje maar bij me terug."
In de wachtkamer vreug ziene vrouw hoo ’t was gaon.
Hee wol eur doo zeggen wat 'n dokter har daon.
Mer o wat 'n spul, zien gezicht was zo stief.
Non sleug hem de schrik toch fenaolweg um 't lief.
Hee brabbelen mer 'n luk, praoten kon hee haost nich.
En veulen zik belachluk met zien scheve gezicht.
Doo trök hee opees zienen tukdook van leer.
En driftig wrif hee oonder 't oor hen en weer.
Zien vrouw dech, waor heurt dat dan non eengeluk biej an.
En wör der inweandig a jachterig van.
Ze zeg: man, ow oor wodt zo rood as te too.
Hee reert van: dat is nich mien oor,
Mer mienen neus jökt miej zo!

Oet Biej ’t losse veur van M. Hagreis – Post


13 juni Antonius van padua
As ’t op Sint Antonius zun gef; dat is wat de boer graag hef.
Is het op Sint Antonius(13) nat, de boer drinkt zich van verdriet zat.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » do jun 14, 2018 5:52 am

Ie komt oezölf teagn waor ai’j ok hengaot.
Je komt jezelf tegen, waar je ook gaat.


De revival van de peardestet
Mien hele leavn dreum ik d'r ouwer,
vannacht ok wear nen heel'n zet.
Ze bint heel vaak in miene gedachten,
de wichte met n peardestet.
As ik dan 's monns wear wakker wodt,
dan nem ik mie veur, straks ja temet,
goa ik op 'n terassje zittn kiekn
noar wichte met ne peardestet.
Het döt, het huppelt noar alle kaantn,
de jeugd dé zeg: "Dat is pas vet."
Dankzij Dafne bint ze heel populair,
de wichte met ne peardestet.
Ze dramt nooit, zeurt nich, ze bint vrolijk,
op 'n feestje is het aait dolle pret,
Ze'goat veurop in-de polonaise
de wichte met ne peardestet.
Verpleegsters dreagt ze met charme
En bie de slager zag ik d'r een doarnet,
mer ze stoat ok .gewoon achter 't schap,
ouweral zeej wichte met ne peardestet.
Laatst zag ik d'r eentje har scheurn
in zunne knalrooi'n cabriolet.
Nee, ze bint nich veur 'n kleintje vervaart,
de wichte met ne peardestet.
Wichte met kot hoar ma'jt d'r ok wenn,
schelt ok nich völ, zei mer 'n paar haanntred.
As ik noe opnei mos kiezen,
koos ik veur 'n wicht met ne peardestet.
Zelost nich alle problemen op,
woar as 't kan, helpt ze wa met.
De wearld wodt de gewoon vrolijker van,
van wichte met ne peardestet.

Peter Weusthof Oet ’t Oonderschoer.


14 juni Lidwina
Week van de Digitale Radio
Bloeddonordag
't Past non nen boer van allen kaanten:
As 't neet heui'jt, dan kanne plaanten.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » vr jun 15, 2018 6:24 am

Hoal van oezölf, dan bie’j nooit alleen.
Hou van jezelf, dan ben je nooit alleen.


Glaskabel
Veuroetgang het dat.
Woar de tillefoons droadloos bint wodn, ist met de tillevisie net aans um goan.
Ha'w eerst allemoal nen antenne op't dak, noe kump het tv-signaal met nen glaskabel bin'n.
Tegnswoarig hebt wie ok keus genog. Misschien wa te völ.
Almoal ku'w kieken en luuster noar dingn wat a'w zölf geern heurn of zeen wilt.
Vrogger waarn d'r mear twee Hollandse en dree Duutse zeanders. D'r was mer één tevee in hoes, dus ie keekn allemoal noar de zölfde oetzending. Aanderdaags hait d'r dan ok vaak met aandere leu oawer. Dee hadn vaak ok noar het zölfde kekn.
Vandaag an dag ku'w kiezn oet wa honnert zeanders. En gineen hef noar 't zölfde kekn.
Dus kuj't d'r ok nig oawer hebm. Dan kiek ie mer wear op oen kuierkeske um te kiekn of d'r nog nies is.
Of ie drukt nen dopke in de oorn um noar ne leedke te luuster.
De tied da'j zundagssmons, oet de keark, nen ei in de pan kreegn en de vaar nen langspölplaat op zettn kuump nig weer.
Mer dat ei, op dat kuierkeske bakn, goa'w nog metmaakn.

Jeroen Thijssen oet ’t onderschoer.


15 juni Vitus Sint-Vitus
Dag van de Schoonmaker
Internationale Dag tegen Misbruik van Ouderen
Internationale Dag van de Wind
Tapasdag
Met Sint-Viet, verandert de tied;
dan geet 't blad op de konte staon
en hebt de vögel ’t leggen daon.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » za jun 16, 2018 6:27 am

Kom ik der vandaag nich, dan moarn. Spottend gezegd om de instelling van luie mensen te karakteriseren.
Kom ik er vandaag niet dan kom ik er morgen; ik doe het wel op mijn gemak.

Vandaag of moarn. Betekent: binnenkort, over niet al te lange tijd. De aanduiding klinkt vrij concreet, maar in de praktijk is het vaag en wordt bedoeld binnen een afzienbare toekomst.


"De beume fluustert"
't Is zo stille buutn en de beume fluustert,
Hun duuzenden geheimen an 't oar det luustert,
Zo geerne kiek ik mangs noar boamn, laankuut op de rugge,
Heur het ritseln van de blaa, zee de schaduwn zo vlugge,
As de wind spölt met met hun bladerkroon.
Wiej vind het allemoal zo gewoon,
Det ze d'r stoat vuur oons gemak,
Wiej kapt en zaagt ze, tak vuur tak,
Ze geeft oons schaduw, hoolt en vruchtn,
Met ne reegn-buje köj oonder hun bladerdak vluchtn,

Ma wat zut den oaln eekn doar zoal oonder zich?
Det gif zeker stof vuur een heel niej gedich,
't Hundje det elken dag plast teegn zienen stam,
't Verliefde paartje det mekaar zo stief in de arme nam,
De oale keerlkes die, op't gammele bèènkske doar,
Hun starke verhaaln steurig komt vertelln an mekaar,
Den insluuper den op ne dag ziene buit begreemn kwam
Tussn de knoestige wortels, oonder an zien stam.

Ma op ne dag kwam d'r ne keerl met ne grootn kwast,
Den schildern zoonder pardon een wit kruus op zienen bast,
Zien doodvonnis was eteekend en met oorverdovend gekraak,
Wordn d'r an zien lange leemn subiet een eind emaakt.

De aandere beume fluustert: "Hij had zonne mooie kroon,
Hij had het toch zo joarn aardig nog könn'n doon" !
En op de kale stèè wordt een niej beumke epot,
Ma hoe lang zal det duurn vuurdet e net zo groot wier wot?

De keurig gezaagde stammetjes ligt kloar vuur de zagerie,
Bint d'r tenminste toch nog wat met zien verscheiden blie.
Ma ik mis um noe a, den oalen kameroad,
En ok de klène hundjes weet zich noe gin road,
Zien blaadjes ritselt vuur de leste kèèr in de zommerbries,
Ma hoe'j't ok bekiekt, het blif een groot verlies!

Ineke Smit- Vukkink.


16 juni Lutgardis van Tongeren
Internationale Dag van het Afrikaanse Kind
Vlaggetjesdag
Veur Sint- Jan maeejt alleman,
nao Sint-Jan wie haren kan.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » zo jun 17, 2018 7:36 am

Ie könt bie iedereen wegloopn mar nich bie oezölf.
Je kunt van iedereen weglopen, behalve van jezelf.


Concert
In 'n braombos bie oons op ’n wal daor zit 'n veugelnuske.
En aj 't nich weet dan vin ie 't nich; 't is meer zon klein gries vuske.
Meer 's aoms, vuur w' naor berr' hen gaot en roondum 't spul gaot sloet'n,
Stao ‘w bie de nienduur klein luk stil en bliewt nog èèm boet'n.
En dan ineens, daor heur'n wi'j, aw’n oog'nslag staot to luustern,
'n Fien en o zoo teer geloed: ‘t is net 'n heel zacht fluustern.
En dan opééns, dan zwelt dat an, in trillers, slag en gorgel.
Zoo zuuver en zoo wonderlek; vol mooier dan 'n örgel.
Da’s 't veugelke op oonzen wal, den klein'n nachtegaal;
‘t Gef hier concert veur iedereen en't bos is ziene zaal.
A’j dan'n zetje luusterd hebt naor disse wondre klaank'n,
Dan woj luk aanders in ’t gemood en bi'j geneigd tot daank'n.

Van Graads.


17 juni Reinier van Pisa
Internationale Dag voor de Bestrijding van Woestijnvorming en Droogte
Vaderdag
As op nen zommeroamd de snigg’n kroept met zaand op ’n stet, gef’t annerdaags reag’n.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » ma jun 18, 2018 6:22 am

Dan löp oe gin haan meer veur de veut.
Gezegd als iemand laat aan het werk gaat.


Oavndrood
De zunne zakt, zee lik van gleunig kopper.
De veugel zeukt eer pleatsken veur n nach.
n Oavnd neamp de plaats in van n dag.
t Is stille wördn um miej hen en in miejzölvn.

Marina van der Vegte .


18 juni Maria Dolorosa van Brabant
Internationale Dag van de Duurzame Gastronomi
Menske en juni wind
Dee verannert jao gezwind.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » di jun 19, 2018 6:24 am

Ai’j mar lang genog oezölf blieft, dan worj vanzölf biejzeunder.
Als je maar lang genoeg jezelf blijft, dan word je vanzelf bijzonder.


Mie Moo en Janoom
As mie moo koffie zetten geet
en, janoom zit bie ‘t vuur,
dan zeg oom, jan: „Doo zeunig an,
de koffie is zoo duur"..
As janoom zölven koffie kokt:
dan, sprek 'e doa' nich van;
dan dech 'e: „'k zal e's loaten zee'n,
dat ik, ok kokken kan.

J.M. Legtenberg


19 juni Romualdus
Veur sint Jan (24-6) bid men um reagn,
nao sint Jan koomp e ongeleagen.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » wo jun 20, 2018 7:57 am

Met de haan in ‘n schoot kriej gin brood.
Wie niet werkt zal niet eten, er moet brood op de plank komen, met nietsdoen kom je niet verder.


Javastraat 11
Vrouw, juffrouw, mevrouw: 't lag maar aan de stand
waarin je was geboren of beland.
Vrouw was het minste wat een vrouw kon zijn:
Vrouw Bakker. Bakkers loon was dus maar klein.
Juffrouw had niets met ongetrouwd van doen,
maar des te meer met eer en met fatsoen.
En iemand was pas werkelijk mevrouw,
als ze in onze straat niet wonen wou.
Er was verschil in sexualiteit:
met vrouwen werd er zeker wel gevrijd,
een juffrouw had het ook wel eens gedaan,
maar een mevrouw hield altijd alles aan;
haar boezem, in twee delen ooit ontbloeid,
was tot een deegrol aan elkaar gegroeid;
kwam de meneer of heer bij haar in bed,
hij stuitte op 't onneembare corset.
Willem Wilmink


20 juni Silverius
Internationale Dag van de Vluchteling
Juni met völ zun en weanig reagn,
koomp nen boer good geleagen.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » do jun 21, 2018 6:58 am

In de knibbel smieten. Ruzie, verschil van mening krijgen.

Knibbelerie. Onenigheid, ruzie. Hee har ’n luk knibbelerie kreegn met zien breur. Hij had onenigheid gekregen met zijn broer.

Dat gef nog wa knibbelerie; das voort nog nich terecht. Dat geeft nog onenigheid (ruzie) dat loopt zometéén niet goedaf.
Er zitten nog haken en ogen aan. Niet zo 1 twee drie op te lossen daar komt nog heel wat bij kijken.
Als ergens veel haken en ogen aan zitten bevat het veel aspecten die tot verwarring kunnen leiden.



Het schoolreisje naor 't Lutterzaand

Het schoolreisje naor 't Lutterzaand
dat blif mie altied bie.
Wat wad'n wie as keender toch
met zo'n oetstapje blie.

De jan plezier met 't peerd d'er veur,
de tas vol lekkre ding'n,
"Wie gaot nog nich naor hoes.."
wa'w knuppelhad an 't zing'n.

Met völ geslep deur 't mulle zaand,
het zweet dat dreup d'er of,
ha'w eind'lik dan de goeie plaats
en zat'n wie .. met nun plof.

Doar was de Dinkel .. fris en koel
het water lok'n an.
Dus achter 'n buske of nun struuk
heel rap het badgoed an.

En ha'j gin badpak.. ok gin nood,
de oonderjurk meer an,
met 'n veiligheidspeald kö’j heel wat doon,
dat kwam d'er niks op an.

De jongs prebeern stiekum wa
te loern naor de wichter.
Meer heel völ kregg'n ze nich te zeen,
het struukgewas was dichter.

Wat is d'er mooier veur een keend
as zun en zaand en water.
As waterrat'n sprung'n wie roond,
gespetter en gesnater.

Eén Jong dee ren'n van de berg
het water in met "n vaart.
Gung köpke oonder tot zie'n schrik
was -heel maol van de kaart.



21 juni Aloisius.
Dag van de Lange Mensen
Dag van de Flexmedewerker
Internationale Dag van de Muziek
21 juni begint de zommer. Dan hew, Midzommer, de langsten dag en de kotsten nacht van ’ t jaor.
Noor’n weend op nen langsten dag,
ze zes wek oet den hook dan jach.

Gebruikersavatar
Arie
Member
Member
Berichten: 13068
Lid geworden op: di nov 27, 2007 4:31 pm
Locatie: Enschede

Re: Spreek je dialect

Bericht door Arie » do jun 21, 2018 9:18 am

Het wordt dus een lange dag vandaag. Hierbij dan ook deze mooie oude foto van de Langestraat.
Bijlagen
Langestraat richting Markt oude kerktoren (3).JPG
De stadsfotograaf zonder grenzen

Veteraan
Member
Member
Berichten: 4968
Lid geworden op: ma jan 02, 2012 10:10 am
Locatie: Enschede

Re: Spreek je dialect

Bericht door Veteraan » do jun 21, 2018 11:44 pm

Goed gevonden, Arie en Gerrit.

Gebruikersavatar
GerritHondelink
Member
Member
Berichten: 2029
Lid geworden op: do feb 13, 2014 11:00 pm

Re: Spreek je dialect

Bericht door GerritHondelink » vr jun 22, 2018 6:39 am

Ie mot nich in ’t veur raekeln (porken).
Dit werd gezegd als een derde zich met een onenigheid ging bemoeien.
Raekeln heeft de betekenis van porren, stoken of aanwakkeren.
Bij losse vuren (lös veur= open haard) was dit zeer gevaarlijk vanwege de vonken die wel eens in verkeerde richting gingen.


Schuuln
t Begon al harder te reagn en umdat t poszegelweenkelken nen grootn luifel har, leup ik rap de stroate oaver um doar te schuuln.
Nen oaldern man stön doar de etalage te bekiekn.
Postzegels!' Dat döt miej noe niks, he. Mooie plaatjes wa, mer dan kö'j ok wa ansichtkaartn spoarn.' Hee keek miej s an.
`Mmm...' zea ik, want wat mö’j doar noe op zegn?
`Nich dat ik miej verveel, heur', en hee deu wieder: 'Hobby's zat! Iej möt wat um haandn hebn as man allenig.
Nee... teumig zitn dat kaan k nich. Doar binne wiej nich met op ebrach. Ik was twaalf joar, doo göng ik met de Vaa met, noar t fabriek.
Hen verdeenn a. Ik weet t noch precies, n eerstn dag - trömmelken met oonder n arm en dan van dee grote pasn maakn um de Vaa biej te hoaln.
En dan te korter a'j biej t fabriek kwamn hoo meer leu der warn, en ammoal deur de grote poort hen. Twaalf joar! Dus dat raak iej nich meer kwiet, dat aktief wean.'
Hee nikn miej too en stopn effen.
`En dan bi'j of ekeurd noa veertig joar en wat dan?' Hee wochn gelukkig nich op antwoord. 'Hen angeln goan? Zee'j miej doar a stoan?' en hee wees met ziene haand richting kanaal, 'Zoo... uurn achter mekaar stilstoan? En dan nog dat stoet dat oe n hilnt van n haakn vaalt. Trouwns, ik hoal hillemoal nich van vis.
Ja, noe geleuf k ok nich da'j disse vis, a'j a wat vangt, etn könt, met al dat smerige water, mer ik wol mer zegn: ik goa doar nich zitn.' Hee kreeg n tuutjen sjek oet zienn grootn, zwartn oaverjas en begon, wat onhaandig, noa eerst t ding umslachtig lös evoaln te hebn, n sigretjen te bouwn.
`Doevn! Iej möt doevn hebn, Jan - want zoo hef mien Vaa miej neumd. Dat zeadn ze biej oons in de stroate, doar he'j zoo n dree, veer van dee doevnkeerls zitn. Mer...', hee keek s van zien bouwsel op, `wat is t met dee deers? Ze möt etn!' Hee likn langs zien vleuipapierken hen, plakn zien sjaffie slorderig dich en gong wieder:
`En dan zekers alle oavnde doar stoan te rammeln met zon busken - kom dan jongs, komme dan! En dan fluitn töt dat dee deers deankt: komt, loa'k s noar den nöalzak henvleegn dan höalt den ok op. En dan dee hökke schoon maakn!' Hee maakn n wegwuuvnd gebaar met ziene grote haandn. 'Hoal toch op, ik heb a last genog met miejzölvn.'
Hee deuk met zien sigretjen achter n maantelslat. Doar lechn heel efkes n gelachtig vlemmeken op. Doarop kwam hee heftig paffend wier boavn. Datma'k geern doon. Efn rookn. En de bibeleteek, doar goa k 's morns a hen. Kraantn kiekn en van dee natuurbeuke oaver Afrika en Indie, met völ plaatn, dat ma'k ok geerne zeen. Mer ja...', want hee deu verdan, `rookn dat mag doar nich, he. Doar kaan k nog wa inkomn met al dat papier, wat iej? Ik wa.' Hee har der ne gewoonte van emaakt ziene vroagn zölf te beantwoordn. Da's wa makkelik a'j allenig wont, dachn ik.
`Ne pauze maak ik der aaltied in. Dan he'j t in edeeld' En wat spietig der achteran: `Mer noe begun t te reagn... en noe stoa k hier... met oe.' Hee zuchn depe. Ik keek mer s noar de natte tegels en n scheuldgeveul kwam in miej op.

Frank Löwik


22 juni Paulinus van Nola
As’t koold en nat in juni is
dan löpt met de vruchten mis.

Veteraan
Member
Member
Berichten: 4968
Lid geworden op: ma jan 02, 2012 10:10 am
Locatie: Enschede

Re: Spreek je dialect

Bericht door Veteraan » vr jun 22, 2018 6:48 am

Kun mej dat eem veurlez'n?

Veteraan
Member
Member
Berichten: 4968
Lid geworden op: ma jan 02, 2012 10:10 am
Locatie: Enschede

Re: Spreek je dialect

Bericht door Veteraan » vr jun 22, 2018 7:11 am

Loat mà zitt'n, 'k hebt mejzelf al veur eleez'n. Dan heur ik wat er stiet.

Plaats reactie

Wie is er online

Gebruikers op dit forum: Geen geregistreerde gebruikers en 2 gasten